د بېپولې خبریالانو نړیوال سازمان نن د یوې اعلامیې په خپرولو سره ویلي چې افغانستان کې د خبریالانو خپلسري نیول زیات شوي. د بېپولې خبریالانو سازمان خبرپاڼه کې ویل شوي، تراوسه د هېڅ خبریال دوسیه چې د بېلابېلو تورونو له امله نیول شوي، د رسنیو د سرغړونې کمېسیون له لورې نهده ارزول شوې چې دغه اقدام د رسنیو د قانون خلاف دی.
د کډوالو په چارو کې د ملګرو ملتونو د عالي کمېنشري مرستیاله کلي ټي کلمنټز نن له غرمې وروسته په یوه نااعلان شوي سفر کابل ته راغلې ده.نوموړې په دې سفر کې د هغو ټولنیزو ستونزو د هواري ډاډ ورکړی چې دا مهال افغانان ورسره مخ دي.
ځینو کورنیو او بهرنیو رسنیو راپور ورکړی چې د امریکا کانګرېس د بهرنیو چارو وزیر او ځینو نورو امریکایي چارواکو په ګډون نږدې راتلونکې کې غونډه جوړوي، څو په دې بحث وکړي چې افغانستان کې څه تېر شوي او راتلونکې کې باید څه وشي. د چارو کارپوه طارق فرهادي وايي، دا غونډه به د کانګرېس د ډیموکراټو غړیو په غوښتنه نږدې راتلونکې کې جوړه شي.
د کندوز يو شمېر کروندګر په دغه ولايت کې د هندواڼو له ټيټې بيې څخه شکايت کوي او وايي چې د بهرنيو هېوادونو د هندواڼو د واردولو له امله دغه مېوه په ټيټه بيه پلوري. دوی له حکومت څخه غواړي چې په دغه ولایت کې د هندواڼو بیې کنټرول کړي.
د رویسې جمهوررییس ولادیمیر پوتین پرون له خپل ترکمنستاني سیال سردار بردي محمداُف سره په کتنه کې ویلي چې مسکو او شریکان یې لکه چین، هند، امریکا، ایران او پاکستان د افغانستان د زیربناوو بیارغونې ته چمتو دي.
د مخکیني حکومت د ملي مصالحې عالي شورا مشر عبدالله عبدالله هند ته له ۴۳ ورځني سفر وروسته نن سهار بېرته هېواد ته راستون شو. ښاغلی عبدالله داسې مهال هېواد ته راستنېږي چې په دې وروستیو کې له افغان شخصیتونو سره د تماس کمېسیون په هڅو د مخکیني حکومت یوشمېر سیاسي څېرې او چارواکي بېرته هېواد ته راستون شوي دي.
د افغانستان لپاره د اروپايي ټولنې د غړو هېوادونو ځانګړو استازو بروکسل کې د غونډې پرمهال ویلي، اسلامي امارت د بشري حقونو د وضعیت ښهوالي لپاره پر خپلو ژمنو عمل نهدی کړی. دوی د اسلامي امارت پر حکومت نیوکه کړې چې د منسجمو سیاستونو په غوره کولو کې پاتې راغلی دی.
د هېواد د لوېديځې حوزې د ښځو د سوداګرۍ او صنايعو خونې مسوولان نن د هرات ښار په «٥٠-٥٠» تفريحي پارک کې د «جمعه بازار» په نوم د ښځو د لاسي صنايعو نندارتون پرانستنه وکړه.
د پخواني حکومت یوشمېر پوځیان سلاموطندار ته وایي چې په افغانستان کې د وروستیو بدلونونو وروسته بېبرخلیک پاتې دي. هغوی شکایت کوي چې د اسلامي امارت په راتګ سره دوی له بد اقتصادي وضعیت سر مخ شوي دي.
د کندهار امر بالمعروف او نهې عنالمنکر ریاست نن په یوه غونډه کې پر عامو خلکو د نوي محدودیتونو د لګولو اعلان وکړ.
سلاموطندار په ۱۵ ولایتونو کې د خبریالانو پر کار د اسلامي امارت له لوري د سانسور ۴۴ قضیې مستندې کړي چې له ډلې یې ۲۵ له خپرېدو وړاندې، ۷ قضیې د خپرولو پرمهال او ۱۲ د راپور له خپرولو وروسته رامنځته شوې دي.
له شپږم ټولګي پورته د نجونو د ښوونځیو تړل پاتېدو په دوام، د ښوونې او روزنې برخې یوشمېر کارپوهان وايي چې د دغه وضعیت دوام به ناوړه منفي يایلې ولري.
څه موده وړاندې د ا.ا په منځګړیتوب کابل کې د پاکستان حکومت او پاکستاني طا لبانو ترمنځ د سولې خبرې وشوې چې دواړو لوریو د نورو موضوعاتو ترڅنګ تر نامعلومې نېټې پر اوربند هم هوکړه وکړه. اوس پاکستاني رسنیو راپور ورکړی چې د سولې په خبرو کې ټيټيپي د پاکستان له حکومت غوښتنه کړې چې قبایلي سیمې دوی ته وروسپاري.
د پکتیکا ولایت محلي مسوولانو سلاموطندار ته ویلي چې بېګاه شپه د «انګور اډې» سیمه کې پاکستاني پوځیانو یو افغان په ډزو وژلی دی.
په بامیان کې محلي سرچینو سلاموطندار ته وويل چې د دغه ولايت د پاسپورټ مدیر مولوي عتيقالله د اداري فساد او له دندې څخه د ناوړه استفادې په تور نيول شوى دى.
د کورونا ویروس خپرېدو او ورپسې د اوکرایین جګړې د افغانستان په ګډون نړۍ کې د خوراکي او نفتي توکو نرخونه لوړ کړي دي.
په دې تړاو نړیوال بانک د نړۍ د اقتصادي ودې په اړه کلني راپور کې خبرداری ورکړی چې د خوراکي توکو او تېلو بیو لوړېدو له امله به د ۱۹۷۰ کال څخه وروسته په لومړی ځل نړۍ له لوړ انفلاسیون سره مخ شي.
