شنونکي اسلامي امارت ته په تهران کې د افغانستان سفارت سپارلو ته په کتو وايي، ایران له افغانستان سره پر پولې د امنیتي اندېښنو له منځه وړلو او د هیرمند حقابې ته د لاسرسي موندلو په موخه دغه کار کړی دی.
د ښځو حقونو فعالانې وايي چې د خپل حق غوښتلو په موخه به دا ځل د اسلامي امارت چارواکو ته ورشي او هغوی ته به په دودیز ډول خپل پلوونه وغوړوي.
دوی له نړیوالې ټولنې هم غواړي چې د افغان نجونو او ښځو د زدهکړو او کار حق ورکولو برخه کې د اسلامي امارت پر وړاندې خپله تګلاره بدله کړي؛ ځکه په وینا یې، اوسنۍ تګلارې یې کومه پایله نهده لرلې.
د اوبو او برښنا وزارت د نشراتو رییس غلامجیلاني حقپرست سلاموطندار ته ویلي چې د باران اورېدو او د واورې ویلې کېدو له کبله به د هلمند، ترینکوټ، ارغنداب، غزني، لوګر، کابل، خوست، پکتیا، غوربند، پنجشېر او لغمان سیندونو کې سېلابونه راشي او د اوبو کچه به لوړه شي.
په کندهار کي د یوه خیریه بنسټ له لوري د لسګونه بېوزله جوړو «نجونو او هلکانو» د ډلهییز واده مراسم ترسره شول.
د دې بنسټ د مسوولانو په وینا، دغه ډلهییز واده چې د پنځوس «۵۰» بېوزله جوړو «ناوې او زوم» لپاره نیول شوی وو، نن سهشنبه د کب نهمه کندهار کې ترسره شو.
د طب بېلابېلو برخو څخه یوشمېر فارغه شوې نجونې د روغتیايي فعالیتونو د پیلولو ازموینې ځنډېدو او د وخت نه مشخصکېدو څخه شکایت کوي او وايي، د دغه جواز ترلاسه کولو لپاره له شپږ ـ اووه کالو په تمه دي.
پېښو ته د رسېدو په چارو کې د دولت وزارت مسوولان وايي چې د هېواد په یوشمېر ولایتونو کې له جګړو پاتې ناچاودي توکي لا هم د خلکو ژوند ګواښي.
د کندوز او بادغیس محلي مسوولان وايي چې په دغه ولایتونو کې دوو پېغلو نجونو ځانوژنه کړې ده.
په لومړۍ پېښه کې چې د کندوز ښار اړوند سیمه کې رامنځته شوې یوې ۱۸ کلنې نجلۍ ځانوژنه کړې او ژوند ته یې د پای ټکی اېښی دی.
د نیوزیلنډ او انګلستان د کرېکټ ملي لوبډلو ترمنځ په دویمه ټسټ لوبه کې کوربه نیوزیلنډ لوبډلې له یوې په زړه پورې لوبې وروسته انګلستان ته د یوې منډې په توپیر ماته ورکړه.
په رسنیو کې د خپرو شویو راپورونو پر بنسټ، د وروستۍ یوې میاشتې پر مهال په ټول هېواد کې ۳۱ جنايي پېښې شوي چې اته یې د تېرې میاشتې په لومړۍ نیمايي او ۲۳ یې په دویمه نیمايي کې ثبت شوي دي.
ورورستۍ ۲۳ پېښې د سلواغې له ۲۴مې د کب تر اوومې رامنځته شوي چې دوه برابره لوړوالی ښيي.
د کاپیسا د نجراب ولسوالي مسوولان وايي، دوو ورونو په دې ولسوالي کې د نیالګیو پر سر شخړه کړې چې له کبله یې درېوو کسانو ته مرګژوبله اوښتې ده.
د افغانستان بانک وايي چې سبا سهشنبه د کب نهمه «۱۷» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن دوشنبه د کب اتمه پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره سبا سهشنبه «۱۷» میلیونه امریکايي ډالر لیلام ته وړاندې کوي.
د کورنیو چارو وزارت اړوند له نشهيي توکو سره د مبارزې معینیت وايي، د اسلامي امارت مشر هبتالله اخندزاده امر کړی چې هېواد کې د کوکنارو کرل شوي فصلونه باید سروې شي.
د کاپیسا امنیتي مسوولان وايي چې د دغه ولایت په تګاب ولسوالي کې ناپېژنده وسلهوالو یو ځوان وژلی دی.
د کاپیسا د امنیې قومنداني ویاند عبدالفتاح فایز نن دوشنبه د کب اتمه سلاموطندار ته ویلي چې پرون ماښام شپږ بجې د تګاب ولسوالي اړوند «بدراب» سیمه کې ناپېژنده کسانو د امید په یو ۲۰کلن ځوان وژلی دی.
د ملګروملتونو د بشري مرستو د همغږۍ اداره «اوچا» وايي، افغانستان د نړۍ په کچه تر ټولو ډېر ناچاودېدونکي توکي لري.
اوچا نن دوشبنه د کب اتمه پر خپله ټوېټرپاڼه لیکلي، افغانستان یو له هغو هېوادونو دی چې د لسیزو جګړو له امله نړۍ کې د چاودېدونکو توکو تر ټولو لوړه کچه لري.
پاکستاني رسنیو نن دوشنبه د کب اتمه راپور ورکړی چې د دغه هېواد په توربازار کې یو امریکايي ډالر له ۲۸۵ تر ۳۰۰ روپۍ «کلدارې» ته لوړ شوی دی.
پاکستان کې صرافان وايي چې څه موده وړاندې دغه هېواد کې د روپۍ پر وړاندې ډالر ښکته شوي و، خو اوس بېرته لوړ شوي دي.
هېواد کې د ښوونځیو او پوهنتونونو تړلکېدو څخه وروسته ګڼشمېر نجونو زدهکوونکو او زدهکړیالانو تخار کې د لاسي صنایعو تولید ته مخه کړې ده.
برښنا چې د تخار د یوه ښوونځي د لس ټولګي زدهکوونکې ده، وايي چې د وزګارتیا له امله اړ شوې چې د لاسي صنایعو تولید برخه کې ځان ته بوختیا پیدا کړي.
