د اسلامي امارت له لوري په ټول هېواد کې د منځتۍ او عالي دورې د نجونو زدهکوونکو د ښوونځیو تړل پاتېکېدو پرېکړې په غزني کې له لومړي تر شپږم ټولګي پورې د زدهکړو لپاره د نجونو زدهکوونکو روحیه کمزورې کړې ده.
د اسلامي امارت د بهرنیو چارو سرپرست وزیر امیرخان متقي د افغانستان د ګاونډیو هېوادونو د بهرنیو چارو وزیرانو غونډه کې د سیمې له هېوادونو غوښتي، چې نوي افغان حکومت څخه ملاتړ وکړي. هغه وویل، افغان حکومت ژمن دی چې ټولو اندېښنو ته ځواب ووایي او هڅه کوی سیاسي جوړښت لا ټولګډونه شي.
کندهار کې نجونې زدهکوونکې وایي، د زدهکړو اجازه دې ورکړل شي او نور باید د نجونو پر وړاندې د ښوونځيو دروازې بندې پاتې نه شي. دوی د اسلامي امارت لهخوا له شپږم ټولګي پورته د نجونو د ښوونځیو تړل پاتېکېدل د اندېښنې وړ بولي او وايي، نجونې د تعلیم حق لري او اړتیا ده چې زدهکړې وکړي.
واک ته د اسلامي امارت تر رسېدو وروسته د لومړي ځل لپاره د هېواد د ۳۴ ولایتونو د مدني ټولنو استازو د چهارشنبې په ورځ په کابل کې د خلکو د ستونزو د مشخصولو او راټولولو لپاره غونډه جوړه کړه. هغوی وایي، په دغه دوه ورځنۍ غونډه کې به د ولایتونو په کچه د خلکو ستونزې په نښه او د دې ستونزو د حل لپاره به حکومتي چارواکو سره خبرې وشي.
د اسلامي امارت لهخوا پر ښځو د بندیزونو د لګېدو او د نجونو پر مخ له شپږم ټولګي پورته د ښوونځیو بندېدو سره هم مهاله د بشري حقونو د څار سازمان له نړیوالې ټولنې غوښتي چې د اسلامي امارت د دغه اقداماتو په غبرګون کې پر هغوی هم بندیزونه ولګوي.
د خوړو نړیوال پروګرام يا ډبلیو اېف پي وايي چې په افغانستان کې د خوړو د خوندیتوب بحران د ژوريدو په حال کې دی. د خوړو نړيوال پروګرام يوې څېړنې ښودلې چې دا مهال د افغانستان ۲۳ ملیونه وګړي د خوړو خونديتوب نه لري او دا شمېرې د لوړيدو په حال کې دي.
د اسلامي امارت د امر بالمعروف او نهې عنالمنکر وزارت سلاموطندار ته تایید کړه چې یوه میاشت وړاندې یې ټولو دولتي ادارو ته یو مکتوب استولی او پهکې له دولتي کارکوونکو غوښتنه شوې چې «ږیره» پرېږدي او «خولۍ» هم په سر کړي.
د ملګرو ملتونو د بشردوستانه مرستو د همغږۍ دفتر یا اوچا اعلان کړی چې ټاکل شوې د افغانستان لپاره د مرستو راټولو په موخه د سویس په جېنوا ښار کې تر راتلونکو دوو ورځو پورې یوه ناسته جوړه شي.
د امریکا د بهرنیو چارو وزارت د اسلامي امارت له لوري په افغانستان کې د نړیوالو رسنیو پر نشراتو د بندیز لګولو په اړه اندېښنه ښودلې او له سرپرست حکومت څخه یې غوښتنه کړې چې د افغانانو پر حقونو برید ودروي.
باختر خبري اژانس په یوه ټویټر پیغام کې د اسلامي امارت د امر بالمعروف او نهې عنالمنکر وزارت د ویاند محمدصادق عاکف له خولې لیکلي چې یاد وزارت په دولتي ادارو کې د هغو کسانو د ممنوعیت په اړه کومه طرحه نه ده جوړه کړې چې «ږیره» او یا هم «خولۍ» ونه لري.
یوشمېر هېوادوال چې له کابل څخه ولایتونو او برعکس تګ راتګ کوي د مسافروړونکو موټرو د کرایې لوړوالي څخه شکایت کوي. هغوی وایي چې ټرانسپورټي شرکتونو د مسافروړونکو موټرو کرایې لوړې کړي دي.
د کابل ښار یوشمېر هغه ځوانان چې دوه او یا هم درې کاله وړاندې له دولسم ټولګي څخه فارغ شوي وایي، د پوهنې وزارت لهخوا د شهادتنامو د نه ورکولو له کبله له ګڼو ستونزو سره مخ کړي دي.
د افغانستان د ژورنالېستانو او رسنیزو بنسټونو فدراسیون په هېواد کې د خبریالانو او رسنیو له وضعیت څخه اندېښنه څرګنده کړې او ویلي یې دي چې له خبریالانو او رسنیو سره ناقانونه چلن او محدودیت به د رسنیو نیمڅی ورټول کړي. په خبرپاڼه کې راغلي، اسلامي امارت د کورنیو رسنیو پرمټ د یوشمېر نړیوالو رسنیو پر ټلوېزیوني نشراتو هم بندیز لګولی دی.
وروسته له هغې چې اسلامي امارت په افغانستان کې د یوشمېر بهرنیو رسنیو پر ټلوېزیوني خپرونو بندیز ولګاوه، اوس د اسلامي امارت د اطلاعاتو او فرهنګ وزارت مسوولان وايي، یاده پرېکړه یې له دې امله کړې چې دغو رسنیو د «هېواد افغاني او اسلامي فرهنګ» ته پام نه کاوه.
د اسلامي امارت استخباراتو په کندهار ولایت کې د «ملت غږ» په نوم راډیو باندې چاپه وهلې او د یادې راډیو درې کارکوونکي یې له ځان سره بیولي دي.
د سولې او ازادۍ لپاره د افغان ښځو موسسې د اسلامي امارت د پوهنې وزارت پر هغې پرېکړې نیوکه کړې چي پر بنسټ یې، له شپږم ټولګي پورته د نجونو زدهکوونکو ښوونځي دې تر بلې خبرتیا پورې تړلې پاتې وي.
