د لوړو زدهکړو وزارت خصوصي پوهنتونونو ته: د نجونو محصلانو نوملیکنه مه کوئ
د لوړو زدهکړو وزارت په یوه مکتوب کې له خصوصي پوهنتونونو او موسسو څخه غوښتي چې نجونې محصلانې ونه نیسي. د لوړو زدهکړو وزارت دغه مکتوب نن پر ټولنیزو رسنیو لاس په لاس کېږي.
د لوړو زدهکړو وزارت په یوه مکتوب کې له خصوصي پوهنتونونو او موسسو څخه غوښتي چې نجونې محصلانې ونه نیسي. د لوړو زدهکړو وزارت دغه مکتوب نن پر ټولنیزو رسنیو لاس په لاس کېږي.
نړیوال بانک د افغانستان اقتصادي وضعیت په اړه تازه رپوټ کې ویلي، ۲۰۲۱ ته په پرتله تېر ۲۰۲۲ کال کې د افغانستان صادرات زیات شوي او افغانیو هم د بهرنیو اسعارو پر وړاندې خپل نسبي ثبات ساتلی دی.
د افغانستان د هوا پېژندې ادارې په یوې خبرپاڼه کې سبا یکشنبې د سلواغې نهمه کابل، پروان، پنجشېر، میدانوردګ، غزني، زابل، پکتیکا او نورستان ولایتونو کې د درنې واورې ورېدو اټکل کړی دی.
د روغتیا نړیوال سازمان ویلي چې د روانې میلادي میاشتې تر ۲۶مه نېټې پورې د بدخشان په پامیر کې پر سختې تنفسي ناروغیو ۹۷ کسان اخته شوي چې له ډلې یې ۱۷ کسانو خپل ژوند له لاسه ورکړی دی.
خو د یادې سیمې اوسېدونکي د دې ناروغیو له کبله د مړو شویو کسانو شمېر ۲۰ تنه ښيي.
پاکستاني رسنیو نن شنبه د سلواغې اتمه راپور ورکړی چې د دغه هېواد د کراچۍ یوه زندان کې یو افغاني مړ شوی دی.
رسنیو د کراچۍ ښار د لانډي زندان د چارواکو له خولې ویلي، دغه افغان بندي د ناروغۍ له کبله مړ شوی دی. دا د پاکستان په زندانونو کې درېیم افغان بندي دی چې مړ کېږي. په کراچۍ کې د افغانستان جنرل کونسل عبدالجبار هم د یاد افغان مړینه تایید کړې، خو په اړه یې نور معلومات نه دي ورکړي.
پاکستاني رسنیو نن جمعه د سلواغې اوومه راپور ورکړی چې د دغه هېواد په سِند ایالت کې د زهرجنو کیمیاوي موادو له کبله ۱۸ کسان مړه شوي دي.
د رسنیو د راپورونو له مخې، په مړو شویو کې ماشومان هم شامل دي.
د بهرنیو چارو وزارت د ویاند مرستیال ضیااحمد تکل پنجشنبه د سلواغې شپږمه پر خپله ټوېټرپاڼه لیکلي، د افغانستان لپاره د ایران ځانګړي استازي او سفیر حسنکاظمي قمي له امیرخان متقي سره لیدلي دي.
دغه لیدنه چې پرون شوې د ایران له ځانګړي استازي سربېره، پهکې د دغه هېواد د سفارت مرستیال او د څلور کونسلګریو مسوولانو ګډون درلود.
د بهرنیو چارو وزارت د فلسطین پر جنین ښار د اسراییلي ځواکونو برید په کلکو ټکو غندلی دی. په دغه برید کې نهه فلسطینیان وژل شوي دي.
د بهرنیو چارو وزارت نن جمعه د سلواغې اوومه په یوې خبرپاڼه کې یاد برید غندلی او هغه یې وحشیانه عمل بللی دی.
د بغلان د اقتصاد رییس عبدالمتین اخوندزاده وايي، د اسلامي امارت له واکمنېدو سره په دغه ولایت کې د ۸۵ وړو او لویو پروژو چارې ځنډول شوې دي.
د طبیعي پېښو پر وړاندې د مبارزې په چارو کې د دولت وزارت وايي، د سږني ژمي سړې هوا، سېلابونو او ګازو له کبله په هېواد کې ۱۶۶ کسان مړه شوي او ۸۰ زره څاروي هم له منځه تللي دي. په همدې حال کې د غور یو اوسېدونکی عبدالظاهر وایي، همدا تېره اوونۍ یې یو ماشوم د سړې هوا له امله مړ شوی دی.
د پاکستان د بهرنیو چارو وزارت په یوه خبرپاڼه کې لیکلي چې د افغانستان لپاره د روسیې ځانګړي استازي ضمیر کابلوف او په بهرنیو چارو کې د پاکستان د دولت وزیرې حنا رباني کهر سره لیدلي او د افغانستان په اړه یې خبرې اترې کړې دي.
د عامې روغتیا وزارت مسوولان وايي چې د روزګان ګېزاب ولسوالي کې د واورو ورښت او لارو بندېدو له کبله ماشومان د پولیو ضد واکسین کپماین څخه پاتې شول.
که څه هم د کابل د «میوند جادې» اړوند د مسي لوښو کوڅه کې پخوا د مسي لوښو جوړونکو ګڼې هټۍ موجودې وې، خو اوس په یاده کوڅه یوازې د ګوتې په شمېر هټیو کې لوښې جوړېږي.
د مسي لوښو ځینې هغه جوړونکي چې لا هم دغه کوڅه کې د لوښو پر جوړلو بوخت دي، وايي چې څه باندې ۹۰سلنه مسګرانو خپل کسب پرېښی دی.
کابل کې یوشمېر موټر پلورونکي سلاموطندار ته وايي چې له تېرو څو میاشتو راهیسې یې کاروبار د پام وړ رالوېدلی دی. دوی زیاتوي چې د تېرو دوو میاشتو په پرتله یې د موټرو پېر او پلور ۷۰ سلنه کم شوی دی.
د عربي متحده اماراتو د بهرنیو چارو وزارت ویلي چې د ملګرو ملتونو امنیت شورا به سبا جمعه د سلواغې اوومه د افغانستان د وضعیت په اړه ناسته جوړه کړي. دغه وزارت زیاته کړې
چې یاده ناسته د فرانسې، جاپان او عربي متحده اماراتو د هېوادونو په غوښتنه سبا ترسره کېږي.
نادر چې یوټایره کراچۍ لري، له سهار تر ماښامه د کابل ښار پر سړکونو ګرځي، څو د خلکو بارونه یوسي او ماښام کور ته تش لاسونه ولاړ نهشي.
د هغه ستره هیله هره ورځ دا وي چې په ورځ کې سل یا دوه سوه افغانۍ وګټي او بېګاه ته پرې خپلې نههکسیزې کورنۍ ته خواړه یوسي.