د افغانستان د بهرنیو چارو وزارت سرپرست امیرخان متقي په مشري پلاوي نن په تاشکند کې د ازبکستان د بهرنیو چارو له سرپرست وزیر ویلادیمیر نوروف سره کتلي دي. په دغه کتنه کې امیرخان متقي خپل ازبکستاني سیال ته افغانستان کې د ډاډمن امنیت او پانګونې لپاره د فرصتونو رامنځته کېدو په اړه ډاډ ورکړی او ویلي یې دي چې د افغانستان خاوره به د چا پر ضد ونه کارول شي.
د خوست محلي مسوولان وايي چې په دغه ولایت کې د څارویو یو ډول ناروغي پیدا شوې چې له امله یې ګڼ څاروي لهمنځه تللي دي.
په تېره شوه شپه او ورځ کې په میدان وردګ، ننګرهار، لغمان، نورستان، پنجشېر، پروان، لوګر، کونړ، غزني، خوست، پکتیکا او پکتیا ولایتونو کې د اورښتونو له امله سېلابونه راوتلي چې له ځاني زیان سربېره یې خلکو ته ګڼ مالي زیانونه هم اړولي دي.
په ختیځو ولایتونو کې پرون شپه او نن ورځ د سختو بارانونو له امله په ګڼو سیمو کې سیلابونه راوتلي چې خلکو ته یې ګڼ مالي او ځاني زیانونه اړولي دي.
د میدان وردګ محلي مسوولان وايي چې دغه ولایت کې د وروستیو اورښتونو پرمهال سېلابونه راوتلي چې له امله یې ۱۵ کسان مړه شوي دي.
د میدان وردګ د طبیعي پېښو پروړاندې د مبارزې رییس فیضالله جلالي سلاموطندار ته ویلي چې بېګاه ناوخته د دغه ولایت په مرکز میدانښار او شپږ ولسوالیو کې د سختو اورښتونو له امله خلکو ته درانه ځاني او مالي زیانونه اوښتي دي.
د اوبو او انرژۍ وزارت مسوولانو نن کابل کې د یوې خبري ناستې پرمهال هېواد کې د روانې وچکالۍ له امله د اوبو د کمښت په اړه خبرداری ورکړ.
د میدانوردګ یوشمیر بڼوالو سلاموطندار ته ویلي چې د پخوا په پرتله دغه ولایت کې د ګېلاسو حاصلات او باغونه د پام وړ ډېر شوي، خو د مناسب بازار نشتون له امله ډېری بڼوال خپل حاصلات په نیمه بیه پلوري.
د پنجشېر محلي مسوولان وايي چې دغه ولایت کې د وروستیو اوروښتونو له کبله سېلابونه راوتلي چې له امله خلکو ته ګڼ مالي زیانونه اوښتي دي.
د پروان د ټولګټو ریاست مسوولان وايي چې د دغه ولایت په مرکز او شیخعلي ولسوالي کې د لوړ تُناژ تلو عواید ډېر شوي چې ډېری عواید یې د ډبرو سکرو د لېږد له لارې ترلاسه کېږي.
هرات کې ۲۵کلن غلامسخي اته کاله وړاندې په ډېرو کمو امکاناتو هرات ښار کې د دستکولونو د ګنډلو کارخونه جوړه کړه، څو وکولای شي، د ښوونځي زدهکوونکو، د پوهنتون زدهکړیالانو او نورو کسانو لپاره د کار زمینه برابره کړي.
د افغانستان د بیارغونې لپاره د امریکا ځانګړې پلټونکې ادارې یا سیګار په خپل تازه رپوټ کې افغانستان کې د بشري وضعیت په اړه اندېښنه څرګنده کړې ده.
د پکتیکا د مرکز شرنې ښار یوشمېر اوسېدونکي شکایت کوي چې له کلونو راهیسې دولتي برښنا نهلري او تر دا مهاله دغه ښار ته هېڅ ډول برښنا نهده برابره شوې.
کابل کې یوه خصوصي پوهنتون د هېواد د کورنیو تولیداتو د ترویج او پراختیا په موخه نن یو نندارتون پرانیست چې دوه ورځې به دوام وکړي.
د پکتیا محلي مسوولان وايي چې پرون مازدیګر د دغه ولایت په مرکز ګردېز، لجه منګل، ځاځياریوب، سیدکرم او میرزکې ولسوالیو کې د شوي باران له امله سېلابونه راوتلي چې کروندګرو او عامو خلکو ته یې ګڼ مالي زیانونه اړولي دي.
د پاکستان ډان ورځپاڼې راپور ورکړی چې د دغه هېواد یو پلاوی د اسلامي امارت له چارواکو سره د سوداګرۍ، ټرانزیټ، لېږد رالېږد او د ډبرو سکرو د لېږد په تړاو د خبرو لپاره کابل ته راځي.
د هرات د صرافانو او پولي خدماتو ټولنې رییس غلاممحمد سهرابي سلاموطندار ته ویلي چې د افغاني بانک نوټونو زړېدو او دغې ستونزې ته د مسوولانو د نه پام له امله یې د دغه ولایت د اسعارو بازار تړلی دی.
