لوګر کې په لومړي ځل د کبانو د تولید او روزنې دولتي فارم جوړېږي
د لوګر د کرنې، اوبولګولو او مالدارۍ ریاست چارواکي وایي چې په مرکز پلعلم کې د کرنې او مالدارۍ وزارت له لوري د کبانو د تولید او روزنې دولتي فارم جوړېږي.
د لوګر د کرنې، اوبولګولو او مالدارۍ ریاست چارواکي وایي چې په مرکز پلعلم کې د کرنې او مالدارۍ وزارت له لوري د کبانو د تولید او روزنې دولتي فارم جوړېږي.
د سمنګان محلی مسوولان وايي چې دغه ولایت څلور عامالمنفعه پروژې چې څه باندې شپږ میلیونه افغانۍ لګښت پرې راغلی ګټېاخیستنې ته وسپارل شوې.
د سمنګان د کلیو بیارغونې او پراختیا رییس اخترمحمد مصباح د یادو پروژو د پرانېستې پر مهال غوښتنه وکړه چې د دغو پروژو ساتنه دې وشي.
اروپايي ټولنې افغانستان کې اغېزمنو او له پاکستان څه تازه راستانه شویو کډوالو څخه د ملاتړ او لاسنیوي لپاره د ۶۱ میلیونه افغانیو مرستې اعلان کړی دی.
دې ټولنې پرون «سهشنبه د لړم ۱۶مه» په خپره کړې خبرپاڼه کې همداراز ویلي چې د مرستو یوه برخه کې یې پاکستان کې مېشت افغان کډوالو ته هم ځانګړې کړې ده.
د خوست د شملخرم فرعي دریا حوزې مسولان وايي، نن سهشنبه د لړم ۱۶مه د ياد ولايت مرکز کې د دوه میلیونه او ۷۰۰زره افغانیو په لګښت د يوه چکډېم د جوړېدو چارې پيل کړې.
د ریاستالوزرا اقتصادي مرستیال ملا عبدالغني برادر ایراني چارواکو سره د لیدنې پر مهال له دغه هېواده د برښنا تولید برخه کې د همکاري غوښتنه کړې.
دې لیدنه کې دواړو لوریو د ګډو اقتصادي، سیاسي او د امنیتي همکاریو پر دوام ټينګار کړی دی. په همدې حال کې ایراني چارواکو د افغان پلاوي سفر پر مهال ډاډ ورکړی چې افغانستان سره به په یادو برخو کې همکاري وکړي.
د لغمان د کرنې، اوبولګولو او مالدارۍ وزارت په مالي لګښت د دې ولایت په درېوو ولسوالیو کې د سړوخونو د بیارغونې چارې پیل شوې. د دې ولایت والي زینالعابدین عابد وایي، دغه سړېخونې پخوا جوړې شوې وې او بیا ځلې رغول کېږي چې په وینا یې، بیارغېدنه به یې شاوخوا ۳۶ میلیونه افغانۍ لګښت ولري.
د اوبو او انرژي وزارت چارواکي وایي چې د لوګر په مرکز پلعلم، برهکي برک او خوښۍ ولسوالیو کې د ۱۶میلیونه افغانیو په مالي لګښت د پنځه چکډمونو د جوړېدو چارې پيل شوې. د اوبو او انرژې وزارت وزیر عبدالطیف منصور پلعلم کې جوړې شوې یوې غونډې ته وویل، د لوګر مرکز پلعلم او شپږو ولسوالیو کې سږ کال د ۱۴۷میلیونه افغانیو په ارزښت د اوبو د مدیریت پروژې منظورې شوې دي.
اوزبکستان ته د ا.ا د پلاوي سفر سره هممهاله، د سرپرست حکومت مسوولان وايي، دغه پلاوی به اوزبکستاني چارواکو سره پر بېلابېلو برخو خبرې او هوکړې وکړي.
د مسوولانو په وینا، دغه سفر به د پانګونو جذب، د سوداګرۍ برخه کې د اسانتیاوو رامنځته کولو، د ټرانزیت په برخه کې د ستونزو د حل او د افغان ـ ترانس د اوسپنې پټلۍ د چارو پیلولو لپاره د بهرنۍ پانګونې پر جلبولو ورټول وي.
