د هند کرېکټ غوره لیګ یا ایپياېل سیالیو په لړ کې نن له غرمې وروسته دوه لوبې کېږي چې لومړۍ سیالي به د ګجرات ټایټنز او رویالز چلنجرز بنګلور لوبډلو ترمنځ وشي.
ټاکل شوې چې یاده لوبه نن یکشنبه، اپرېل ۲۸مه، د هند د احمداباد په «نرېنډرا موډي کرېکټ لوبغالي» کې ترسره شي.
د سلاموطندار پښتو فېسبوکپاڼه وڅارئ
د نن ورځې په دویه لوبه کې بیا چینای سوپر کنګز له سنرایزرز حیدراباد سره مخ دی. یاده لوبه به نن مازدیګر ۶:۳۰ بجې د چینای په کوربهتوب پیل شي.
د ګجرات ټایټنز لوبډلې په روان لیګ کې تر دا مهاله نهه لوبې کړي چې څلور یې ګټلي او پنځه یې بایللې دي. دا لوبډله اوس د سیالیو د جدول په اووم ځای کې شتون لري.
له یادې لوبډلې سره د افغانستان کرېکت ملي لوبډلې درې لوبغاړي راشدخان، نوراحمد او عظمتالله عمرزی لوبه هم لوبه کوي.
بلخوا بنګلور لوبډله چې دې لیګ یې ښې لوبې کړي، خو د سیالیو د جدول په وروستي او لسم ځای کې شتون لري. دې لوبډلې له کړیو نهو لوبو یوازې دوه لوبې ګټلې دي.
بلخوا د حیدراباد او چینای لوبډلې چې د سیالیو د جدول په درېیم او شپږم ځایونو کې شتون لري، تراوسه دې لیګ اته-اته لوبې کړې دي.
حیدراباد له اتو پنځه او چینای له څلورو لوبو څلور ګټلې دي.
د یادو سیالیو په بېګانیو لوبو کې راجستان رویالز، لکناو سوپر جاینټز او ډیلي بیا ممبی انډیینز ته ماته ورکړه.