د روان کال غبرګولي مياشت کې د ا.ا ځواکونو پروړاندې ۲۱۴شکایتونه ثبت شوي
د امربالمعروف او نهېعنالمنکر وزارت د اسلامي امارت ځواکونو پر وړاندې د ۲۱۴ شکایتونو د ثبت خبر ورکړ.
د امربالمعروف او نهېعنالمنکر وزارت د اسلامي امارت ځواکونو پر وړاندې د ۲۱۴ شکایتونو د ثبت خبر ورکړ.
طبیعي پېښو ته د رسېدو په چارو کې د دولت وزارت ویاند محمد نسیم حقاني وایي، غزني، میدانوردګ، خوست، پکتیا، پکتیکا، لوګر او زابل ولایتونو کې د وروستیو بارانونو له امله راوتلو سېلابونو خلکو ته درانه مالي زیانونه اړولي دي. طبیعي پېښو ته د رسېدو په چارو کې د دولت وزارت ویاند له نړیوالې ټولنې وغوښتل چې هېواد کې له سېلاب ځپلو سره مرسته وکړي.
د پکتیا اریوبځاځي ولسوالي منډیر، ګوي او سپینې شګې په نوم سیمو کې د اختر ورځو پرمهال د هېواد له بېلابېلو سیمو څخه ګڼشمېر سیلانیان د تفریحې او چکر لپاره ورځي.
د ملګروملتونو د نفوسو صندوق ویلي، په خوست او پکتیکا کې شوې زلزلې د اومېندوارۍ په شرایطو برابرې نږدې ۲۰۰۰۰ مېرمنې او لږ تر لږه ۲۰۰۰ مېرمنې چې د اومېندوارۍ په وروستیو میاشتو کې دي، سختې اغېزمنې کړې دي. د نفوسو صندوق اجرايي مدیرې ناتالیا کانم ویلي، د هغو کورنیو ترڅنګ ولاړ دي چې په وروستۍ زلزله کې زیانمن شوي دي.
د افغانستان ناوړه حالت ورځ تربلې په هېواد کې انساني ناورین لا پسې زیاتوي. خو ښځې د دغه ناورین لومړنۍ قربانیانې دي او هره ورځ د بېلابېلو لاملونو له امله قرباني کېږي.
د شهدانو او معلولینو وزارت مسوولانو نن په کابل کې د یوې خبري ناستې پرمهال وویل چې هېواد کې به د ټولو معلولانو او شهدانو ورثهوو ته د شږو میاشتو حقوق ورکړي.
کابل کې د چین سفیر وانګ یو نن پېښو ته د رسېدو په چارو کې د دولت وزارت له سرپرست سره په یوې ګډه خبري ناسته کې له افغانستان څخه د امریکا په نامسوولانه وتلو نیوکه وکړه. د چین سفیر وویل چې د امریکا په راتلو سره افغانان له ګڼو ستونزو سره مخ شول او اوس چې دغه هېواد له افغانستانه په غیرمسوولانه توګه وتلی، د افغانانو ستونزې دوه برابره شوي دي.
د افغانستان د خبریالانو مرکز او د افغانستان د خبریالانو د ازادې ټولنې ګډ کلنی (۱۴۰۰) راپور وايي چې د اسلامي امارت د واکمنۍ پر مهال د خبریالانو پر وړاندې د تاوتریخوالي پېښې د جمهوري دورې په پرتله دوه چنده زیاتې شوې دي. همدارنگه د بې سرحده خبريالانو او د خبريالانو نړيوال فدراسيون وايي، د اسلامي امارت د واکمنۍ له پيل څخه بیا د ۲۰۲۲ کال د فبرورۍ تر ۴ نېټې پورې لږ تر لږه ٥٠ خبريالان او د رسنيو کارکوونکي بند خونو ته اچول شوي او لږ تر لږه اووه خبريالان وژل شوي دي.
د بامیان محلي سرچینې سلام وطندار ته تاییدوي چې د دغه ولایت د پوهنې ریاست د تعلیمي څارنې غړی، بشر حیدري چې د دې ادارې د رییس اسلامالدین عثماني له خپلوانو څخه دی تېره شپه د دغه ولایت مرکز «دره سادات» سیمې اړوند «بام سرای» روغتیايي مرکز کې له یوې ځوانې جلۍ سره د زنا په تور بالفعل د اسلامي امارت د استخباراتو لهخوا نیول شوی دی.
که څه هم د اسلامي امارت سرپرست حکومت اطلاعاتو ته د لاسرسي په برخه کې د زمینې برابرولو ډاډ ورکړی، خو خبریالان اطلاعاتو د نه لاسرسي له امله شکایت کوي.
د کابل ښار یوشمیر اوسېدونکي شکایت کوي چې د اسلامي امارت له واکمنېدو نږدې یوولس میاشتې تېرېږي، خو لاهم د بانکونو چارې عادي حالت ته نه دي راګرځېدلي. د پلازمېنې اوسېدونکي زیاتوي چې د خپلو معاشونو ترلاسه کولو لپاره په ورځو ورځو د خصوصي بانکونو مخې ته ولاړ وي، خو بیا هم نهشي کولای معاشونه ترلاسه کړي.
هندي رسنیو راپور ورکړی چې د دغه هېواد د مرسته شویو غنمو پنځلسمه جوپه نن د واګه بندر له لارې افغانستان ته لېږدول شوې ده.
په کابل کې د افغانستان د علماوو د درې ورځنۍ غونډې له پای ته رسېدو یوه ورځ وروسته یو شمېر سیاستوالو نیوکه کوي چې له شپږم ټولګي پورته د نجونو د ښوونځیو بیا پرانستل د دې غونډې په اجنډا کې نه وه او نه پرې بحث شوی.
د نجونو د منځنۍ او لېسې دورې د ښوونځیو تړلي پاتېکېدو ته د غبرګونونو په لړ کې نن د «کابل انتقادي ښوونځي» بنسټ مسوولانو کابل کې د یوې غونډې پرمهال د نجونو ښوونځیو پر نهپرانستلو نیوکه وکړه او وې ویل چې اسلامي امارت نجونې له اسلامي او شرعي حق څخه محرومې کړي دي.
په غور کې یوشمېر معلولان وايي چې له ګڼو ستونزو سره مخ دي او کلونه کېږي چې حکومتي مسوولانو یې وړتیا ته پام نه دی کړی او په هېڅ دولتي اداره کې یې پر دندو نه دي ګومارلي.
د ماشومانو لپاره د ملګرو ملتونو ملاتړې ادارې یا (یونېسف) په یوه خپور کړي راپور کې ویلي چې اروپايي ټولنې له افغان ماشومانو څخه د ملاتړ او د پولیو ضد واکسین د تطبیق په موخه ۴۰ میلیونه یورو مرسته کوي. یونېسف ویلي، تېر کال د ۸۸سلنه کورنیو لږ تر لږه یوه کس په ډېرو سختو شرایطو کې له کور د باندې کار کاوه.