ملګري ملتونه وايي چې افغانستان کې د ا.ا له لوري د نشهيي توکو پر کښت د بندیز له امله دغه هېواد کې د تریاکو تولید ۹۵سلنه کم شوی دی.
ملګروملتونو دغه څرګندونې نن یکشنبه د لړم ۱۴مه په یوه راپور کې کړې دي. په خپور شوي راپور کې ویل شوي چې په ۲۰۲۲ کال کې د تریاکو تولید ۶۲۰۰ ټُنه ته رسېده چې روان ۲۰۲۳ کال کې دغه شمېر ۳۳۳ ټُنو ته راښکته شوی دی.
روزګان کې یوشمېر کوژدن شوي ځوانان وايي چې د ناوړه دودونو او بېوزلي له امله کلونه کېږي چې د واده لګښتونو پوره کولو لپاره لاس تر ځنې ناست دي.
د یاد ولایت یوه اوسېدونکي شبیراحمد سلاموطندار ته وايي، څلور کاله کېږي چې کوژدن شوی، خو په وینا یې، د واده لګښتونو ته پیسې نهلري.
د ریاستالوزرا اقتصادي مرستیال ملا عدالغني برادر نن شنبه د لړم ۱۳مه د ایران په بلنه د یوه پلاوي په مشري دغه هېواد ته تللی دی.
د ریاستالوزرا اقتصادي معاونیت نن شنبه پر اېکس «ټوېټرپاڼه» لیکلي چې عبدالغني برادر به دغه هېواد ته د خپل سفر پر مهال ایراني چارواکو سره د دوه اړخیزو اړیکو، سوداګرۍ، ټرانسپورټ، رېل پټلۍ او نورو موضوعاتو په اړه خبرې وکړي.
د پکتيا ډنډپټان ولسوالي کې له پاکستان سره د «خرلاڅي دروازه» چې له تېرو لسو ورځو راهیسې تړلې وه، پرون جمعه د لړم ۱۲مه بېرته پرانېستل شوه. د پکتيا د سوداګرۍ خونې رییس حسیبالله ګردیزي سلاموطندار ته وويل چې دغه لاره د پاکستان له لوري تړل شوې وه چې بېرته پرانېستل شوې.
د پاکستان چمن کې یوشمېر افغان کډوال وايي چې د نامعلومو لاملونو له امله پاکستاني پولیس اجازه نهورکوي چې افغانستان ته واوړي او د خوړو او اوبو له کمښت سره مخ دي. یوشمېر دغو کډوالو سلاموطندار ته د ټیلیفوني اړیکې پر مټ ویلي چې پاکستان ترې ټوله شتمني لوټلې او دومره څه نهلري چې خپلو ځانو او اولادونو ته خواړه پرې واخلي.
د لوګر د عامې روغتیا ریاست چارواکي وایي، د کډوالو په چارو کې د ملګروملتونو عالي کمېشنري/UNCHR له لوري دغه ولایت کې یوه روغتیايي مرکز ته د ۲۰۰زره ډالرو په لګښت ودانۍ جوړه کړه.
کندهار کې د انارو یوشمېر بڼوال وايي، سره له دې چې د نباتي ناروغیو او افتونو له امله يې د انارو حاصلات زیانمن شوي د صادراتو پرمهال یې له ګڼو ستونزو سره هم مخ وي. دوی سلاموطندار ته وویل، سپینبولدک کې د نورو ستونزو ترڅنګ، پاکستاني لوري ورته د صادراتو پرمهال ستونزې جوړوي.
د افغانستان لپاره د ملګروملتونو ځانګړي رپورټر ریچارډ بنټ له پاکستان یو ځل بیا غوښتنه کړې چې له دغه هېواد د افغان کډوالو د ایستلو پرېکړه دې لغوه کړي. له پاکستانه د افغان کډوالو د ایستلو پرېکړه په پراخه توګه له غبرګونونو سره مخ شوې.