د مالیې وزارت: ډېر ژر به د متقاعدینو او دولتي کارکوونکو معاشونه ورکړل شي
د مالیې وزارت مسوولان وايي چې د روان مالي کال په بودیجه کې یې متقاعدینو ته پیسې ځانګړې کړي او ډېر ژر به د متقاعدینو او دولتي کارکوونکو حقوق او معاشونه ورکړي.
د مالیې وزارت مسوولان وايي چې د روان مالي کال په بودیجه کې یې متقاعدینو ته پیسې ځانګړې کړي او ډېر ژر به د متقاعدینو او دولتي کارکوونکو حقوق او معاشونه ورکړي.
د کډوالو په چارو کې د ملګروملتونو عالي کمېشنر فلیپو ګراندي ویلي، په نړۍ کې د لومړي ځل لپاره د جګړو، تاوتریخوالي، د بشري حقونو نقص او ځورونې له امله د کډوالو شمېر، له سل میلیونه اوښتی دی.
د افغان ښځو لپاره د امریکا ځانګړې استازې رینا امیري ویلي چې افغانستان کې له اسلامي امارت سره د پرمختګ لپاره د ښځو او نجونو د حقونو راګرځول او دغه هېواد کې د زیانمنو وګړو خوندیتوب اړین دی. نوموړې د بهرنیو چارو وزارت له سرپرست امیرخان متقي سره په یوې ټیلیفوني اړیکه کې پر دې موضوع ټينګار کړی دی.
اروپایي ټولنې د افغان ښځو د وضیعت ارزونې په موخه دوه ورځنۍ غونډه جوړه کړې وه چې نږدې ۶۰ افغان مېرمنو پهکې په حضوري او انلاین ډول برخه اخیستې وه.
د امر بالمعروف او نهې عنالمنکر وزارت د ښځو د حجاب په اړه له سيانان خبري شبکې سره د پخواني ولسمشر حامد کرزي د خبرو په غبرګون کې ویلي، د نوموړي دا څرګندونې د بحث وړ نه دي.
د افغانستان پخواني ولسمشر حامد کرزي د اسلامي امارت له لوري د ټلوېزیونونو پر ښځینه ویاندویانو د تازه محدودیت په غبرګون کې ویلي، اړتیا نشته چې ښځینه ویاندویانې خپل مخونه پټ کړي.
کرزي له سيانان خبري شبکې سره د یوې مرکې پرمهال ټينګار کړی چې د مخ پټول حجاب نه دی او نه هم د افغانستان د فرهنګ برخه ده، بلکې د نورو هېوادونو دود چې افغانستان ته رالېږدول شوی دی.
د ملګرو ملتونو د بشري حقونو عالي کمېشنرې مېشل باشله د افغانستان د بشري حقونو د خپلواک کمېسیون د منحلېدو په اړه اندېښنه ښودلې او هغه یې د «شاتګ پر لور ګام» بللی دی. نوموړې پرون په یوې خبرپاڼه کې ویلي چې افغانستان کې د بشري حقونو خپلواک کمېسیون منحلېدو حیرانه کړې ده.
پر ښځو د محدودیتونو د لګولو پر دوام د امربالمعروف او نهې عنالمنکر وزارت تصویري رسنیو کې د ښځینه کارکوونکو لپاره تازه سپارښتنه کړې ده.
طلوعنیوز خصوصي ټلوېزیون ویلي چې اسلامي امارت په یوه تازه حکم کې د موبيګروپ له ټولو تصویري شبکو غوښتنه کړې چې له دې وروسته، د یادې شبکې ټولې ښځینه ویاندویانې د ټلوېزیوني خپرونو د مخته وړلو پرمهال باید خپل مخونه پټ کړي. د اسلامي امارت تازه امر پر ټولنیزو رسنیو له پراخو غبرګونونو سره مخ شوی دی.
وروسته له هغې چې د اسلامي امارت له لوري په یوه مکتوب کې شپږو دولتي ادارې منحل اعلان شوې، د افغانستان لپاره د اروپايي ټولنې ځانګړي استازي او د یوشمېر هېوادونو سفیرانو او ځانګړیو استازیو د دغې پرېکړې پر وړاندې تند غبرګون ښودلی دی. توماس نیکلسون پر خپله ټویټرپاڼه لیکلي، د نورو ادارو په پرتله دغو دولتي بنسټونو ته اړتیا ډېره لیدل کېږي.
د اسلامي امارت سرپرست حکومت په دې وروستیو کې د یوه مکتوب په ترڅ کې د بشري حقونو خپلواک کمېسیون، د اساسي قانون پر تطبیق د څار کمېسیون، د ملي مصالحې عالي شورا، د ملي امنیت شورا، د ولسي جرګې او مشرانو جرګې د دارالانشا ریاستونه منحل کړي دي.
د کورنیو چارو وزارت سرپرست سراجالدین حقاني له «سيانان» خبري شبکې سره په یوې تازه مرکه کې ویلي، اسلامي امارت د نجونو د زدهکړو مخالف نه دی او پر داسې یوې تګلارې کار کوي چې له مخې یې، د نجونې خوندیتوب تامین او ښوونځي یې بېرته پرانستل کېږي.
د امر بالمعروف او نهې عنالمنکر وزارت په کابل کې د یوناما له کارکوونکو څخه غوښتي چې حجاب مراعت کړي. د بشري حقونو څار سازمان د ښځو د برخې استازې هیدر بار پر خپله ټویټرپاڼه، د دغه سازمان یوه خبرپاڼه خپره کړې چې پهکې د یاد سازمان کارکوونکو ته د اسلامي امارت امر په اړه لیکل شوي دي.
پخواني ولسمشر حامد کرزي ته نږدې سرچینو ځینو رسنیو ته منلې چې کرزي پلان درلود متحده عربی اماراتو ته سفر وکړي او د دغه هېواد د ولسمشر شیخ خلیفه بنزاید ال نهیان په جنازه کې کډون وکړي او د هغه کورنۍ ته د خواخوږۍ مراتب وړاندې کړي، خو ویل کېږي چې د اسلامی امارت چارواکو نوموړي ته له هېواد څخه د وتلواجازه نه ده ورکړې.
نن د مې ۱۵مه د کورنۍ نړیواله ورځ ده. دا ورځ داسې مهال په افغانستان کې لمانځل کېږي چې په هېواد کې د کورنیو وضعیت ورځ تر بلې مخ په خرابېدو دی.
د کابل ښار یوشمېر اوسېدونکي په دغه ښار او یوشمېر ولایتونو کې د برښنا پرچاوۍ څخه د اندېښنې په څرګندولو سره وايي چې د ا.ا سرپرست حکومت د برښنا پایو د امنیت خوندیتوب په برخه کې پاتې راغلی دی.