غزه کې د هوا له لارې اړمنو ته د مرستو رسولو په لړ کې د خلکو پر ګڼېګوڼې د مرستو څو کڅوړې لوېدو له امله پنځه کسان مړه شوي او یوشمېر نور ټپیان دي. پر غزې د اسراییلو برید او کلابندۍ له امله اړمنو ته د مرستو رسولو ټولې لارې تړل شوي او مرستې د الوتکو له لارې د فراشوټونو په مرسته غزې ته غرځول کېږي.
د بهرنیو چارو وزارت ویاند عبدالقهار بلخي جمعه، کب ۱۸مه پر اېکسپاڼه لیکلي، ا.ا د فلسطین په لوېدیځه غاړه «الصفه الغربیه» کې د اسراییلو له لوري د ۳۵۰۰نویو مېشتځایونو د جوړېدو پرېکړه غندي او د بندېدو غوښتنه یې کوي. یاد وزارت پر نړۍ غږ کړی چې فلسطین کې د روان ناورین مخنیوي په پار بېړني اقدامات وکړي او خپل مسوولیت ادا کړي.
د پاکستان کرېکټ سوپر لیګ سیالیو په لړ کې نن د پېښور زلمي لوبډله د کویټې ګلاډیېټرز لوبډلې سره سیالي کوي.
ټاکل شوې چې دغه لوبه نن جمعه ۶:۳۰ بجې د پاکستان راولپنډۍ کرېکټ لوبغالي کې ترسره شي.
د موټرو جوړولو کمپنۍ رېوېن د «R2 SUVS او R3 CROSSOVERS» په نومونو خپل نوي کم لګښته برښنايي موټر بازار ته وړاندې کړل.
د رېوېن کمپنۍ دغه موټر به د دې کمپنۍ په امریکا کې مېشتې څانګه کې جوړېږي او د ۲۰۲۶ کال په لومړیو کې به پلور ته وړاندې شي. برښنايي موټر له هغو موټرو چې تېل خوري، خورا لوړه بیه لري.
د سرپرست حکومت د بهرنیو چارو وزارت سرپرست امیرخان متقي نن «جمعه، مارچ اتمه» د افغانستان لپاره د هند ځانګړي استازي جيپي سنګ سره کتلي دي.
د بهرنیو چارو وزارت ویاند عبدالقهار بلخي پر خپله اېکسپاڼه لیکلي چې دې لیدنه کې دواړو لوریو د افغانستان او هند ترمنځ پر اقتصادي او ټرانزیټي مسایلو خبرې او بحث کړی دی.
د پاکستان کرېکټ سوپر لیګ کې نن پنجشنبه د مارچ اوومه یوه لوبه کېږي چې اسلاماباد یونایټېډ به له کراچي کنګز لوبډلې سره ولوبېږي.
ټاکل شوې چې یاده لوبه نن ماښام ۶:۳۰ د پاکستان په راولپنډۍ کرېکټ لوبغالي کې ترسره شي.
د شمالي کوریا مشر کېم جونګ اون د دغه هېواد لوېدیځ کې د پوځي عملیاتو په یوه لویه اډه کې له پوځ سره د لیدنې پر مهال د جګړې لپاره د چمتووالي د ډېرېدو امر کړی دی.
د شمالي کوریا دولتي خبري اژانس (KCNA) «پنجشنبه، مارچ اوومه» په خپل راپور کې د یادې پوځي اډې نوم او ځای نهدی په ډاګه کړی.
د سوېلي کوریا په یوه ژوبڼ کې د «فوبایو» په نوم پانډا ته د مخې ښه مراسم نیول شوي، مخکې له دې چې هغه بېرته چین ته ولېږدول شي.
فوبایو د ۲۰۲۰کال جولای میاشت کې د سیوول په سوېل «افېرلنډ» تفریحي پارک کې زېږېدلې او د ډېرو خلکو پام یې ځان ته وراړولی دی. ټاکل شوې چې دغه پانډا راتلونکې میاشت د چین سیچوان ښار ته واستول شي.
