د ملګرو ملتونو سرمنشي انټونیو ګوټرېش د سهشنبې په ورځ یوه ویناپاڼه کې ویلي چې نړۍ د جګړو پر مهال د ملکي وګړو په ساتنه کې پاتې راغلې ده.
د ملګرو ملتونو د شمېرو له مخې، د ۲۰۲۲ کال پر مهال په ټوله نړۍ کې د ۱۲ جګړو په پایله کې شاوخوا ۱۷ زره ملکي وګړي وژل شوي او میلیونونه نور بېځایه شوي دي.
د کندهار محلي مسوولان وايي چې د دغه ولایت په شاهولي کوټ ولسوالي کې د اوبو ژورې څاه ته لوېدلی ماشوم مړ شوی دی.
د کندهار د والي ویاند حاجي احمد عزیزي سلاموطندار ته ویلي چي نن چهارشنبه د غبرګولي درېیمه شاهوليکوټ ولسوالي اړوند «لغړو» کلي کي د عبدالرحمن په نوم ۹کلن ماشوم د اوبو ۳۰ متره ژورې څاه ته لوېدلی و چې له څاه څخه تر رااېستلو وروسته مړ شوی دی.
کابل ښار کې یوشمېر زرګران وايي چې له تېرې یوې میاشتې راهیسې یې کاروبار خوړېدلی او د پلور کچه یې شاوخوا ۴۰سلنه زیاته شوې ده.
د کابل ښار «دهافغانانو» سیمه کې د سرو زرو پلورونکي عبدالفتاح سلاموطندار ته وویل، د وروستیو ورځو پر مهال یې پېرودونکي زیات شوي او د ورځې نږدې ۸۰۰ ګرامه سرهزر پلوري.
هرات کې د «لاجورد لارې» په نوم د کورنیو تولیداتو او لاسي صنایعو دویم څلور ورځنۍ نندارتون نن چهارشنبه د غبرګولي درېیمه پرانېستل شو چې څلور ورځې به دوام ولري.
د لاجورد لارې دغه دویم نندارتون هرات کې کورنیو تولیداتو سره د خلکو اشنا کولو او د کورنیو تولیدونکو او صنعتکارانو د کاروبار ودې په موخه جوړ شوی دی.
د لوګر د پوهنې ریاست مسوولان وایي چې د پوهنې وزارت له لوري په مرکز پلعلم او یوشمېر ولسوالیو کې پر ۱۴۷ خصوصي دیني مدرسو نغدي مرسته وېشل کېږي.
د هند د کرېکټ غوره لیګ یا ایپياېل سیالیو په لړ کې نن د لکناو سوپر جاینټز لوبډله له ممبی انډیینز سره د یاد لیګ په لومړۍ الېمېنېټور سیالي کې لوبه کوي.
ټاکل شوې چې دغه سیالي نن ماښام ۶:۳۰ بجې د چینای د «اماې چېډمبارام» لوبغالي کې ترسره شي.
د پاکستان د خېبرپښتونخوا ایالت اړوند شمالي وزیرستان کې د یوه ځانمرګي برید له کبله د یوه ملکي کس په ګډون درې پوځیان وژل شوي دي.
پاکستاني رسنیو نن چهارشنبه د مې ۲۴مه راپور ورکړی چې پېښه نن د شمالي وزیرستان د دتهخېلو سیمو کې د امنیتي ځواکونو پر یوه چکپواینټ د ځانمرګي برید له امله رامنځته شوې ده.
د بهرنیو چارو وزارت وايي چې له بلغاریا څخه یې د هغو ۱۸ افغانانو جسدونه هېواد ته راانتقال کړي چې اروپا ته د تلو په تکل د یاد هېواد پلازمېنې صوفیا کې په یوه کانټینر کې مړه موندل شوي وو.
دغو کسانو د روان میلادي کال د فبرورۍ په ۱۷مه نېټه په یوه کانټینر کې د هوا کمښت له کبله خپل ژوند له لاسه ورکړی و.
د میدانورګ د طبیعي پېښو پر وړاندې د مبارزې ریاست مسوولان وایي، پرون سهشنبه د سختو اورښتونو امله د دغه ولایت یوشمېر سیمو کې سېلابونه راوتلي چې د هستوګنیزو کورونو سربېره یې کرنیزو ځمکو ته هم زیانونه اړولي دي. پرون سهشنبه غور کې هم د اورښتونو له امله سېلابونه راوتلي و چې پر مهال یې شپږو کسانو خپل ژوند له لاسه ورکړی دی.
د پروان د ټرافیکو مدیریت د پېښو د څېړنې امر عبدالحمید محمدي نن چهارشنبه د غبرګولي درېیمه سلاموطندار ته ویلي، پېښه بېګاه شپه ۱۲بجې د دغه ولایت اړوند د سوېلي سالنګ په «اولنګ» سیمه کې رامنځته شوې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
