د ا.ا ویاند ذبیح الله مجاهد پر خپله ټوېټرپاڼه لیکلي چې نن ماښام د کابل ښار په شپږمه امنیتي حوزه کې په يوې لاسي کراچۍ کې ځای پر ځای شويو چاودېدونکو توکو ته چاودنه ورکړل شوې ملکيانو ته يې مرګ ژوبله اړولې ده. نوموړي ویلي چې د دې چاودنې په پایله کې ۸ ملکيان وژل شوي او ۱۸ نور ټپیان دي.
وروسته له هغې چې امریکا په یوه هوايي برید کې د القاعده ډلې مشر ایمن الظواهري په کابل کې وواژه، نن د هېواد په ګڼشمېر ولایتونو کې زرګونه افغانان لارو او کوڅو ته راووتل او د امریکا پر ضد یې شعارونه ورکړل.
لاریون کوونکو د امریکا پر ضد شعارونه ورکول او د دغه هېواد له لوري یې په کابل کې وروستی هوايي برید وغانده.
د ننګرهار امنیتي مسوولان وايي چې دغه ولایت کې یوه کس خپله مور او دوه ورونه وژلي دي.
په دې وروستیو دوو ورځو کې پر ټولنیزو رسنیو داسې ویډیوګانې لاس په لاس کېږي چې یوشمېر افغان پناه غوښتونکي د ایران او ترکیې پر پوله د ځینو کسانو لهخوا وهل ټکول کېږي چې د افغانانو غبرګونونه یې راپارولي دي. دغه ویډیوګانې چې ویل کېږي د ایران او ترکیې پر پوله اخیستل شوي، یوه ډله افغانان شکنجه او وهل ډبول کېږي.
د کابل کارته سخي سیمه کې د پرونۍ وسلهوالې نښتې وروسته لا هم دغه سیمه د امنیتي ځواکونو له لوري کلابنده ده او د خبریالانو په ګډون هېچا ته اجازه نه ورکول کېږي چې د پېښې ځای ته ورنږدې شي. د پوځي کارپوه اسدالله ندیم په وینا، امنیتي ځواکونه باید له نویو تکتیکونو کار واخلي او هغه څه ونه کړي چې د عامو خلکو ژوند له ګواښ سره مخ کوي.
د ژغورنې نړیوالې کمېټې افغانستان کې بشري وضعیت څخه اندېښنه ښودلې ده. دغې کمېټې پرون پر خپل ویب سایټ کې لیکلي، د ا.ا له واکمنېدو وروسته، اقتصادي بحران چې د لوږې اصلي دلایلو څخه دی، رامنځته شوی دی. په همدې حال کې د اقتصاد وزارت مسوولان وايي، د هېوادوالو د اقتصادي وضعیت ښهوالي لپاره پر یو لړ طرحو کار کوي.
ملت ته د حساب ورکولو په لړ کې نن د افغانستان د اوسپنې پټلۍ ادارې کابل کې د یوې خبري ناستې پرمهال خپل کلنی راپور له رسنیو سره شریک کړ.
د اوسپنې پټلۍ ادارې مسوولانو نن د خپل کلني راپور وړاندې کولو پرمهال وویل چې یادې ادارې د سوداګریزو او نورو توکو د لېږد له لارې په تېره یوه کال کې میلیاردونه افغانۍ ترلاسه کړي.
لوګر کې د کرنیزو فصلونو خړوبولو لپاره د ژورو څاهګانو کېندلو او وچکالۍ له امله د مرکز پُلعلم او ولسوالیو ډېری سیمو کې د څښاک اوبو څاهګانې وچې شوي چې خلک یې ستونزو سره مخ کړي دي.
کابل کې د امریکا د بېپیلوټه هوايي برید کې د القاعده شبکې مشر ایمن الظواهري له وژلکېدو وروسته د چارو یوشمېر شنونکي وايي، د نوموړي وژنه به نړیوالې ټولنې سره د اسلامي امارت اړیکې خړې پړې کړي. دوی سلاموطندار ته ویلي، د اسلامي امارت دغه کړنه به د دوی د سرپرست حکومت په رسمیت پېژندو بهیر نور هم وځنډوي.
د عاشور ورځې په رانږدېکېدو سره پکتیا کې شیعه مذهبي د ا.ا له سرپرست حکومت غوښتنه کوي چې د عاشورا ورځې د لمانځنې مراسمو لپاره دې ورته کلک امنیتي تدابیر ونیول شي. دوی د پکتیا له محلي مسوولانو غوښتنه کوي چې د یادو مراسمو د ښه تر سراوي لپاره دې امنیتي تدابیر زیات شي.
د برښنا شرکت مسوولانو نن کابل کې د یوې خبري ناستې پرمهال خپل کلنی راپور له رسنیو سره شریک کړ.
د برښنا شرکت د عملیاتي چارو رییس صفيالله احمدزي د یاد شرکت د کلني راپور د وړاندې کولو پرمهال وویل چې دا مهال هېواد کې ۳۸سلنه خلک د برښنا له نعمت څخه برخمن دي.
د امریکا ولسمشر جو بایډن پرون سپینه ماڼۍ کې د وینا پر مهال وویل، د روانې اوونۍ د یکشنبې پر ورځ یې کابل کې د القاعده شبکې مشر ایمن الظواهري د بېپیلوټه الوتکې برید کې وژلی دی. کابل کې د القاعده شبکې د مشر وژل کېدو ګڼ غبرګونونه راپورته کړي دي.
هېواد له شپږم ټولګي پورته د نجونو زدهکوونکو د ښوونځیو تړلي پاتېکېدو پر دوام، نن کابل کې د نور د زدهکړو او ظرفیتونو پراختیا موسسې له اسلامي امارت د نجونو ښوونځیو د پرانستلو غوښتنه وکړه.
د کانونو او پټرولیم وزارت مسوولانو نن سهشنبه کابل کې د یوې خبري ناسته پرمهال د خپل یوه کال لاستهراوړنې له رسنیو سره شریکې کړې.
د افغانستان بيارغونې لپاره د امريکا ځانګړې پلټونکې ادارې يا سيګار د افغانستان د بانکي نظام د ناوړه وضعیت څخه پرده پورته کړې
د اقتصاد وزارت مسوولانو نن کابل کې د یاد وزارت د کلني راپور د وړاندې کولو پرمهال یوې خبري ناستې ته وویل چې هېواد کې د ټولو پراختیايي پروژو د پليکېدو شونتیا نشته او هغو پروژو ته لومړیتوب ورکول کېږي چې خلکو ته مهمې او اړینې وي.
