لوګر کې پر دیني مدرسو نغدي مرسته وېشل کېږي
د لوګر د پوهنې ریاست مسوولان وایي چې د پوهنې وزارت له لوري په مرکز پلعلم او یوشمېر ولسوالیو کې پر ۱۴۷ خصوصي دیني مدرسو نغدي مرسته وېشل کېږي.
د لوګر د پوهنې ریاست مسوولان وایي چې د پوهنې وزارت له لوري په مرکز پلعلم او یوشمېر ولسوالیو کې پر ۱۴۷ خصوصي دیني مدرسو نغدي مرسته وېشل کېږي.
د افغان ښځو یوه بنسټ نن د کابل په مرکزي سیلو کې له لسګونو بېوزله کورنیو سره د خوراکي توکو مرسته وکړه. دا مرستې پر داسې کورنیو هم ووېشل شوې چې وايي، ډېرې شپې یې له خپلو بچیانو سره په وږي نس د خوب غېږې ته پناه وړې ده.
مینهګل هغه مېرمن ده چې د خپلې اته کسیزې کورنۍ سرپرستي یې پر غاړه ده او ډېر کله یې بچیان په شپو-شپو نهار پاتې کېږي.
یوشمېر هغه زدهکړیالان چې سږ کال فارغېږي وايي، تمه نه لري چې له فراغت وروسته به ځان ته کار ومومي. دوی له مسوولانو غواړي چې د کار اسانتیاوې ورته برابرې کړي.
د کابل د يوه خصوصي پوهنتون زدهکړیال محمداصف وايي، څو مياشتې وروسته به د لېسانس دوره بشپړه کړي، خو اندېښمن دی چې کار به ونه مومي او بېبرخلیکه به پاتې شي.
د ملګرو ملتونو د بشري مرستو د همغږۍ دفتر یا اوچا ویلي چې په روان زېږدیز کال کې له ۲۰ میلیونه ډېر زیانمن افغانان د افغانستان په بېلابېلو برخو کې د ساتنې خدمتونو او مرستو ته اړتیا لري.
وچکالۍ په کندهار کې د نورو زیانونو تر څنګ، د کبانو روزنې صنعت هم زیانمن کړی او په تېرو څو کلونو کې د ۵۴۸ فارمونو په تړل کېدو سره د کبانو د روزنې فارمونو شمېر له ۱۷۰۰ څخه ۱۱۵۲ ته را ښکته شوی دی.
خو اوس د «DI – AVCI» په نوم يوې موسسې په کندهار کې د کبانو د روزنې فارمونو زیاتولو هڅې پیل کړې دي.
د ایران د ولسمشر مرستیال او د چاپېریال ساتنې سازمان رییس علي سلاجقه د هلمند سیند د حقابې په اړه د دغه هېواد او اسلامي امارت ترمنځ د خبرواترو په موخه د یوې غونډې جوړېدو خبر ورکوي.
ایرنا خبري اژانس راپور ورکړی چې علي سلاجقه پرون (د غبرګولي لومړۍ نېټه، د دوشنبې ورځ) ویلي چې د ایران ولسمشر دې موضوع ته پام اړولی دی.
د هلمند ګرمسېر ولسوالي اوسېدونکي وايي چې د څښاک پاکو اوبو ته لاسرسی نهلري چې له کبله یې له ګڼو ستونزو سره لاس او ګرېوان دي.
د یادې ولسوالي د صفار سیمې اوسېدونکی حاجي محمداکبر سلاموطندار ته وايي، سیمه کې سلګونه کورنۍ مېشتې دي چې د څښاک اوبه نهلري او هره ورځ یې کوچنیان د اوبو راوړلو لپاره لرو سیمو ته ځي.
د کورنیو چارو وزارت سرپرست سراجالدین حقاني افغانستان کې د ملګروملتونو د سرمنشي ځانګړې استازې روزا اوتنبایوا سره د لیدنې پر مهال غوښتنه کړې چې د ملګروملتونو ناستو کې دې د ا.ا استازي ته د ګډون اجازه ورکړل شي.
په افغانستان کې د ملګروملتونو د ښځو څانګه وايي چې دغه بنسټ افغانستان کې د ملګروملتونو د نورو دفترونو په پرتله د ښځو کار مخنیوي له کبله ډېر اغېزمن شوی او له نارینه ډلو سره به کار ونهکړي.
د افغانستان د سوداګرۍ او پانګونې خونې او خصوصي سکټور مسوولان د ا.ا د هغې طرحې هرکلی کوي چې له مخې به یې له خصوصي سکټور څخه کمه مالیه اخیستل کېږي.
د افغانستان د سوداګرې او پانګونې خونې رییس یونس مومند وايي، افغان سوداګر پر خصوصي سکټور د مالیې له کمېدو سره سره له ګڼو ستونزو سره مخامخ دي.
د یوشمېر هغو ولایتونو اوسېدونکي چې له ولایتونو څخه کابل ته سفر کوي، د ځمکني ټرانسپورټي شرکتونو د ټکټونو له لوړې بیې څخه شکایت کوي.
د تخار اوسېدونکی لعلجان چې د کار او مزدورۍ لپاره کابل ته راغلی، وايي چې د ځمکني ټرانسپورټي شرکتونو د ټکټونو بیې خورا لوړې دي او په وینا یې، خلک تر ډېره د ټکټونو لوړو بیو له کبله سفر ته زړه نه ښه کوي.
د پکتیا د اطلاعاتو او فرهنګ ریاست مسولان وایي چې د اړوند وزارت په لارښونه یې د کتاب اوونۍ تر عنوان لاندې مرکز ګردېز ښار کې د کتابونو یو ورځنۍ نندارتون پای ته ورسېد.
د افغانستان د سوداګرۍ او پانګونې خونې مسوولان وايي چې د تېر کال پر مهال یې د څه باندې یو میلیارډ ډالرو په ارزښت مېوې او سبزیجات بهر ته صادر کړي دي.
په دې وروستیو ورځو کې د ایران حکومتي چارواکو او د یاد هېواد د ولسي جرګې یوشمېر غړیو په پرلهپسې توګه له هلمند سیند څخه د حقابې په تړاو بېلابېلې څرګندونې کړي او له افغان لوري یې د دغه هېواد د حقابې د تامینېدو غوښتنه کړې ده. په دې لړ کې د ایران د ولسمشر ابراهیم رییسي وروستۍ څرګندونې له جدي غبرګونونو سره مخ شوي دي.
د ماشومانو لپاره د ملګروملتونو ملاتړې ادارې یا (یونېسف) په تازهګۍ سره ویلي، روان میلادي کال به افغانستان کې دوه میلیونه او ۳۰۰ زره ماشومان پر خوارځواکۍ اخته شي او له ډلې به ۸۷۵زره بېړنۍ درملنې ته اړتیا پیدا کړي.
د هلمند محلي مسوولان وايي چې د دغه ولایت په اړوند سیمه کې یوه کس خپله مېرمن وژلې ده. پېښه بېګاه شپه د یاد ولایت موسیکلا ولسوالي کې رامنځته شوې.
د هلمند د اطلاعاتو او فرهنګ ریاست مرستیال مولوي محمدقاسم ریاض ویلي چې بېګاه شپه د هلمند موسیکلا ولسوالي د توغي کلي د «شباروز» په سيمه کې یوه مېرمن د خپل خاوند لهخوا په تبر وهل شوې او وژل شوې ده.