د روسیې ولسمشر ولادیمیر پوتین ویلي چې پر اوکراین برید به تر هغه دوام وکړي، څو چې د روسیې «باعزته» اهداف نه وي تر لاسه شوي. په ورته وخت کې د امریکا ولسمشر جو بایډن روسیه په اوکراین کې په «نسل وژنې» تورنه کړې ده.
د نیویارک ټایمز ورځپاڼې د یوه تازه څېړنیز راپور پایلې ښيي چې ا.ا د خپل حکومت په لومړیو شپږو میاشتو کې د مخکیني حکومت شاوخوا ۵۰۰ امنیتي ځواکونه او کارکوونکي وژلي او یا یې برمته کړي دي. په راپور کې راغلي، د ا.ا له لوري د ټولبښنې اعلان د «دروغو ادعا» وه او د مخکیني حکومت د پوځیانو لپاره په لومه کې د راګېرولو په موخه استفاده شوې ده.
ایران کې د افغان کډوالو د زورونې او وهل ټکولو په اړه د غبرګونونو په لړ کې نن کابل کې یوشمېر کسانو د ایران پر ضد لاریون وکړ.
دغه لاریون چې د افغانستان د مدني ټولنو او د ولسي انسجام شورا له لوري جوړ شوی و، په کې له ملګرو ملتونو او نړیوالو بنسټونو غوښتنه وشوه چې ایران کې له افغان کډوالو سره د روان ظلم پر وړاندې خپله چوپتیا ماته کړي.
د ایران د بهرنیو چارو وزارت اعلان کړی چې په کابل او هرات کې د دوی پر کونسلګرۍ او سفارت د اعتراضونو پرمهال د شویو بریدونو په غبرګون کې یې تهران کې د افغانستان د سفارت سرپرست احضار کړی دی.
د بېپولې خبریالانو سازمان افغانستان کې د بشري حقونو وضعیت د ارزونې لپاره د ملګرو میلتونو له ځانګړي رپورټر ریچارډ بنیټ څخه غوښتنه کړې چې افغانستان کې د خبریالانو او د رسنیو ازادۍ ملاتړ او ساتنه وکړي.
د ایران «مشرقنیوز» ویبسایټ د روانې اوونۍ د تېرې یکشنبې پر ورځ راپور ورکړی چې د جوزجان ولایت پخوانی والي محمدهاشم رییس ایران کې د دغه هېواد د امنیتي ځواکونو له لوري «اوکراین ته د سرتېرو په توګه د افغان کډوالو د لېږلو» په تور نیول شوی دی.
اسوشیټېډپرېس خبري اژانس راپور ورکړی چې افغانستان کې د داعش خراسان ډلې فعالیتونه کم؛ خو پاکستان کې د دې ډلې بریدونه زیات شوي دي. د راپور له مخې، د پاکستان په شمال لوېدیځ کې د داعش د ترهګریزو بریدونو د ډېروالي نښې لیدل کېږي؛ چېرته دغه ډله شیعه وګړي په نښه کوي.
د ګډوالو په چارو کې د ملګرو ملتونو عالي کمېشنرۍ پرون په یوه ټویټ کې وویل چې افغانان د خوړو د خوندیتوب له سخت ناورین سره مخ شوي. دغه بنسټ د اندېښنې په څرګندولو سره ویلي چې یوشمېر زده کوونکي د خپلو کورنیو د ملاتړ لپاره اړ شوي چې ښوونځۍ پرېږدي او کارته مخه کړي.
فاریاب کې سیمهییزو سرچینو سلاموطندار ته وویل چې د دغه ولایت د قیصار ولسوالي د یکهباغ په کلي کې یوه کس د کلاشینکوف پهوسیله د اسلامي امارت د یوه سرتېري په ګډون پنځه کسان یې وژلي دي.
د قرهقل د مېږې یو ډول پوستکی دی، همدا چې د مېږې بچی پیدا شي، ذبحه کېږي او پوستکی یې د قرهقل صنعت لپاره کارولکېږي. قرهقل پوستکی افغانستان کې د قرهقل خولۍ جوړولو لپاره کارول کېږي او هېواد څخه بهر صادرېږي چې پخوا دغه صنعت دافغانستان لویه عایداتي سرچینه وه، خو اوس دغه صنعت مخ په ځوړند روان دی.
د افغانستان د رېل پټلۍ د چارو ادارې سلاکار انجنیر میرویس سلاموطندار ته وویل، ټاکل شوې نږدې راتلونکې کې د افغانستان، پاکستان او ازبکستان چارواکو ترمنځ درې اړخیزه ناسته جوړه شي. دې ناسته کې به د سویلي او منځنۍ اسیا د نښلولو پر کرېدور چې د افغانستان له لارې به نښلول کېږي بحث وشي.
د ننګرهار د کار او ټولنیزو چارو رییس فریدالله حقاني وایي، دغه مرسته د خوړو نړیوال سازمان لخوا د BFANO ادارې په تخنیکيهمکارۍ شوې ده. حقاني وایي چې دغه مرسته هغو مېرمنو ته ورکړل شوه چې څلور میاشتې د ګلدوزۍ، خیاطۍ، حجاب او د ماشومانو دبسترو د جوړونې په برخو کې ورته روزنه ورکړل شوې وه.
ننګرهار کې د «ختيځ لبنیاتو» فابریکې مسوولان وايي چې هره ورځ له ۳۰۰۰ کیلو کرامه شیدو څخه بېلابېل ډول لبنیات تولیدوي چې له ننګرهار سربېره یې د هېواد نورو ولایتونو هم ته صادروي.
په غزني کې محلي سرچینې سلاموطندار ته وايي چې د بریالي په نوم دغه ځوان چې تازه یې واده کړی و، د تېرې اوونۍ د پنجشنبې پر ورځ له غرمې وروسته د غزني ښار له «علي لالا» سیمې څخه لا درکه شوی و.
د ریاستالوزرا د لومړي مرستيال د دفتر له لوري په خپره شوې خبرپاڼه کې راغلي چې په دغه ناسته کې امنيتي ادارو ته دنده سپارل شوې چې له دولتي ادارو او زورواکو څخه د افغانستان برېښنا شرکت د پورونو راټولو په برخه کې همکاري وکړي.
د کډوالو په چارو کې د ملګرو ملتونو عالي کمېشنرۍ «UNHCR» په افغانستان کې د ناورین د ډېرېدو په اړه اندېښنه ښودلې او ویلي یې دي چې دغه هېواد د خوراکي توکو له کمساري کمښت او خوارځواکۍ سره مخ دی. دغې ادارې پر خپل ټویټرپاڼه لیکلي. د افغانستان ناورین تر بل هر چا ښځې او ماشومان ډېر ځپلي دي.
