د میدانوردګ د کلیو پراختیا او بیارغونې ریاست مسوولان وایي، د خوړو نړیوال پروګرام (WFP) له لوري د دغه ولایت په دایمیرداد ولسوالي کې پر شاوخوا ۱۳۰۰ بېوزله او اړمنو کورنیو خوراکي توکي وېشل شوې دي.
هېواد کې د وروستیو درېوو ورځو پرمهال په ۱۴ ولایتونو کې د اورښتونو او سېلابونو راوتلو له امله ۱۵کسان مړه شوي او خلکو ته یې درانه مالي زیانونه اړولې دي.
پېښو ته د رسېدو په چارو کې د دولت وزارت مسوولان سلاموطندار ته وايي چې د یادې مړینې ترڅنګ ۱۴۰ کورونه په بشپړه او نیمه بشپړه توګه ویجاړ او ۲۱۲۵ څاروي هم لهمنځه تللي دي. د وزارت په وینا، د سېلابونو له امله ۵۰۰ کورنۍ هم خپلو مېنو پرېښودو ته اړ شوې دي.
د خوست ښاروالي چارواکي وايي چې د «ښار پاکولو» په موخه یې عمومي اشر کړی دی. په دې اشر کې د خوست ښاريانو، د ښوونځيو زدهکوونکو او چارواکو برخه اخیستې وه.
د هرات یوشمېر څارويلرونکي او د لبنیاتو خرڅوونکي، دغه ولایت کې د لبنیات پلورونکو ټولنې له جوړېدو خوښ دي او وايي، تمه ده چې د کار په پیل سره به ورته اسانتیاوې برابرې او د شیدو پروسېس او بازارموندنې په اړه به عامه پوهاوی ورکړي. د لبنیاتو پلورونکی محمدسلیم وايي، یاده ټولنه به د لبنیاتو خرڅوونکو ترمنځ همغږي رامنځته کړي.
د کار او ټولنیزو چارو وزارت مسوولان وايي، روانه میلادي میاشت به کابل کې د «کار ملي کنفرانس» جوړ کړي.
د یاد وزارت مسووولانو دغه څرګندونې کابل کې د کار نړیواله ورځې نمانځغونډه کې وکړې.
د دوی په وینا، هېواد کې د وزګارتیا لاملونو څېړلو او ننګونو ته یې د رسېدنې لپاره، د روانې میلادي میاشتې په ترڅ کې د «کار ملي کنفرانس» هم جوړ کړي.
د میدانوردګ محلي چارواکي وایي چې د دغه ولایت په سیداباد ولسوالي کې د لومړي ځل لپاره د برښنایي پیژندپاڼو د وېش یو مرکز پرانېستل شوی دی.
د زابل اوسېدونکی ۶۰کلن عبدالکریم چې د مرکز کلات ښار د کاکړانو چینې سیمې اوسېدونکی دی، وايي، د عمر نیمه برخه يې پر بزګرۍ تېره کړې.
هغه سلاموطندار ته وايي چې دغه ولایت کې د وروستیو کلونو وچکالي يې ژوند ستونزمن کړی وو، خو په وینا یې، سږکال روانو اورښتونو یوځل بیا کرنې ته هیلهمند کړی دی.
د لوګر د کلیو پراختیا او بیارغونې ریاست چارواکي وایي چې د خوړو نړیوال پروګرام (WFP) له لوري د دغه ولایت په برهکي برک ولسوالي کې پر شاوخوا ۹۰۰ بېوزله او اړمنو کورنیو خوراکي توکي وېشلې دي.
د غور مرغاب او چهارسده ولسوالیو کې د سختو اورښتونو له امله خلکو ته درانه مالي زیانونه اوښتي دي.
د یادو ولسوالیو یوشمېر اوسېدونکي سلاموطندار ته وايي، د سېلابونو له امله دوه کسان مړه شوي او خلکو ته درانه مالي زیانونه هم اوښتي دي. د غور محلي چارواکي بیا د اندېښنې په څرګندولو سره وايي، مرغاب او چهارسده کې سېلابونو خلکو ته درانه زیانونه اړولې دي.
خوست کې د سوالګرو راټولولو کمېسیون مشر وليشاه خان وايي چې د سوالګرو ټولولو لړۍ به څو ورځې دوام وکړي چې په ترڅ کې به يې په خوست ښار او ولسواليو کې ټول سوالګر راټول شي.
نوموړي وويل چې په لومړی ورځ يې نن «شنبه، غويي ۱۵مه» له خوست ښار څخه ۱۰۰سوالګر چې ماشومان هم پهکې شامل وو، راټول کړي دي.
د صنعت او سوداګرۍ وزارت سرپرست نورالدین عزیزي د یوه پلاوي په مشرۍ ایران ته سفر کړی او هلته یې د سیستان او بلوچستان له والي سردار محمد کرمي سره لیدلي دي.
په دغه کتنه کې د دوه اړخیزې سوداګرۍ پر پراختیا، د افغانستان د ونډې پر زیاتوالي او د چابهار بندر له لارې د افغاني توکو د ټرانزیټ په اړه خبرې شوې دي.
سلاموطندار د هېواد د ۲۸ ولایتونو د ۷۵۱ ځوانانو ترمنخ یوه سروې کړې چې معلومه کړي، په څومره کچه ځوانان د ورځنیو کارونو ترڅنګ، ورزش ته هم وخت ورکوي. په دې سروې کې ۴۱۸ نارینهوو او ۳۳۳ ښځینهوو ګډون کړی و چې د جنسیت له پلوه ترلاسه شوې پایلې ښيي چې د ښځو په پرتله نارینه ډېر ورزش کوي.
د هند کرېکټ غوره لیګ یا ایپياېل سیالیو په لړ کې نن شنبه، مې څلورمه رویالز چلنجرز بنګلور د ګجرات ټایټنز لوبډلې پر وړاندې لوبېږي.
ټاکل شوې چې یاده لوبه نن مادزیګر ۶:۳۰ بجې د هند د بنګلور په «اېم چېناسوامې کرېکټ لوبغالي» کې ترسره شي.
د لوګر د بدنې روزنې او سپورت امریت چارواکي وایي، د بدني روزنې او سپورت ریاست په همغږۍ د موټرسایکل ځغلونې ملي فدراسیون پرانېستل شو.
افغانستان کې د ورزشي سیالیو جوړېدل دغه لرغوني هېواد کې اوږده مخینه لري. د انسان سلامتیا لپاره د ورزش اهمیت ته په کتو، دې ته اړتیا وه چې یاده برخه کې پراخې څېړنې وشي، خو د ځوانانو ترمنځ د ورزش په اړه د دوی لیدلوری او دا چې څومره ځوانان ورزش کوي، څېړنه نهده شوې. د همدې لپاره سلاموطندار په دې سروې کې۷۵۱ کسان پوښتلي چې دوی ورزش کوي، که نه؟ څو د نمونوي ارزونې په مرسته دا ومومي چې څومره ځوانان ورزش کوي او همداراز د دوی ترمنځ ورزش څومره اهمیت لري.
د لوګر محلي چارواکي وایي چې د مرکز پلعلم ښار اړوند په «حصارک» کلي کې یو ۱۲کلن هلک د «لوګرسیند» ته لوېدلی او مړ شوی دی.
د یاد ولایت د امنیې قومنداني ویاند احمدالله انس سلاموطندار ته وویل، امنيتي ځواکونو د اوبه وړي ماشوم د جسد په لټه کې دي او تراوسه يې په موندلو نهدي بريالي شوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
