خوست کې د یوه ډله ځوانانو لهخوا «سهشنبه، وري ۱۴مه» زرګونه کسانو ته د دغه ولایت په «فوټبال لوبغالي» کې «ګډ روژه ماتی» برابر شوی و.
د ياد ګډ روژه ماتي یوه تنظیموونکي راشدالله همدرد سلاموطندار ته وويل چې په خوست کې د ځوانانو له لوري له تېرو اته کلونو راهیسې «ګډ روژه ماتی» جوړېږي چې موخه او هدف یې د خلکو ترمنځ يووالي دی. د نوموړي په وینا، دې روژه ماتي ته یې د یاد ولایت زرګونه اوسېدونکي وربللي وو.
د پکتیا محلي مسوولان وايي چې د دغه ولایت په مرکز ګردېز ښار کې د ۹۵زره امریکايي ډالرو په ارزښت د دوو رغنیزو پروژو چارې پیل شوې دي.
یادې پروژې نن چهارشنبه، وري ۱۵مه، د مرکز ګردېز ښار اړوند درېیمې او څلورمې ناحیو کې پیل شوي چې د یوه کانال او استنادي دیوال رغول پهکې شامل دي.
د میدانوردګ محلي مسوولان وايي چې دغه ولایت کې د لومړي ځل لپاره د «مجاهد» په نوم ملي موزیم پرانېستل شو چې تراوسه ورته په لسګونو لرغوني او پوځي توکي راټول شوي دي. د نوموړي په وینا، د موزیم په لرغونو توکو کې د اوربلولو توکي، پخوانۍ کټوې، قابونه، د سپینو زرو سیکې، غمي، میسي لوښې، خلکو ته له نیکونو ورپاتې د انګریزانو د یرغل د وخت وسلې او نور موجود دي.
د اسلامي امارت کابینې په هېواد کې د ترافیکي پېښو د مخنیوي طرحه تصویب او اړوندو ادارو ته یې د عملي کولو امر کړی دی. دغه طرحه دوشنبه، وري ۱۳مه، د کابینې په غونډه کې تصویب شوې.
د اختر په رانږدې کېدو یوشمېر کابل ښاریان وايي چې د وزګارتیا او تنګسې له امله نهشي کولای د اختر ورځو لپاره وچې مېوې او شیریني په څېر د اړتیا وړ خوراکي توکي وپېري.
افغانستان کې د ملګروملتونو سیاسي استازولۍ «یوناما» وايي، سره له دې چې له جګړو څځه د پاتې ماینونو له شتون څخه یې شاوخوا ۳زره کیلومتره
د لوګر پوهنې ریاست چارواکي وایي چې د ماشومانو لپاره د ملګروملتونو ملاتړې ادارې (UNICEF) له لوري د مرکز پلعلم، محمداغې او برهکي برک ولسوالیو کې ۹ ښوونځي بیارغول کېږي.
د ایران د کرمانشاه د بهرنیو وګړو او د کډوالو چارو عمومي مدیر وايي، دغه هېواد کې ناقانونه افغان کډوال به د جوړې شوې طرحې له مخې، بېرته افغانستان ته ولېږدول شي.
د ایران ایسنا خبري اژانس د کرمانشاه د بهرنیو وګړو او د کډوالو چارو عمومي مدیر حمزه سلیماني له قوله راپور ورکړی چې د دې طرحې د هر پړاو پليکول به له درېوو تر دوو اوونیو وخت ونیسي.
د هرات محلي مسوولان وايي چې دغه ولایت کې د «حریت، اُمېد او شریعت» په نومونو درېوو غږیزو رسنیو په فعالیت پیل وکړ.
د هرات د اطلاعاتو او فرهنګ رییس احمدالله متقي سلاموطندار ته وايي چې یادو رسنیو «دوشنبه، وري ۱۳مه» په رسمي توګه دغه ولایت کې خپلې نشرات پیل کړي دي. د هرات د محلي چارواکو د معلوماتو له مخې، دا مهال په دغه ولایت کې ۳۱ غږیزې او تصویري رسنۍ فعالیت لري.
افغانستان کې د نشهيي توکو پر کښت له بندیز وروسته، ګڼشمېر ولایتونو کې کروندګرو د نشهيي توکو بدیلو کښتونو ته مخه کړې.
روزګان هم یو له هغو ولایتونو دی چې کروندګرو یې د نشهيي توکو د کښت پرځای د «ځېرې» کښت ته مخه کړې. دوی له حکومت او اړوند ادارو څخه غواړي چې د بدیلو کښتونو برخو کې له کروندګرو سره مرستې وکړي.
د کابل سرای شمالي کې د برېښنايي پېژندپاڼو د وېش مرکز ته راغلي کسان په دغه مرکز کې له ګڼېګوڼې او پڅ کاري بهیره شکایت کوي.
د کابل په سرای شمالي کې د برښنايي پېژندپاڼو د وېش مرکز یوشمېر مراجعهکوونکي په دغه مرکز کې له ګڼېګوڼې او پڅ کاري بهیر څخه شکایت کوي.
د لوګر پوهنې ریاست چارواکي وایي، د ماشومانو لپاره د ملګروملتونو ملاتړې ادارې (UNICEF) له لوري په محمداغې او ازرې ولسوالیو کې ۲۳۸ نوي محلي ټولګي پرانېستل شوې دي.
د افغانستان بانک مسوولان وايي چې سبا «سهشنبه، وري ۱۴مه» به «۱۸» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (دوشنبه، د وري ۱۲مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا سهشنبه «۱۸» میلیونه امریکايي ډالر لیلام کړي.
افغانستان کې د داعش ګواښونو ته د اندېښنو په غبرګون کې ا.ا وايي، امریکا افغانستان کې د یادې ډلې د ګواښونو د ساتنې په لټه کې دی.
د ا.ا ویاند ذبېحالله مجاهد وايي، هغه مهال چې امریکا افغانستان کې شتون درلود، په ورته کړنې یې لاس پورې کړی او اوس غواړي چې افغانستان کې د داعش ګواښ وساتي او د تبلیغ په توګه ترې استفاده وکړي.
د غزني محلي مسوولان وايي چې دغه ولایت کې د ناچاودو توکو د چاودنې له امله نهه ماشومان وژل شوي دي.
د غزني د اطلاعاتو او فرهنګ رییس حمیدالله نثار سلاموطندار ته وايي، دغه پېښه پرون یکشنبه، وري ۱۲مه، د دغه ولایت د ګېروی ولسوالي په ځدراڼ کلي کې رامنځته شوې. حمیدالله نثار زیاته کړه چې چاودنه له پخوانیو جګړو څخه د پاتې ناچاودي ماین د چاودنې له کبله رامنځته شوې.
د خوست مسوولان او سوداګر وايي چې دغه ولایت کې د غلامخان بندر له لارې پاکستان سره د سوداګریزې راکړې ورکړې کچه ۵۰سلنه کمه شوې ده.
دوی وايي، ډېری هغو سوداګرو چې خپل سوداګریز توکي به یې پر دې لاره وړل او راوړل، د خپلې سوداګرۍ لپاره بدیلې لارې غوره کړي دي.
