په وروستیو پنځو کلونو کې مخابراتي شرکتونو په کندز ولایت کې د امنیتي ګواښونو له امله د شپې له خوا یې خپل فعالیتونه درولي و، خو هېواد کې د اسلامي امارت په واکمنېدو سره بېرته یې فعالیتونه ۲۴ ساعته شول.
د ملګروملتونو سرمنشي له خپلو اساسي حقونو څخه د افغان ښځو او نجونو محرومه پاتې کېدو څخه اندېښنه ښيي او وايي، اسلامي امارت دې نړیواله ټولنه کې د غړیتوب لپاره دغه حقوق په رسمیت وپېژني. انتونیو ګوترېش پر ټویټر لیکلي، افغانستان کې ښځې او نجونې د ښوونې او روزنې، دندې او برابر عدالت لپاره یو ځل بیا خپلو حقونو څخه محرومیږي.
د عامې روغتیا وزارت مسوولان تاییدوي چې په هېواد کې د کورونا ویروس مثبتې پېښې په زیاتېدو دي. د عامې روغتیا وزارت ویاند جاوید هژیر سلام وطندارته وویل چې تېرو دوو اوونیو کې پر کورونا ویروس د اخته کسانو شمېر زیات شوی دی.
افغانستان کې د ملګروملتونو سیاسي استازولۍ یا یوناما د اسلامي امارت له خوا د رسنیو د خبري غونډې له ترسره کولو څخه مخنیوي ته غبرګون څرګند کړی او هغه یې د بیان ازادۍ محدودیت بللی دی.
د اسلامي امارت د کرنې او اوبو لګونې او مالدارۍ سرپرست وزیر عبدالرحمان راشد کندوز ته په خپل سفر کې د دغه ولایت له بزګرانو او بڼوالو سره یې کتلي دي. په همدې اړوند جوړې شوې غونډې ته د دغه ولایت د کرنې ریاست مسوولانو د خپلو تېرو پنځو میاشتو کاري راپور وړاندې کړ.
باختر خبري اژانس د کندوز د مرکزي روغتون د رييس محمدنعيم منګل له قوله لیکلي چې ډاکټر هوشنګ روستاقي پرون شپه د اسلامي امارت د امنیتي ځواکونو لهخوا ژغورل شوی دی.
برښنا شرکت د يوې خبرپاڼې په خپرولو سره ويلي چې د ترکمنستان د انرژۍ وزارت یو پلاوی د برښنا رسونې پروژو په ځانګړي ډول د ټاپ پروژې د حقوقي او تخنیکي چارو د چټکتیا په موخه کابل ته راغلی دی.
تخار کې یوې امنیتي سرچینې چې نه یې غوښتل نوم یې واخیستل شي سلاموطندار ته وویل، د اسلامي امارت یو تن سرتېری ګلبدین چې په صداقت مشهور و، د دغه ولایت د مرکز تالقانو ښار په زرګري سیمه کې د ناپېژانده وسلهوالو له خوا په ډزو وژل شوی دی.
هرات کې ځینې سرچینې سلام وطندار ته وایي چې نن ماښام د هرات ښار په حاجي عباس سیمه کې په یو فلانکوچ ډوله موټر کې هغه مهال درنه چاودنه وشوه چې یوشمېر مسافرین یې له مرکز څخه د خاتمالانبیا سیمې ته روان کړي و.
په کندوز کې محلي باوري سرچینې سلاموطندار ته وایي چې په دغه ولایت کې یوشمېر بندیانو له څو ورځو راهیسې د زندان دیوالونه د تېښتې لپاره کیندلي وو چې نن ماښام په تېښته بریالي شوي دي. سرچینې زیاته کړې، اوس د کندوز ښار نظامي بڼه خپله کړې او د اسلامي امارت ځواکونو له دغه بندخونې څخه پاتې بندیان بل ځای ته انتقال کړي دي.
« زمونږ په کورنۍ کې دوه تنه سخت ټپي دي چې اوسمهال په روغتون کې دي، مېرمن مې هم ټپي شوې. دا د محمد امین د خبرو یوه برخه ده چې د بادغیس د قادس ولسوالي «لنګر» سیمې څخه د ولسوالۍ مرکز ته د خپلې کورنۍ ۳ غړي د درملنې لپاره راوستي.
د لغمان سیمهییزې سرچینې وایي، چې دا پېښه پرون شپه ناوخته د دغه ولايت د قرغیو ولسوالي په پتور ګمبه کلي کې رامنځته شوې چې ټول د یوې کورنۍ غړي دي.
طبیعي پېښو ته د رسېدنې په چارو کې د دولت وزارت یاد خطر ته د اندېښنې په څرګندولو سره وایي، هر کال له دې اړخه په سلګونو خلکو ته د سر او مال زیان اوړي.
د بادغیس د اطلاتو او فرهنګ ریاست مسوولانو ویلي چې پرون د دغه ولایت په مرکز او ولسوالیو کې د زورورې زلزلې له امله ځینې کورونه ویجاړ شوي چې په پایله کې یې د ښځو او ماشومانو په ګډون یوشمېر کسان تر خاورو لاندې شوي او مړه شوي دي.
په شمالي ولایتونو (سرپل، فاریاب، جوزجان او بلخ) کې د جګړې له امله یوشمېر بېځایه شوې کورنۍ چې په مزارشریف ښار کې په کمپ/یونټ کې ژوند کوي، سلاموطندار ته وایي چې د خوړو نهشتوالي، لوږې او بېوزلۍ او د بېلابېلو ناروغیو د خورېدو له امله اړ شوي چې خپل ماشومان او پښتورګي وپلوري، خو د ديني علماوو په منځګړیتوب او د يوې خيريه موسسې په مرسته یې مخه نیول شوې ده.
د افغانستان مشهور جراح او د ټکواندو فدراسیون مشر ډاکټر نجیبالله سکندر د تښتوونکو له منګولو وژغورل شو او تښتوونکي د اسلامي امارت د ځواکونو له نیول شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
