هیدر بار: افغانستان کې د بشريحقونو وضعیت بدلېدو په اړه دې عملي ګامونه واخیستل شي
د ملګروملتونو د بشري حقونو نړیوالې شورا له تېرې دوشنبې راهیسې نړۍ کې د بشري حقونو او د کورونا ویروس د وضعیت په اړه خپله پنځوسمه غونډه پیل کړې چې څو اوونۍ به دوام وکړي.
د ملګروملتونو د بشري حقونو نړیوالې شورا له تېرې دوشنبې راهیسې نړۍ کې د بشري حقونو او د کورونا ویروس د وضعیت په اړه خپله پنځوسمه غونډه پیل کړې چې څو اوونۍ به دوام وکړي.
د افغانستان لپاره د روسیې ځانګړي استازي ضمیر کابلوف تازه له یوه روسي ټلوېزیون سره مرکه کې ویلي، د دې احتمال شته چې مسکو د اسلامي امارت سرپرست حکومت په رسمیت وپېژني. په همدې حال کې د چارو یوشمېر شنونکي په دې باور دي چې ښايي روسیه سیمه کې د خپل نفوذ او ځانګړو موخو لپاره اسلامي امارت په رسمیت وپېژني.
د چارو ادارې په یوې خبرپاڼه کې ویلي چې پرون سهشنبه د غبرګولي په ۲۴ نېټه د ا.ا د رییس الوزرا محمدحسن اخندزاده په مشري د کابینې ناسته جوړه شوې وه.
د افغانستان لپاره د روسیې ځانګړي استازي ضمیر کابلوف ویلي، د دې احتمال شته چې دغه هېواد د ا.ا حکومت په رسمیت وپېژني او د دې اقدام لپاره افغانستان کې د یوه پراخبنسټه حکومت جوړېدو ته ړتیا ده. نوموړي پرون له یوه روسي ټلوېزیون سره په مرکه کې ویلي، د دې موضوع لپاره د روسیې د ولسمشر او د اسلامي امارت د بهرنیو چارو وزارت د سرپرست له لوري شرایط ټاکل شوي چې دې برخه کې به د جدي خبرو لپاره زمینه هم برابره شي.
په روزګان ولایت کې د یوه روغتون قابله وروسته له هغې مړه شوه چې د خپل ورور له لورې ورته ناسم درمل ورکړل شوي و.
وال سټریټ ژورنال ورځپاڼې په خپل تازه راپور کې ویلي چې یو شمېر پخواني افغان چارواکي په بهر کې د میلیونونه ډالرو په ارزښت کورونه جوړ کړي او له خپلو کورنیو سره یوځای ژوند کوي.
نن د جون میاشتې ۱۴ د وینې د ورکړې له نړیوالې ورځې سره برابره ده. د عامې روغتیا وزارت دغه ورځ په داسې حال کې نمانځي چې د وینې ملي بانک مسوولان وايي، په ولایتونو کې د خلکو له لوري د وینې ورکړه راکمه شوې ده.
هر کال افغانستان کې د غبرګولي ۲۴ د مور د ورځې په توګه نمانځل کېږي. خو سږکال دغه ورځ په داسې حال کې نمانځل کېږي چې تر بل هر وخته په هېواد کې مېندې او ښځې له ګڼو ننګونو سره مخ دي.
د سوداګرۍ او صنایعو خونې مسوولانو ویلي، پاکستان سره یې په داسې طرحه کار کړی چې پر بنسټ به یې د دواړو هېوادونو ترمنځ سوداګرۍ په بارتر سېسټم یا توکي په توکي ترسره کېږي.
خو د اقتصادي چارو یوشمېر کارپوهان بیا دا ډول سوداګري د افغانستان په زیان بولي.
د کډوالو په چارو کې د ملګرو ملتونو عالي کمېشنري ویلي چې افغانستان کې میلیونه ماشومان له زدهکړو بېبرخې دي چې ډېری یې نجونې دي.
د ملګرو ملتونو د خوړو او کرنې سازمان د افغانستان په لرو پرتو سیمو کې د کروندګرو د ژوند ښه کولو په موخه د ۱۵۰ میلیونه ډالرو د مرستې اعلان کړی دی.
دغه سازمان ویلي چې دغه پروژه به په کليوالي سیمو کې د خوراکي توکو د تولید زیاتوالي او د کروندګرو د ژوند ښهوالي په موخه پلي شي.
که څه هم په هېواد کې د کورونا ویروس د مثبتو پېښو شمېر راکم شوی، خو روغتیاپالان وايي، که د خلکو بېپروايي همداسې روانه او کورونا ویروس جدي ونه ګڼي، لوی ناورین به رامنځته کړي.
د فارياب محلي مسوولان وايي چې دغه ولايت کې يوه کس خپله اومېندواره مېرمن د چړې په وسيله وژلې ده.
د کرنې، اوبو لګولو او مالدارۍ وزارت مسوولانو ویلي چې د خوست ولایت د جلغوزیو په ځنګلونو کې د تازه اورلګېدنې له امله ۳۰ جریبه ځنګل سوځېدلی دی. د یاد وزارت ویاند مصباحالدین مستعین سلاموطندار ته ویلي چې د خوست د موسیخېلو او قلندر ولسوالیو ځنګلونو کې اورلګېدنه د ځایي خلکو په مرسته تر یوه بریده کابو شوې ده.
د سیداحمد سېلاب خیریه بنسټ نن په کابل کې د ۷۰ بېوزله جوړو ډلیز واده ترسره کړ. د دغه بنسټ مسوول سیداحمد سېلاب وايي، دغه جوړې له بېلابېلو ولایتونو څخه وې چې د خپل ودونو د لګښت توان یې نه درلود.
د خوست د موسیخېلو او قلندر ولسوالیو اوسېدونکو سلاموطندار ته ویلي چې د یاد ولایت د جلغوزیو په ځنګلونو کې لګېدلی اور د ولسونو په مرسته مهار شوی دی.