د افغانستان بیارغونې لپاره د امریکا ځانګړې پلټونکې ادارې «سیګار» په یوه راپور کې ویلي چې له افغانستان څخه د وتلو پرمهال د مخکیني ولسمشر محمداشرف غني له لوري د میلیونونو ډالرو د لېږد په اړه لګېدلي تورونه له حقیقت لرې بللې دي. سیګار ویلي چې له افغانستان څخه د وتلو پرمهال له مخکیني ولسمشر سره یو میلیون امریکايي ډالر هم نه و.
د غزني ولایت د ګېرو ولسوالي اړوند په یوه کلي کې څه باندې ۱۵۰ کسان مسموم شوي دي.
یوشمېر سوداګر د بانکي محدودیتونو له دوام څخه شکایت کوي او وايي چې د بانکي محدودیتونو له امله هېواد څخه بهر د پیسو لېږد په برخه کې له ستونزو سره مخ کړي دي.
په هېواد کې وروستیو سیاسي تحولاتو د خصوصي پوهنتونونو د زدهکړو پر بهیر خورا ناوړه اغېز کړی دی.
د هند د بهرنیو چارو وزارت یو پلاوی څو ورځې وړاندې افغانستان ته راغلی او د اسلامي امارت له یوشمېر چارواکو سره تر لیدنو وروسته یې، ځینو رسنیو ته ویلي، د ا.ا له چلن ښکاري چې نړۍ سره د پراخو اړیکو غوښتونکی دی. دوی ویلي، کابل ته د سفر پرمهال د هند دفترونه او پروژې پر خپل ځای پاتې وې او غواړي له کابل سره خپلې همکاري ډېره کړي.
د هلمند یوشمېر شمالي ولسوالۍ چې ګڼشمېر کرنیزې ځمکې يې د کارېزونو په اوبو خوړبېږي او بېلابېل مېوهلرونکي باغونه لري، خو اوس دغه باغونه د تېرو جګړو او روانې وچکالۍ له امله مخ پر وچېدو دي.
په روزګان ولایت کې د ۱۲ لوبډلو ترمنځ په شخصي لګښت د پیل شویو سیالیو اتلولي رحیم لوبډلې وګټله. دغه سیالۍ ۲۷ ورځې وړاندې پیل شوې وې.
په هېواد کې د وروستیو سیاسي تحولاتو راپدېخوا ورځ تر بلې د خلکو کاروبار او اقتصادي وضعیت د خرابېدو پر لور روان دی. ۲۷کلن محمدناصر د اقتصادي ستونزو له کبله غواړي چې خپل بډوډی خرڅ کړي. نوموړی وايي، اقتصادي ستونزې او د ژوند ناخوالو اړ کړی چې دې کار ته لاس واچوي.
د کورنیو چارو وزارت مسوولان وایي چې په تېرو نهو میاشتو کې د دغه وزارت له روزنیزو مرکزونو څخه شاوخوا ۳۵ زره کسان فارغ شوي دي. د کورنيو چارو وزارت وياند عبدالنافع ټکور نن کابل کې يوې خبري غونډې ته وويل، اوس د دغه وزارت په روزنيزو مرکزونو کې ٣٣٠ کسان د لسانس او ٢٥ د ماسټری په برخه کې پر زدهکړو بوخت دي.
د کابل طبي پوهنتون د بیزو تڼاکې ناروغۍ په اړه د عامه پوهاوي په موخه نن یو ورځنی سیمینار جوړ کړی و.
د اطلاعاتو او فرهنګ وزارت او د افغان ناشرانو ټولنې له لوري نن په کابل پوهنتون کې مطالعې ته د ځوانانو د هڅولو په موخه د کتابونو نندارتون پرانسته.
د افغان سوداګرو په نوښت په کابل کې د کورنیو او بهرنیو توکو درې ورځنی نندارتون پرانستل شو. دغه نندارتون کې ۱۵۰غرفې نارینهوو او ۱۵۰هم ښځو ته ځانګړې شوي چې بېلابېل کورني او بهرني تولیدات په کې نندارې ته کېښودل شوي دي.
د لوګر ولایت په کوربهتوب د کابل، ننګرهار، لغمان، پروان، پنجشېر او لوګر ولایتونو د لوبډلو ترمنځ د بایسکل ځغلونې سیالۍ د لوګر لوبډلې په اتلولۍ سره پای ته ورسېدې.
د هرات محلي مسوولان وايي چې پرون شنبه په دغه ولایت کې د اسلامي امارت د ځواکونو او کوچیانو ترمنځ وسلهواله نښته رامنځته شوې ده.
د اسلامي امارت ویاند ذبېحالله مجاهد په افغانستان کې د مذهبي ازادیو د نقض په اړه د امریکا د بهرنیو چارو وزارت د راپور په غبرګون کې ویلي چې افغانستان کې د مذهبي لږکیو حقونه خوندي دي. ذبېحالله مجاهد نن پر خپله ټویټرپاڼه لیکلي چې په دې اړه د امریکا د بهرنیو چارو وزارت راپور نیمګړی او د ناسمو معلوماتو پر بنسټ جوړ شوی دی.
په روزګان ولایت کې «نجونې او هلکان ښوونځي ته ولېږئ» په نوم د فوټبال سيالۍ پیل شوې. دغه سيالۍ چې د پوهنې رياست تر چتر لاندې د يونېسف په مالي ملاتړ پیل شوي، مسوولان یې وايي چې د یادو سیالیو څخه یې موخه ښوونځيو ته د ماشومانو هڅول دي.