د عیني شاهدانو او رسنیو د راپورونو له مخې، اسراییلي ځواکونو د غزې په سوېلي ښار رفح کې د هستوګنې پر یوې ودانۍ بمباري کړې چې له امله یې لږ تر لږه ۱۴ فلسطینیان وژل شوي او ګڼشمېر نور یې تر خاورو لاندې دي. د دې اژانس د راپور له مخې، په جبالیه او نصرت کې ګڼشمېر کسان وژل شوي او ټپیان شوي، خو کره شمېر یې نهده په ډاګه کړې.
د چین دولتي شرکت «چینککنګ چانګان» د چین برښنايي موټرو د تولیدي شرکت «هومن هارېزونس» د پېرلو لپاره هڅې پیل کړي دي.
هومن هارېزونس شانګهای کې د «هایفې/ HIPHI» په نوم چې یوه برنډ دی، برښنايي موټر تولیدوي.
د چین په ختیځ نانجینګ کې د اورلګېدنې له امله لږ تر لږه ۱۵ کسان وژل شوي او لسګونه نور ټپیان دي.
چارواکي وايي، د لومړنیو پلټنو پر بنسټ، داسې ښکاري چې اور د «جمعې پر ورځ، فبرورۍ ۲۳مه» د نانجینګ په «یوهواتای ولسوالي» کې د هستوګنې د یوې ودانۍ په لومړي پوړ کې پیل شوی، چېرته چې برښنايي بایسکلونه ساتل کېدل.
د اسراییلي ځواکونو له لوري پر غزې د وژونکو بریدونو پر دوام تازه د غزې په «دیرالبلاح» کې د بریدونو پر مهال ۲۵ کسان وژل شوي او ۷۰ نور ټپیان دي.
الجزیزې خبري شبکې نن «شنبه، فبرورۍ ۲۴مه» په یوه راپور کې ویلي چې بریدونه نن سهار شوي دي. له دې بریدونو یوه ورځ وړاندې هم دیرالبلاح کې د شویو بریدونو له کبله ۴۰فلسطینیان وژل شوي وو.
د اسټرالیا کرېکټ ملي لوبډلې د درېوو شل اووره سیالیو د لوبلړۍ په دویمه لوبه کې هم نیوزیلنډ ته ماته ورکړه.
اسټرالیا دې لوبه کې د ۷۲ منډو په توپیر نیوزیلنډ مات کړ. اسټرالیا په لومړۍ لوبه کې هم نیوزیلنډ مات کړی دی.
د فلسطین پر بېلابېلو سیمو د اسراییلو ځواکونو د ځمکنیو او هوايي بریدونو په لړ کې تازه د غزې پر مرکزي سیمو د بریدونو پر مهال ۴۰ فلسطینیان وژل شوي دي.
غزه کې د دولتي رسنیو دفتر «پنجشنبه، کب درېیمه» په یوې خبرپاڼه کې ویلي، د غزې پر مرکزي برخه د «دیرالبلاح» سیمه کې د اسراییلي ځواکونو لهخوا روان «وحشیانه قتل عام» تر سلو ډېر کسان ټپیان کړي چې په وینا یې، د قربانیانو ډېره برخه ښځې او ماشومان دي.
د فلسطین روغتیا وزارت چارواکي وايي چې د غزې په سوېل رفح ښار کې د اسراییلي ځواکونو په هوايي بریدونو کې ۶۷ کسان وژل شوي او لسګونه نور ټپیان دي.
رویټرز خبري اژانس نن دوشنبه فبرورۍ دولسمه راپور ورکړی چې دغه کسان د حماس ډلې له لوري د دوو برمته شویو د خوشې کولو په عملیاتو کې وژل شوې دي.
د افغانستان کرېکټ ملي لوبډله نن د سریلانکا کرېکټ ملي لوبډلې سره د درېوو یو ورځنیو سیالیو د لوبلړۍ دویمه لوبه کوي.
ټاکل شوې چې یاده لوبه نن یکشنبه د فبرورۍ ۱۱مه د کوربه سریلانکا د «پاليکالي کرېکټ نړیوال لوبغالي» کې ترسره شي. افغان لوبډلې د یادې لوبلړۍ په لومړي سیالي کې له سریلانکا لوبډلې د ۴۲ منډو په توپیر له ماتې سره مخ شوه چې ورسره د درېوو یو ورځنیو سیالیو روانه لوبلړۍ کې سریلانکا ۱-۰ مخکې دی.
