تخار کې محلي سرچینو او د تخار پوهنتون یوشمېر محصلانو سلاموطندار ته ویلي چې د اسلامي امارت مسوولانو نن د دغه پوهنتون لپاره نوې لیکدړه چې د «دانشګاه» پر ځای، پرې «پوهنتون» لیکل شوی، بېرته را ځړولې ده.
د افغانستان بانک د افغانیو پر وړاندې د ډالرو د ارزښت ساتلو په موخه، سبا دوشنبه ۱۱ میلیونه ډالر بازار ته د لیلام په توګه وړاندې کوي.
د افغانستان بانک نن یکشنبه د تلې درېیمه پر خپله ټوېټرپاڼه له ټولو صرافانو او سوداګریزو بانکونو غوښتنه کړې چې په دغه داوطلبۍ کې ګډون وکړي.
په ملګرو ملتونو کې د افغانستان د دایمي استازولي سرپرست نصیراحمد فایق پرون د تلې پر دویمه پر خپله ټوېټرپاڼه لیکلي، د ملګروملتونو په ۷۷مه کلنۍ غونډه کې به وینا ونه کړي. فایق زیاته کړې چې افغانستان او میانمار به د تېر کال د هوکړې او مخینې ته په کتو چې د ملګرو ملتونو په غونډه کې یې وینا ونهکړه، سږکال به هم وینا ونهکړي.
روزګان کې یوې سرچینې د نوم نه ښودلو په شرط، سلاموطندار ته ویلي چې بېګاه شپه د دغه ولایت په چنارتو ولسوالي کې یوه کس ځانوژنه کړې ده.
د اسلامي امارت د سرپرست حکومت چارواکي وايي چې د تېرې یوې میاشتې راهیسې یې د کابل ښار له بېلابېلو سیمو څخه ۸۴۴۴ سوالګر راټول کړي دي. د ریاستالوزرا د اقتصادي مرستیال دفتر نن یکشنبه د تلې درېیمه پر خپله ټوېټرپاڼه لیکلي چې د راټولو شو سوالګرو څخه ۵۷۷۹ یې ښځه دي چې تر ارزونې وروسته یې ۱۷۵۰ مستحقې او پاتې ۴۰۲۹ یې حرفوي سوالګرې پېژندل شوي دي.
د افغانستان کرېکټ بورډ د کورني کرېکټ څانګې پرون د تلې دویمه د پکتيکا په مرکز ښرنه کې د ۱۸ کلپونو ترمنځ د انټرکلپ رسمي سیالي پیل کړې.
پاکستاني رسنیو نن یکشنبه د وږي درېیمه راپور ورکړی چې د دغه هېواد د خېبرپښتونخوا په شمالي وزیرستان کې د یوې چاودنې پرمهال دوه پاکستاني سرتیري وژل شوي دي.
د بهرنیو چارو وزارت افغانستان کې د ترهګرو موجودیت رد کړی او ویلي یې دي چې دا اندېښنې د ناسمو سرچینو له لارې پیدا شوې دي.
دغه وزارت نن په یوه خبرپاڼه کې لیکلي چې د امریکا او پاکستان په ګډون، یوشمېر هېوادونو د ملګرو ملاتونو عمومي غونډه کې د افغانستان په اړه اندېښنه ښودلې چې ګواکې لا هم هېواد کې د ترهګرۍ ګواښ پر ځای دی.
پخواني ولسمشر حامد کرزي په ملګرو ملتونو کې د پاکستان د لومړي وزیر شهباز شریف څرګندونو ته په غبرګون کې ویلي چې د ترهګرو ډلو ځالې له لسیزو راهیسې پاکستان کې دي.
د پاکستان لومړي وزیر پرون د ملګرو ملتونو عمومي غونډه کې د وینا پرمهال ویلي و چې افغانستان کې ترهګرې ډلې فعالیت لري او دغه هېواد یې په مرکز بدل شوی دی.
د کابل ښار د لسمې امنیتي حوزې اړوند وزیرمحمد اکبرخان سیمه کې د پرونۍ چاودنې پرمهال د سمېعالله په نوم یو ټرافیک پولیس هم وژل شوی دی.
د پکتیا امنیې قومنداني ویاند عمر بدري وايي، پرون مازدیګر د دغه ولایت په څمکنیو ولسوالي کې د ځمکې پر سر د شخړې له امله یو کس وژل شوی دی.
په افغانستان کې د ملګرو ملتونو ځانګړې استازولۍ یا یوناما په یوه ټويټ کې د کابل وزیر محمداکبرخان جومات مخې ته چاودنه غندلې او هغه یې ترهګریز برید بللی دی.
د کابل په نننۍ چاودنه کې تراوسه د څلورو کسانو د وژل کېدو او لس نورو د ټپي کېدو خبر ورکړل شوی دی.
کابل کې ایمرجنسي روغتون پر خپل ټويټر لیکلي چې تراوسه د وزیر محمداکبرخان جومات مخې ته د چاودنې له ځایه ۱۴ کسان دغه روغتون ته ور وړل شوي چې څلورو یې مخکې له مخکې ژوند له لاسه ورکړی و.
د بادغیس امنیتي چارواکي وايي چې دا پېښه نن مازدیګر د دغه ولایت د مرکز قلعهنو ښار د لومړۍ امنیتي حوزې اړوند سیمه کې شوې ده.
د نیمروز محلي چارواکي وايي، په تېره یوه اوونۍ کې له ایران څخه شاوخوا ۶۰۰۰ افغان کډوالو بېرته هېواد ته راستانه کړل شوي دي.
باختر خبري اژانس د دغه ولایت د کډوالو چارو رییس صدیقالله نصرت له قوله نن سهشنبه د وږي ۲۹ پر خپله ټوېټرپاڼه لیکلي چې دغه افغان کډوال دغه ولایت کې د ورېښمو پُل له لارې له ایران څخه بېرته هېواد ته راشړل شوي دي.
په هېواد کې د کور په کور پلټنې پر دوام د اسلامي امارت ځواکونو نن په کندهار کې د کورونو د پلټنې په موخه چاڼیز عملیات پیل کړل.
