د لغمان د والي ویاند سلامت خان بلال وايي چې د دغه ولایت په دولتشاه ولسوالي کې د یوې ټرافیکي پېښې له امله اووه کسان مړه شوي او درې نور ټپیان دي.
نوموړی زیاتوي چې پېښه نن سهار اته بجې د دې ولایت په دولتشاه ولسوالي کې هغه مهال رامنځته شوې چې موټر کې سپاره کسان يوه ځايي روغتیايي کلینیک ته پر لاره وو.
د ازموینو ملي اداره نن شنبه د لړم ۱۴مه د یو لړ مراسمو په لړ کې د ۱۴۰۱ کال د کانکور د ازموینې پایلې اعلان کړې. د یادې ادارې د اعلان مخې، سږ کال له هرات ولایت څخه د سلیمان ولد غلام جیلاني په نوم یو زدهکوونکی په ۳۵۵ نمرو د سږني کانکور عمومي اول نمره اعلان شوی دی.
په افغانستان کې د ملګرو ملتونو ځانګړې استازولۍ یا یوناما پر ټویټر لیکلي چې له اسلامي امارت سره یې د ظریفې یعقوبي او څلورو نورو کسانو په اړه چې پرون په کابل کې نیول شوي، خبرې کړې دي.
یوناما وايي، هر افغان حق لري چې له وېرې او بندي کېدو پرته د سولهييزې غونډې او د نظر او بیان ازادۍ حق لري.
د افغان کرېکټ ملي لوبډلې لوبډلمشر محمدنبي پر فېسبوک له لوبډلمشرۍ د استعفا خبر ورکړی دی.
هغه لیکلي چې تر دې وروسته به د یوه عادي لوبغاړي په توګه د افغانستان لپاره لوبېږي.
د ایران ولسمشر سیدابراهیم رییس د امریکا د ولسمشر جو بایډن د ایران د ازادېدو په اړه خبرو پر وړاندې غبرګون ښودلی دی.
هغه نن جمعه په دغه هېواد کې د زدهکوونکي ورځې په مناسبت جوړې شوې غونډې ته د وینا پر مهال ویلي چې ایران ۴۳ کاله مخکې ازاد شوی دی.
د کرېکټ نړیوال کپ د سیالیو په دوام د افغانستان ملي لوبډلې نن خپله وروستۍ سیالي له اسټرالیا سره وکړه.
په دې سیالي کې اسټرالیا لومړی توپوهنه وکړه او په ۲۰ اورونو کې یې افغانستان ته د ۱۶۹ منډو هدف وټاکه.
د امریکا ولسمشر جو بایډن ایران کې د حکومت پر وړاندې د اعتراضونو په دوام ویلي چې ایران ازادېږي. بایډن دا خبرې د پنجشنبې ورځ د امریکا په کلیفورنیا ایالت کې یوې ټاکنیزې غونډې ته د وینا پر مهال کړې دي. ګڼشمېر معترضو ایرانیانو هم په دې غونډه کې ګډون کړی و.
د کندوز یوشمېر اوسېدونکي په دغه ولایت کې د بېکیفیته درملو په اړه شکایت کوي او وايي، له یوې خوا د درملو بیې لوړې دې او بلهخوا درمل پلورونکي بېکیفیته درمل راوړي چې ناروغانو ته یې د ګټې پر ځای، زیان ډېر دی.
د افغانستان په اړه د روسیې ځانګړي استازي ضمیر کابلوف د پنجشنبې په ورځ له ټاس خبري اژانس سره مرکه کې ویلي چې د اسلامي امارت استازي به د افغانستان په اړه د مسکو مشورتي ناسته کې ګډون ونه کړي. کابلوف ویلي: «د اسلامي امارت پلاوی به [په غونډه کې] ګډون ونه کړي. دا یوازې د مسکو فارمټ د غړیو لپاره ده.»
هېوادوال له څه مودې راهیسې د خوړو نړیوال پروګرام له لوري په بېلابېلو ولایتونو کې د وراسته شویو اوړو د وېش په اړه شکایتونه کوي. خو په افغانستان کې د خوړو نړیوال پروګرام مسوولانو سلاموطندار ته ویلي چې دایکندي کې د ورستو اوړو د وېش په اړه له شکایتونو وروسته یې ځینې اقدامات په پام کې نیولي دي.
هرات کې یوشمېر بېځایه شویو ښځو نن د UNHCR دفتر او ودان موسسې په مالي مرسته «د افغانستان ساخت» په نوم د خپلو لاسي صنایعو او فرهنګي اثارو نندارتون جوړ کړ.
د فاریاب د امنیې قومانداني ویاند حمیدالله بتشکن وايي چې وژل شوې نجلۍ پروانه نومېږي او د خپل پلار د ټوپک په مرمۍ لګېدلې ده.
غور کې ځايي سرچینې وايي چې د حنیفې په نوم یوې نجلۍ نن په دغه ولایت کې ځان را ځړولی او وژلی دی.
د سرچینو په وینا، دې نجلۍ د لعل او سرجنګل ولسوالي اړوند د «محمدقدم کلا» په کلي کې ځان را ځړلوی دی.
د کرېکټ شل اووره نړیوال جام په روانو سیالیو کې نن د پاکستان لوبډله بریالۍ شوه چې د ۳۳ منډو په توپیر سوېلي افریقا ته ماته ورکړي.
په ملګروملتونو کې د افغانستان د دایمي استازولي سرپرست نصیراحمد فایق پرون چهارشنبه د لړم یوولسمه د یاد سازمان په غونډه کې ویلي چې افغانستان کې بشري وضیعت د اندېښنې وړ دی.
د اسلامي امارت له واکمنېدو وروسته افغانستان کې ګڼشمېر خلک له بېوزلي او نورو بېلابېلو ناورینونو سره مخ دي چې د هرې ورځې په تېرېدو سره لا پسې پراخېږي. د راپورونو پر بنسټ د اسلامي امارت له واکمنېدو راهیسې افغانستان سره څه باندې یو میلیارډ ډالر مرسته شوې، خو ورځ تر بلې د بېوزلۍ ګراف پر لوړېدو دی.
