د غزني امنیتي مسوولان وايي چې دغه ولایت کې د هاوان مرمۍ د سرګلولې چاودنې له کبله یوه ماشوم خپل ژوند له لاسه ورکړی دی.
د غزني امنیه قومندان خالد سرحدي سلاموطندار ته ویلي چې پېښه پرون جمعه د غويي اتمه د دغه ولایت د ناوې ولسوالي اړوند «مټاخان» کلي کې رامنځته شوې ده.
مېدانوردګ کې له تېرو جګړو څخه پاتې د هاوان مرمۍ د سرګلولې چاودنې له کبله پنځه ماشومان وژل شوي او دوه نور ټپیان دي.
د میدانوردګ چارواکي وایي، پرون جمعه (د غويي اتمه) شاوخوا ۴بجې د دغه ولایت د سیداباد ولسوالي دښتټوپ سیمې په «دیوالګي» کې د هاوان مرمۍ د سرګلولې چاودنې له امله پنځه ماشومان وژل شوي او دوه ټپیان دي.
د غزني امنيه قوماندان خالد سرحدي سلام وطندار ته ويلي چې پېښه پرون جمعه د اندړ ولسوالي په «ميرهزار» کلي کې د دوو موټرسایکلو د ټکر له کبله رامنځته شوې چې په پايله کې يې يو کس مړ او درې نور ټپيان شوي دي.
د يادې ټرافيکي پېښې لامل د موټرسايکل چلوونکو بې احتیاطي ښودل شوې ده.
د فاریاب دولتاباد ولسوالي کې محلي سرچینې وايي چې په دغه ولسوالي کې د درېوو بېلابېلو ټرافیکو پېښو له امله یو کس مړ او دوه ماشومان ټپیان شوي دي.
د غزني امنیتي مسوولان وايي چې دغه ولایت کې د لامبو وهلو پر مهال یو ځوان اوبو ډوب کړی او مړ شوی دی.
د میدانوردګ د مرکزي بهسودو ولسوالي اوسېدونکي یاده ولسوالي کې د ښځینه متخصصو ډاکټرانو او درملو کمښت څخه د اندېښنې په څرګندونو سره وايي چې دې چارې خلک له ګڼو ستونزو سره مخ کړي دي. دوی زیاتوي چې لرو پرتو ولسوالیو کې د پخوا په پرتله د ښځینه ډاکترانو او درملو کمښت ستونزه دوه برابره شوې
فاریاب کې سرچینې سلاموطندار ته وايي چې دغه ولایت کې یوې ۵۶کلنې ښځې ځانوژنه کړې ده. سرچینې زیاتوي چې پېښه د دغه ولایت قرغان ولسوالي اړوند سیمه کې رامنځته شوې ده. سرچینې همداراز ویلي چې یاده مېرمن سلطانه نومېده او پرون پنجشنبه د غويي اوومه د قرغان ولسوالي اړوند «باغوبوستان» کلي یې ځانوژنه کړې او ژوند ته یې د پای ټکی ایښی دی.
رویټرز خبري اژانس راپور ورکړی چې راتلونکې اوونۍ قطر کې د افغانستان وضعیت په اړه د ملګروملتونو د غونډې له جوړېدو مخکې، د امنیت شورا نن پنجشنبه د غويي اوومه پر ښځو د ا.ا محدودیت په اړه د پرېکړهلیک مسوده رایې اچوونې ته وړاندې کوي. د دغه پرېکړهلیک مسوده د متحده عربي اماراتو او جاپان لهخوا چمتو شوې ده.
د هرات ښار یوشمېر اوسېدونکي دغه ښار کې د کارګرو ماشومانو د شمېر زیاتېدو په اړه د اندېښنې ترڅنګ وايي چې هرات ښار کې ګڼشمېر ماشومان پر درنو کارونو او د «کباړ» پر راټولولو بوخت دي. یوشمېر دغه کارګر ماشومان بیا وايي، د اقتصادي ستونزو او بېوزلي له امله اړ دي چې درانه کارونه وکړي.
د روزګان محلي مسوولان وايي چې د دغه ولایت په مرکز ترینکوټ ښار اړوند سیمه کې د یوه کس جسد موندل شوی دی.
د روزګان د امنیې قومنداني ویاند مولوي سعدالله ذاهد سلاموطندار ته ویلي چې د یاد کس جسد یې د مرکز ترینکوټ ښار اړوند «سېناڼو» کلي کې د یوه کور په مېلمستون «مهمانخانه» کې پیدا کړی دی.
د پوهنې وزارت سرپرست وايي چې هېواد کې د دیني مدرسو او ښوونځیو ترمنځ واټن لهمنځه تللی دی.
د پوهنې وزارت سرپرست مولوي حبیبالله نن پنجشنبه د غويي اوومه هلمند ته د سفر پر مهال ویلي چې هېواد کې د دیني مدرسو او ښوونځیو ترمنځ واټن لهمنځه تللی او زدهکوونکي په امن فضا کې خپلې زدهکړې کوي.
د کندهار محلي مسوولان وايي چې دغه ولایت کې د یوې ټرافیکي پېښې پرمهال شپږ کسان مړه او ۱۸ نور ټپیان شوي دي.
پېښه نن پنجشنبه سهار د «غويي اوومه» د کندهار-کابل پر لویه لاره د یوه «بس موټر» د چپهکېدو له امله رامنځته شوې ده.
د نوموړي په وینا، په ټپیانو کې د دوو روغتیايي وضعیت د اندېښنې وړ ښودل شوی دی.
د بغلان امنیتي مسوولان وايي چې دغه ولایت کې یو کس د ناپېژنده وسلهوالو له لوري وژل شوی دی.
پېښه بېګاه شپه د دغه ولایت د تاله او برفک ولسوالي اړوند سیمه کې رامنځته شوې ده.
لغمان کې کروندګر وايي چې د نورو کلونو په پرتله یې سږ کال د «هوږې» په حاصلاتو کې د پام وړ زیاتوالی راغلی دی.
دغه کروندګر زیاتوي چې پخوا به یې په ډېره کمه اندازه هوږه کرله او د ګټېوټې تمه به یې ورڅخه نه وه، خو په وینا یې، سږکال یې د هوږې حاصلات له تېر سره په پرتله زیات شوي دي. یاد کروندګر له حکومت غوښتنه کوي چې د دوی محصولاتو ته مناسب بازار پیدا کړي.
د اطلاعاتو او کلتور وزارت ویاند عبدالمتین قانع وايي، د رسنیو په چارو کې د بېلابېلو حکومتي ادارو د لاسوهنې مخنیوي لپاره له امنیتي ادارو، د امر بالمعروف او نهې عنالمنکر او بهرنیو چارو وزارتونو سره هوکړهلیکونه لاسلیکوي. د هغه په خبره، ا.ا هېواد کې د رسنیز فعالیت ملاتړ ته ژمن دی او دغه وزارت د رسنیزو چارو د تنظیم یوازینی ادرس دی.
د ا.ا یوشمېر مخالفې سیاسي څېرې د دویم ځل لپاره نن د اتریش ویانا کې ټول شوي او ټاکل شوې د افغانستان کورنیو مسایلو او د غونډې ګډونوالو ترمنځ د باور پیاوړي کولو پر سر بحث او خبرې وکړي.
دې غونډه کې چې د اتریش د یوه څېړنیز انستیتیوت له لوري جوړېږي، د مخکیني حکومت تر ۳۰ پورې مشران، سیاسي فعالان او دیپلوماتان ګډون کوي.
