له دوو ورځو را په دې خوا د کابل د شهزاده سرای چې د بهرنیو اسعارو د تبادلې او را کړې ورکړې لوی بازار دی د صرافانو د کاري پرلت پر بنسټ تړل شوی دی. صرافان وایی دوی نه غواړي چې شرکتونه جوړکړي او جواز یې شرکتي وي؛ خو د افغانستان بانک بیا وایي چې دا کار د دوی په ګټه دی او په دې سره د تورو پیسو د مینځلو مخنیوی کېږي؛ نو باید ټول صرافان تجارتي جوازونه ترلاسه کړي چې صرافان یې نه مني.
د هرات اوسېدونکي او د قصابانو اتحادیې مسوولان وايي، د څارویو قاچاق لامل شوی چې د یوې کیلو غوښې بیه له ۷۰ تر ۸۰ افغانیو پورې لوړه شي. د یادې اتحادیې مسوولان خبرداری ورکوي، که د دغه قاچاق مخه و نه نیول شي، د غوښې بیه به نوره هم لوړه شي.
د افغانستان بانک د تازه پرېکړې پر بنسټ له دې وروسته د هېواد ټول صرافان د انفرادي جواز پرځای باید شرکتي جواز واخلي، د مرکزي بانک دغه پرېګړه په هېواد کې د صرافانو له تند غبرګون سره مخ شوې ده.
د افغانستان د پيسو خدمتونو او صرافانو عمومي ټولنه، افغانستان بانک د صرافانو په کارونو کې د تخنیکي ستونزو پر رامنځته کولو تورنوي.
په هند کې د پولنډ سفارت وايي، ياد هېواد تېره اوونۍ افغانستان ته يو شمېر د افغانيو نوي چاپ شوي بانک نوټونه ورکړل او نور به يې د ۲۰۲۲ کال تر پايه وسپاري.
په نوې ډېلي کې د پولنډ له سفارته په خپره شوې خبرپاڼه کې راغلي، ۲۰۲۰ کال کې چې د (PWPW) شرکت او افغانستان ترمنځ کومه هوکړه شوې د هغې له مخې ۳۸۰ ميليونه افغانۍ نوي بانک نوټونه چاپېږي. نويو بانک نوټونو کې لسګونان، شلګونان، پنځوسيان او سلګونان شامل دي.
په غور کې د کورونا ځانګړي روغتون مسوولان وايي چې نن سهار شاوخوا ۸ بجې دغه روغتون اور واخیست.
د اوبو چارو د تنظیم ملي ادارې ویلي چې په نیمروز کې د «کمالخان بند» د اوبو زېرمه کول پیل شوي او ډېر ژر به دغه بند پرانېستل شي.
د کرنې، اوبو لګولو او مالدارۍ وزیر انوارالحق احدي نن ملت ته د دولت د حسابورکونې په غونډه کې وویل، سره له دې چې په ګمرګونو کې د پرمختللیو سکنرونو په لګېدو سره به د افغان محصلاتو د قاچاق کچه را ټیټه کړي، خو په یوشمېر ګمرکونو فعال نه دي.
د افغانستان برښنا شرکت ملت ته د دولت حسابورکونې په پروګرام کې د دغه شرکت یو کلن راپور وړاندې کړ.
د دغه شرکت مسوولان وايي، د افغانستان ۷۷ سلنه برښنا وارداتي ده او یوازې ۱۶ سلنه یې له کورنیو سرچینو او خصوصي سکټور نه برابرېږي.
د دایکندي محلي مسوولان وايي چې د دغه ولایت د «سوختوک» برښنا بند توربینونه له اووهکلن انتظار وروسته بېګاه تاو شول او د نیلي ښار یې روښانه کړ.
د المان لومړۍ وزیرې انګلا مرکل په افغانستان کې د تاوتریخوالي په زیاتېدو اندېښنه ښودلې او ويلي يې دي د سولې خبرو ترڅنګ هممهاله د تاوتریخوالي دوام د منلو نه دی.
له ارګه په خپره شوې خبرپاڼه کې راغلي چې جمهوررييس محمد اشرف غني پرون ماښام د المان لومړۍ وزیرې انګلا مرکل سره د ویډیو کنفرانس له لارې خبرې وکړې.
د ولسي جرګې غړي وايي، د باختر د سرو زرو خزانه چې د افغانیو پشتوانه ده، له ګواښ سره مخامخ ده.
د ولسي جرګې رییس او یوشمېر غړیو نن د دې جرګې په عمومي غونډه کې د اندېښنې تر څنګ وویل، د باختر د سرو زرو خزانه چې د افغانیو پشتوانه ده، له ګواښ سره مخامخ ده او هېڅ تضمین نشته چې د حامد کرزي هوايي ډګر له لارې دې بهر ته قاچاق نه شي.
د ولسي جرګې یوشمېر غړي وايي چې حکومت د هغو وکیلانو خپلوان له دندو ګوښه کوي چې د ۱۴۰۰ مالي کال بودیجې ته یې سور کارت کارولی، څو وینا یې، پر دوی فشار راوړي.
د ولسي جرګې رییس میررحمان رحماني نن د دې جرګې په عمومي غونډه کې وویل چې حکومت د سیاسي او اداري اخلاقو له په پام کې نیولو پرته د غچ اخیستو په توګه د وکیلانو خپلوان له دندو ګوښه کوي.
د اقتصاد وزارت مسوولان وايي، افغانستان کې ۱۶ میلیونه کسان د کار کولو پر شرایطو برابر دي؛ خو د کورونا ویروس خپرېدل او ناامني د دې لامل شوې چې یوازې ۶ میلیونه وګړي کار وکړي او ۱۰ میلیون نور بېدندو وي.
د اقتصاد وزیرې کریمې حامد فاریابي نن په کابل کې «ملت ته د دولت حساب ورکړې» په برنامه کې وویل، کورونا ویروس د هېواد پر اقتصادي ودې منفي اغېزه کړې.
د ملکي هوايي چلند ادارې مسوولان وايي، په ۱۳۹۹مالي کال کې د یادې ادارې عوایدو کې ۹ سلنه کموالی راغلی دی.
د ملکي هوايي چلند ادارې ريیس محمد قاسم وفاييزاده نن «شنبه، د دلوې څلورمه» کابل کې د یوې خبرې غونډې پرمهال وویل، د دوی ارزونې ښيي چې په ۱۳۹۹ کال کې د یادې ادارې په عوایدو کې ۹ سلنه کموالی راغلی دی.
د مالیې وزارت مسوولان وايي چې د معاشونو یوشانوالی چې د ولسي جرګې له لوري یې وړاندیز شوی، باید د دې جرګې له لوري تعریف شي.
د مالیې وزارت مرستیال عبدالمجیب ځدران نن ملت ته د دولت حسابورکونې په غونډه کې وویل چې د معاشونو یوشانوالي طرحه د عملي کېدو وړ نه ده، خو کېدای شي چې تعادل پهکې په پام کې ونیول شي.
د افغانستان پر روڼتیا د څار بنسټ تازه راپور ښيي چې په تېرو ۱۲ کلونو کې ۲۷۶ میلیارډه افغانۍ د احتیاطي کوډونو په نوم پر سیاسي موخو لګېدلي دي.
د قانون له مخې، احتیاطي کوډونه باید د ټولې بودیجې درې سلنه جوړ وي او حکومت نه شي کولای چې په دغو کوډونو کې تر دې ډېرې پیسې ولګوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
