د لوګر پوهنې ریاست چارواکي وایي چې د ماشومانو لپاره د ملګروملتونو ملاتړې ادارې (UNICEF) له لوري د مرکز پلعلم، محمداغې او برهکي برک ولسوالیو کې ۹ ښوونځي بیارغول کېږي.
د دغه ولایت پوهنې ریاست ویاند شاهپور عرب سلاموطندار ته وویل: «په منظور شویو پروژو کې د مرکز او ولسوالیو ۹ ښوونځیو ته د احاطې دیوالونو، په لمریزه برښنا سمبال د څښاک پاک اوبو شبکو، د لاس مینځلو ځایونو، د عصري او ساده تشنابونو او کانکریټي کثافت دانیو جوړول شامل دي.»
د سلاموطندار پښتو فېسبوکپاڼه وڅارئ
نوموړي همدارنګه زیاته کړه، د یادو ښوونځيو بیارغونه د یوې غونډې په ترڅ کې منظوره شوې او د بیارغاونې عملي چارې به یې په نږدې ورځو کې پيل او راتلوونکو شپږو میاشتو پورې به ګټېاخیستنې ته وسپارل شي.
د عرب په وینا، د یادو ښوونځيو بیارغونې ټول مالي لګښت د ماشومانو لپاره د ملګروملتونو ملاتړې ادارې (UNICEF) له لوري ورکول کېږي او له بشپړېدو سره به یې سلګونه ښوونکي او ۱۵زره نجونو او هلکانو ته د زدهکړو خوندي چاپېریال د څښاک پاکې اوبه او د حفظ الصحې اسانتیاوې برابرې شي.
لوګر پلازمېنې کابل ته څېرمه پروت ولایت دی چې تراوسه یې ۷۴ ښوونځي ودانۍ نهلري او سل ښوونځي یې بیارغونې ته اړتیا لري.