د لوګر د پوهنې ریاست مسوولان وایي چې د پوهنې وزارت له لوري په مرکز پلعلم او یوشمېر ولسوالیو کې پر ۱۴۷ خصوصي دیني مدرسو نغدي مرسته وېشل کېږي.
د لوګر د پوهنې ویاند شاهپور عرب سلاموطندار ته ویلي چې د پوهنې وزارت لهخوا پر دیني مدرسو ۵میلیونه افغاني وېشل کېږي.
د سلاموطندار پښتو فېسبوکپاڼه وڅارئ
نوموړي زیاته کړه چې دغه مرسته به د پوهنې وزارت د ښوونې او روزنې مرستیال مولوي سخاءالله سعید تر څارنې لاندې ووېشل شي.
د نوموړي په وینا، تر دې وړاندې هم په دغه ولایت کې له یوشمېر دیني مدرسو سره بېلابېلې مرستې شوي دي.
واک ته د ا.ا له رسېدو سره هممهاله د هېواد په بېلابېلو ولایتونو کې د مسوولانو لهخوا دیني مدرسې جوړې شوي چې ګڼشمېر کسان پهکې پر زدهکړو بوخت دي.
په ورته مهال له شپږم ټولګي پورته د نجونو ښوونځیو له تړلکېدو وروسته په ډېری ولایتونو کې نجونو دیني مدرسو ته مخه کړې او دا یې د خپلو زدهکړو دوام لپاره یوازینۍ هیله بللې ده.