د تېرې او سوریې په بېلابېلو ښارونو کې د تېرې میاشتې مرګونې زلزلې له امله د مړو شویو کسانو شمېر څه باندې ۵۴۰۰۰ کسانو ته لوړ شوی دی.
رویټرز خبري اژانس په یوه راپور کې د ترکیې د کورنیو چارو وزیر سلیمان سویلو له قوله ویلي چې دغه هېواد کې د شوې زلزلې له کبله تراوسه ۴۸۴۴۸ کسانو خپل ژوند له لاسه ورکړی.
د فلسطین تر ټولو لوړ عمر لرونکی زنداني چې له تېرو ۱۷ کلونو راهیسې د اسراییلو په یوه زندان کې بندي و، ازاد کړی دی.
دغه فلسطینی د وسلو د قاچاق په تور نیول شوی و. پر ۸۳ کلن فواد شوباکي تور و چې له ایران څخه یې د غزې ساحلي سیمې ته په یوه کښتۍ کې ۵۰ ټُنه وسلې لېږدولې.
د اسټرالیا او هند کرېکټ ملي لوبډلو ترمنځ د څلورمې ټسټ لوبې پر دویمه ورځ د اسټرالیا د کرېکټ ملي لوبډلې د ټولو لوبغاړو په سوځېدو ۴۸۰ منډې جوړې کړې.
د پاکستان د بلوچستان ایالت په اړوند سیمه کې د پولیسو پر موټر د ځانمرګي برید له کبله نهه پولیس سرتیري وژل شوي او ۱۳ نور ټپیان دي.
برید نن دوشنبه د کب ۱۵مه د بلوچستان ایالت د کچي ولسوالي کنبري پُل سره نږدې شوی دی. په ورته مهال پاکستاني رسنیو راپور ورکړی چې ښايي د مرګژوبلې شمېرې له دې هم لوړې شي.
د هند او اسټرالیا د کرېکټ ملي لوبډلو ترمنځ په درېیمه ټسټ لوبه کې د اسټرالیا لوبډلې مخکښه ښکاري او پر دویمه ورځ یې د هند ټول لوبغاړي په ۱۶۳ منډو وسوځول.
د امریکا ولسمشریزو ټاکنو ته نومانده نیکي هیلي وايي چې پاکستان لږ تر لږه د ۱۲ ترهګرو ډلو کور دی او پر دغه هېواد باید د امریکا مالي مرستې بندې کړل شي.
د هند او اسټرالیا د کرېکټ ملي لوبډلو ترمنځ درېمه ټسټ سیالي کې په لومړي ورځ د هند کرېکت ملي لوبډله د اسټرالیا د توپاچوونکو پر وړاندې پاتې راغله او ټوله لوبډله په ۱۰۹ منډو وسوځېده.
د نیوزیلنډ او انګلستان د کرېکټ ملي لوبډلو ترمنځ په دویمه ټسټ لوبه کې کوربه نیوزیلنډ لوبډلې له یوې په زړه پورې لوبې وروسته انګلستان ته د یوې منډې په توپیر ماته ورکړه.
پاکستاني رسنیو نن دوشنبه د کب اتمه راپور ورکړی چې د دغه هېواد په توربازار کې یو امریکايي ډالر له ۲۸۵ تر ۳۰۰ روپۍ «کلدارې» ته لوړ شوی دی.
پاکستان کې صرافان وايي چې څه موده وړاندې دغه هېواد کې د روپۍ پر وړاندې ډالر ښکته شوي و، خو اوس بېرته لوړ شوي دي.
پاکستاني رسنیو نن یکشنبه د کب اوومه راپور ورکړی چې د دغه هېواد د خېبرپښتونخوا ایالت په کوز دیر جندول مایار سیمه کې یوه ځوان د ټیکټاک منع کولو له امله خپل پلار وژلی او مور یې ټپي کړې ده.
د امریکا «سيبياېس نیوز» رسنۍ راپور ورکړی چې د افغانستان مخکینی ولسمشر محمداشرف غني د هغو مشرانو په نوملړ کې شامل دی چې د امریکا ولسمشر جو بایډن ته یې ارزښتمنې ډالۍ ورکړي دي. د غني مېرمن رولا غني هم د بایډن مېرمنې جېل بایډن ته د ورېښمو یوه غالۍ ډالۍ کړې وه چې ارزښت یې ۱۹۲۰۰ ډالرو ته رسېږي.
اسراییلي ځواکونو د اشغال شوې لوېدیزې غاړې نابلوس ښار کې د یوې چاپې پر مهال ۱۱ فلسطینیان وژل شوي او لسګونه نور ټپيان دي.
د رسنیو د راپورونو له مخې، برید پرون چهارشنبه د کب درېیمه شوی چې له ۱۰۰ زیات کسان پهکې ټپیان هم شوي دي. د ځینو ټپیانو روغتیايي وضعیت د اندېښنې وړ ښودل شوی دی.
د امریکا په نیویارک کې یوې محکمې د سپټمبر ۱۱مې پېښې د قربانیانو کورنیو ته د افغانستان بانک د کنګل کړل شوې شتمني څخه د ۳.۵ میلیارډ ډالرو د ورکړې غوښتنه رد کړې ده.
د اروپا فوټبال د اتلانو لیګ سیالیو په لړ کې بېګاه شپه ریال ماډریډ لوبډلې ښکلې لوبه وکړه او د انګلستان پیاوړې لوبډلې لېورپول ته په خپل کور کې ستره ماته ورکړه.
د پاکستان د پنجاب په چکوال ښار کې د یوه واده د ورا موټر د چپهکېدو له امله د ښځو او ماشومانو په ګډون ۱۴ کسان مړه شوي او ۶۴ نور ټپیان دي.
د هند او انګلستان د کرېکټ ملي لوبډلو په ټسټ لوبو کې خپلو سیالانو ته سختې ماتې ورکړې. هند په خپل کوربهتوب اسټرالیا او انګلستان بیا کوربه نیوزیلنډ له سختې ماتې سره مخ کړ.
