د نورستان محلي مسوولان وایي چې د لویدیځ نورستان ولسوالیو ته چې له تېرو دوو میاشتو راهیسې یې ځمکنۍ لارې د پاکستان سره د نښتو له امله بندې وې، تازه د دواړو لوریو د قومي مشرانو له لوري یاده لار پرانستل شوې او د خلکو تګراتګ پیل شوی دی.
کابل کې د نسایي او ولادي برخې یوشمېر ډاکټران وایي چې له واده مخکې د طبي معایناتو نهکول او د روغتیايي سپارښتنو ته نه پام، کولی شي جدي ستونزې له هغې ډلې نااومیندواري، د جنین ضایع کېدل او نورې روغتیايي ستونزې رامنځته کړي.
د بدخشان یو ځوان، د خپلو شخصي وړتیاوو او یوازې شاوخوا ۱۰زره افغانيو په لګښت، په څه باندې یوه میاشت کې توانېدلی چې دوه عملي سافټویرونه «نخک» او «چتیار» ډیزاین او جوړ کړي.
دا اپلېکېشنونه اوس د ازمایښتي پړاو (Beta) کې دي او هدف یې د کاروونکو د اړیکو او ډیجیټلي اړتیاوو پوره کول دي.
دیني عالمان او حقوقپوهان ټينګار کوي چې مېرمنې حق لري له واده وړاندې، خپل مشروع شرطونه په نکاحلیک کې درج کړي او که خاوند د خپلې مېرمنې دې شرطونو ته ژمن پاتې نهشي، له قانوني لارو خپل حق غوښتلی شي.
بلخوا یوشمېر مېرمنې چې کلونه یې له خاوند سره ګډ ژوند کړی، د خپلو شرطونو له نهعملي کېدو شکایت کوي او وايي، دغه شرطونه له واده وړاندې د خاوند له لوري منل شوي وو.
افغانستان د بېلابېلو قومونو او فرهنګونو ګډ کور دی چې د مېلمستیا پرمهال یې، دودیز خواړه د دسترخوان ښکلا بلل کېږي. دا دودیز خواړه د هېواد د تاریخ، دود او رواجونو ترڅنګ د کورنیو ترمنځ د یووالي کیسه بیانوي.
خو د هېواد دودیزو خوړو ځای اوس چټکپخېدونکو یا تیارو او بهرنیو خوړو نیولی دی. په دې راپور کې یوشمېر مشرانو سلاموطندار ته ویلي چې ځوانان اوس د دودیزو خوړو پر ځای مدرن خواړه خوښوي.
د فراه د امنیې قومنداني مسوولان وايي چې په تېرو دوو میاشتو کې اته کسان د دې ولایت په سیند کې د ډوبېدو له امله خپل ژوند له لاسه ورکړی دی.
د فراه د امنیې قومنداني ویاند، کلیمالله ننگیال ویلي چې دا پېښې د بېاحتیاطۍ له امله رامنځته شوې دي.
د هلمند د ګرمسیر ولسوالي د ځنځیر په سیمه کې د یونېسف په مالي ملاتړ یو نوی ښوونځی جوړ او په رسمي توګه د زدهکوونکو پرمخ پرانېستل شوی دی.
د مسوولانو په وینا، دا ښوونځی د تېرکال په اوږدو کې په دغه ولایت کې د جوړو شویو ۲۳ ښوونځیو له ډلې څخه دی چې د سلګونو ښځینه او نارینه زدهکوونکو لپاره به د زدهکړې مناسب چاپېریال برابر کړي.
د خوست ولايت مقام څخه نن په رالېږل شوې خبرپاڼه کې ویل شوي چې د یاد ولایت په ګډون د هېواد په پنځلس ولایتونو کې د کرنې، اوبولګولو او مالدارۍ وزارت له لوري د تېل (غوړ) لرونکو نباتاتو د کرنې د پراختیا په موخه د مناسبو ځمکو د تثبیت او سروې پروسه په منظم، او تخنیکي ډول روانه ده.
