د هوا ککړتیا مخنیوی؛ کابل کې دود تولیدونکي موټر راټولېږي
د چاپېریال ساتنې ملي ادارې مسوولان وايي چې کابل کې د هوا ککړتیا مخنیوي په موخه یې د دود تولیدونکو موټرو د راټولولو لپاره یوه کمېټه جوړه کړې ده.
د چاپېریال ساتنې ملي ادارې مسوولان وايي چې کابل کې د هوا ککړتیا مخنیوي په موخه یې د دود تولیدونکو موټرو د راټولولو لپاره یوه کمېټه جوړه کړې ده.
د سرحدونو، قومونو او قبایلو چارو وزارت مسوولان وايي چې د تېر یوه کال پرمهال یې د خلکو له لوري وړاندیز شوې ۲۸ پروژې پلې کړې دي. دغه پروژې ډېری د سرحدي او ډیورنډ کرښې غاړه کې د مېشتو قومونو او لږکیو له لوري د دوی د ستونزو هواري په موخه وړاندیز شوې وې.
د میدانوردګ د طبعي پېښو پر وړاندې د مبارزې ریاست مسوولان وایي چې د یوشمېر موسسو په مرسته یې د سېلابونو له امله بندې شوې لوې لارې بېرته پرانیستې دي.
د کور او ښارجوړولو وزارت مسوولان وايی چې د تېر یوه کال پر مهال یې د هېواد په بېلابېلو ولایتونو او ښارونو کې ۲۷ ښاري پلانونه پلې کړې دي.
د کلیو بیارغونې او پراختیا وزارت مسوولان وايي چې دا مهال هېواد کې د یو میلیارډ او ۲۵۰ میلیونه افغانیو په ارزښت د اوبو رسونې د ۳۸۳ پروژو د پليکېدو چارې روانې دي.
د خوړو او درملو ملي ادارې مسوولان وايي چې دا مهال په ټول هېواد د درملو تولید برخه کې ۹۵کارخونې فعالیت لري چې ۳۹ یې تازه د تېرو نږدې دوو کلونو پر مهال جوړې شوې دي. د یادې ادارې د مسوولانو په وینا، د درملو او روغتیايي محصولاتو برخه کې ځینې کارخونې چې د بېلابېلو لاملونو له امله تړل شوې وې هم بېرته فعالې شوې دي.
د زابل ولایت مرکز قلات ښار اوسېدونکي له ښاروالي څخه غوښتنه کوي چې د یادې ادارې له لوري په راټولو شویو عوایدو دې ښار کې په اساسي توګه رغنیزې پروژې پیل کړي.
د یاد ولایت اوسېدونکي همداراز د قلات ښار د لا ښکلا په چارو کې د چټکتیا او پراختیا غوښتنه هم کوي.
د میدانوردګ او سمنګان ولایت اړوند سیمو کې د دوو بېلابېلو ټرافیکي پېښو پر مهال پنځه کسان مړه شوي او پنځه نور ټپیان دي.
لومړۍ پېښه چې پرون ماښام د «زمري اوومه» د میدانوردګ په سیداباد ولسوالي کې رامنځته شوې له کبله یې دوه کسان مړه شوي دي.
د هرات محلي مسوولان وايي چې د دغه ولایت له مرکز او ولسوالیو څخه راټولې کړې د موسیقۍ الې یې سوځولې دي.
د هرات د امربالمعروف او نهې عنالمنکر ریاست مسوولانو زیاته کړه چې دغه ولایت کې د موسیقۍ الاتو له پلورونکو سره به قانوني چلن کوي.
د هرات د امربالمعروف او نهې عنالمنکر رییس عزیزالرحمن المهاجر سلاموطندار ته ویلي چې موسیقي اورېدل حرامه ده او په وینا یې، پلورونکو سره به یې قانوني چلن وکړي.
په هېواد کې د جګړو او د ماینونو چاودنې له امله یوشمېر معلولان او د قربانیانو د کورنیو غړي وايي چې له تېرو څو کلونو راهیسې یې خپل حقوق نه دي ترلاسه کړي او ګڼو ستونزو سره لاس او ګرېوان دي. بلخوا د یوشمېر قربانیانو د کورنۍ غړي وايي چې د حکومت له لوري د دوی د حقوق نه ورکړه له امله یې ژوند له کړاونو سره مخ دی.
د افغانستان د اوسپنې پټلۍ اداره وايي چې د ۱۴۰۰ کال په پرتله تېر۱۴۰۱ کال کې د اوسپنې پټلۍ له لارې د سوداګریزو توکو لېږد برخه کې ۲۵سلنه زیاتوالی راغلی دی.
روزګان کې د تودوخې څپې په خپرېدو سره هممهاله د یاد ولایت اوسېدونکي وايي چې د بېوزلي له امله د خپلو کورونو سړېدو لپاره د امکاناتو د برابرولو توان نهلري. بلخوا د روزګان یوه بل اوسېدونکي دین محمد وايي چې د ګرمۍ له امله کبله یې ماشومان پر بېلابېلو ناروغیو اخته دي.
د خوست محلي مسوولان وايي چې دغه ولایت کې د راوتلیو سېلابونو له امله د یوې کورنۍ پنځه غړي مړه شوي دي.
پېښه پرون جمعه (زمري شپږمه» د خوست په اسماعیلخېلو مندوزیو ولسوالي کې رامنځته شوې چې له امله یې د یوې کورنۍ پنځه غړي «مور، پلار او درې اولادونه» اوبو وړي او مړه شوي دي.
دولس کلن سهرا چې ټوله ورځ د فاریاب په مرکز میمنې ښار کې د خلکو د بوټانو په رنګولو تېروي وايي، اقتصادي ستونزو اړ کړی چې له دې لارې خپلې کورنۍ ته یوه مړۍ ډوډۍ پیدا کړي.
هغه چې د ښوونځي د پنځم ټولګي زدهکوونکی و وايي، هیله یې لرله چې یوه ورځ ډاکټر شي، خو بېوزلۍ له زدهکړو بېبرخې کړی او اوس یې د ډاکټر کېدو هیله پر خوب بدله شوې ده.
د سلاموطندار موندنې چې له ۲۶ ښځینه مدافع وکیلانو سره د مرکو له لارې ترلاسه شوي، ښيي چې یادې وکیلانې د افغانستان اسلامي جمهوریت له سقوط وروسته له امنیتي او اقتصادي ستونزو سره مخامخ شوې دي. د دغو وکیلانو له ډلې ۱۹ هغو یې ویلي چې له امنیتي ګواښونو له کبله په یوه سیمه کې دوامدار ژوند نهشي کولای.
د کرنې، اوبو لګولو او مالدارۍ وزارت نن چهارشنبه د زمري څلورمه ملت ته د دولت حساب ورکولو پروګرام کې خپل یو کلن راپور او لاستهراوړنې رسنیو سره شریکې کړې.