ښځینه دیني عالمانې او مدني فعالانې د «علماو ناسته» کې د ښځو د ګډون غوښتنه کوي
نن په کابل کې یوشمېر دیني عالمانو او مدني فعالانو د یوې کډې خبري ناستې پرمهال له اسلامي امارت غوښتنه وکړه چې ښځو ته باید د علماو په جوړېدونکې ناسته کې د ګډون اجازه ورکړي.
نن په کابل کې یوشمېر دیني عالمانو او مدني فعالانو د یوې کډې خبري ناستې پرمهال له اسلامي امارت غوښتنه وکړه چې ښځو ته باید د علماو په جوړېدونکې ناسته کې د ګډون اجازه ورکړي.
د اسلامي امارت ویاند ذبېحالله مجاهد پر خپله ټوېټرپاڼه لیکلي چې هېواد کې زلزله ځپلو سره د مرستې په موخه د چین هېواد له بشري مرستو بار دوه الوتکې نن کابل ته رارسېدلې دي.
پاکستاني رسنیو راپور ورکړی چې د دغه هېواد لومړي وزیر شهباز شریف امر کړی چې افغانستان څخه دې د سکرو وارداتو په کلدارو وشي.
د رسنیو د راپور پربنسټ، شهباز شریف په یوې ناسته کې ویلي چې په دې کار سره به دغه هېواد د ډبرو سکرو د وارداتو له درکه هر کال ۲.۲ میلیارده ډالر وسپموي او په ارزانه بیه به برښنا تولید کړي.
د ملګرو ملتونو د بشردوستانه مرستو د همغږۍ دفتر یا اوچا د افغانستان په سوېل ختیځ ولایتونو کې د زلزله ځپلو لپاره د ۱۱۰ میلیونه ډالرو د مرستې غوښتنه کړې ده. اوچا زیاته کړې چې ملګريملتونه او د دغه سازمان بشريهمکاران په زلزله ځپلو ولسوالیو کې ۳۶۲زره زیانمنو ته ۱۱۰ میلیونه ډالر مرسته راټولوي.
په کابل او کندهار کې د روږدو کسانو د درملنې د یو شمیر مرکزونو مسوولان شکایت کوي چې په افغانستان کې د اسلامي امارت د واکمنۍ راهیسې هېڅ بنسټ ورسره مرسته نه کوي.
د هېواد په پکتیکا او خوست ولایتونو کې د تېرې چهارشنبې ورځې زلزلې سلګونه کسان مړه او سلګونه نور ټپیان کړل. د دې ترڅنګ په دغه زلزله کې په زرګونه ویجاړ شوي چې له امله یې د زلزله ځپلو سیمو اوسېدونکي له بېلابېلو ستونزو سره لاس او ګرېوان دي.
کابل کې یوشمېر خبریالان د خپلو رسنیزو فعالیتونو پرمهال اطلاعاتو ته د نه لاسرسي له امله شکایت کوي. دوی وايي چې ډېری وخت حکومتي چارواکي د اړوند موضوعاتو په اړه پر وخت معلومات نه ورکوي او په دې برخه کې له ګڼو ستونزو سره مخ دي. په کابل کې یو خبریال تاجولي غورځنګ وايي چې رسنۍ معلوماتو ته اړتیا لري او حکومت باید ورته پر وخت معلومات ورکړي.
پکتیکا کې د تېرې چهارشنبې له مرګونې زلزلې وروسته چې سلګونه کسانو ته یې مرګژوبله واړوله، اوس زلزله ځپلو سیمو کې د بېلابېلو ناروغیو د خپرېدو احتمال ډېر شوی دی.
د سره صلیب نړیوالې کمېټې په خپل تازه راپور کې ویلي چې په سوېلي ولایتونو پکتیکا، پکتیا او خوست کې د شوې زلزله له امله څه باندې ۶۰زره کورنۍ چې ۲۰۰زره کسان کېږي، زیانمن کړي دي.
په میدان وردګ کې د چاودنې له امله د یوې کورنۍ یو ماشوم وژل شوی او بل ټپي دی. دغه پېښه پرون مازدیګر د میدان وردګ د سیداباد ولسوالي اړوند په لوړې کلي کې رامنځته شوې ده.
د بهرنیو چارو وزارت سرپرست امیرخان متقي ویلي چې له نړیوالې ټولنې سره د اسلامي امارت تعامل د پراختیا په حال کې دی او ټاکل شوې چې افغانستان کې د یوشمېر هېوادونو سفارتونه بېرته پرانستل شي. ملي راډیو ټلوېزیون لیکلي، متقي ټینګار کړی چې «نړۍ سره ښې اړیکې لرو او دغه اړیکې د پراختیا په حال کې دي. هیله کوو چې ډېرې لاستهراوړنې ولرو.»
له افغانستان سره د ډیورنډ فرضي کرښې ته څېرمه د خېبرپښتونخوا په شمالي وزیرستان کې د پاکستاني ځواکونو او وسلهوالو ترمنځ په نښته کې دوه پاکستاني سرتیري وژل شوي دي.
نن د جون میاشتې ۲۶ له نشهيي توکو سره د مبارزې له نړیوالې ورځې سره برابره ده. هېواد کې پر نشهيي توکو یوشمېر روږدي وايي چې له سخت روحي فشار سره مخ دي.
د غور محلي مسوولان وايي چې نن د دغه ولایت د لعل او سرجنګل ولسوالي «دهنچهار اسیاب» کلي د اسلامي امارت او د یوه محلي قومندان ترمنځ نښته شوې ده.
د لوړو زدهکړو وزارت سرپرست عبدالباقي حقاني او د پوهنې وزارت مرستیال سیداحمد شهیدخېل د اسلامي امارت د سرپرست حکومت دوه هغه لوړپوړي چارواکي دي چې د ملګروملتونو له لوري یې د سفرونو د معافیت نېټه ونهغځول شوه.
پېښو ته د رسېدو په چارو کې د دولت وزارت مسوولان وايي چې پکتیکا، خوست او پکتیا ولایتونو کې د شوې زلزلې له امله شاوخوا ۱۰۰۰۰ کورونه ویجاړ شوي دي.