د هند حکومت اعلان کړی چې افغانستان ته یې د توبرکلوز (سل) ناروغۍ مخنیوي لپاره ۱۳ ټنه واکسین لېږلی دی.
د هند د بهرنیو چارو وزارت ویاند، رندیر جېسوال، پر خپله اېکسپاڼه لیکلي چې دغه مرسته د افغانستان د عامې روغتیا وزارت ته سپارل شوې ده.
په پنجشېر کې د ۱۷ ډوله قیمتي ډبرو د استخراج د جوازونو وېش بهیر د کانونو او پټرولیم وزارت او د دې ولایت د کانونو ریاست په همغږۍ پیل شوی دی.
دا پروګرام هغه کانونه رانغاړي چې په ۷ ولسوالیو کې تثبیت شوي او د مسوولانو په وینا، د اقتصادي ودې او عوایدو زیاتوالي لپاره مهم ګام بلل کېږي.
د فراه د کرنې، اوبولګولو او مالدارۍ ریاست چارواکي وایي چې ۴ میلیونه او ۴۹۲زره متر مربع ځمکه په دې ولایت کې شنوخونو ته ځانګړې شوې ده.
د دې ادارې د کرنې متخصص، توریالي نوري سلاموطندار ته ویلي چې د روان کال په لومړي فصل کې به له دغو شنوخونو څخه څه باندې ۸۹زره او ۸۴۸ ټنه سابه راټول شي چې دا د تېرکال په پرتله د پام وړ زیاتوالی ښيي.
لوګر کې د یوشمېر ښوونځیو زدهکوونکي او ښوونکي وایي چې د ودانیو د نشتوالي له امله یې زدهکړې له ستونزو سره مخ دي. د دوی په وینا، زدهکوونکي په خېمو کې زدهکړې کوي چې د سخت لمر، باد او باران له امله ډېری زدهکوونکي ښوونځي ته نه حاضریږي.
د صنعت او سوداګرۍ وزارت وایي چې د افغانستان او اوزبیکستان ترمنځ د خصوصي سکتورونو په کچه د ۵۲۰ میلیونه ډالرو په ارزښت څو مهم سوداګریز هوکړهلیکونه لاسلیک شوي دي.
یاد وزارت نن دوشنبه (وري ۲۴مه) په یوه خپره کړې خبرپاڼه کې ویلي چې دغه هوکړهلیکونه د دواړو هېوادونو د خصوصي سکتورونو ترمنځ د سوداګریزو ناستو په ترڅ کې لاسلیک شوې دي.
د بادغیس محلي مسوولان وايي چې دغه ولایت کې یې هغه کس نیولی چې د نبوت دعوه یې کوله..
د یاد ولایت د امربالمعروف، نهېعنالمنکر او شکایتونو اورېدلو ریاست مسوولانو په وینا، دا کس د قادس ولسوالي اوسېدونکی دی.
د پکتيا پېښو پر وړاندې مبارزې ادارې رییس مولوي نثاراحمد نجات وايي چې احمدخيلو ولسوالي کې نن دوشنبه، وري ۲۴مه، په هغه ۷۷۳ کورنيو چې د پاکستان د وروستيو جګړو له امله له ډنډپټان او څمکنيو ولسوالي څخه بېځايه شوي وو، د مرستندويه بنسټونو له لوري ورسره مرستې شوې دي.
پخوا د ماشومانو ترمنځ دودیزې لوبې لکه توپډنډه، کاغذپران، تشلهبازي او جزبازي ډېرې عامې وې. دا لوبې د ماشومانو د ټولنیز ژوند، ملګرتیا او ګډو فعالیتونو مهمه برخه بلل کېدې. خو اوس د ښاري ژوند پراختیا او موبایل، انټرنېټ او کمپیوټري لوبو ته د لاسرسي زیاتوالي سره ډېری ماشومان ډیجیټلي لوبو ته مخه کړې ده.
