د کاپیسا د امنیې قومانداني مسوولان د دغه ولایت په نجراب ولسوالي کې په ښکاري ټوپک د لوبې له کبله د یوه ځوان د وژل کېدو خبر ورکوي. د کاپیسا د امنیې قومانداني ویاند عبدالفتاح فایز سلاموطندار ته ویلي چې د ادریس په نوم یوه ځوان پرون ماسپښین ناوخته د نجراب ولسوالي د «دلیار خارجدره» کې له یوه بل ځوان سره په ښکاري ټوپک لوبې کړي چې په تېروتنې پرې ډز شوی دی.
د افغانستان د ژورنالېستانو او رسنیو فدراسیون نن په یوه خبرې غونډه کې د افغان رسنیو د پیاوړتیا پر لارو چارو خبرې وکړې.
د هند او اسټرالیا د کرېکټ ملي لوبډلو ترمنځ په درېیمه ټسټ لوبه کې د اسټرالیا لوبډلې مخکښه ښکاري او پر دویمه ورځ یې د هند ټول لوبغاړي په ۱۶۳ منډو وسوځول.
وروسته له هغې چې د لوړو زدهکړو وزارت د روانې کب میاشتې په ۱۵مه سړو سیمو کې یوازې د هلکانو پرمخ د پوهنتونونو د پرانېستلو اعلان وکړ، یاده پرېکړه د نجونو زدهکړیالانو له نیوکو سره مخ شوې ده. یوشمېر نجونې زدهکړیالانې سلاموطندار ته وايي چې د دوی پر زدهکړو بندیز د میلیونونو افغان نجونو له برخلیک او راتلونکې سره لوبې کول دي.
د چاپېریال ساتنې ملي ادارې نن پنجشنبه د کب ۱۲مه پلازمېنه کابل ښار کې د نیالګیو کېنولو دویم کمپاین پیل کړ.
د چاپېریال ساتنې ملي ادارې مسوولانو د یاد کمپاین د پرانېستې مراسمو ته وویل چې افغانستان د اقلیمي بدلون له پلوه د نورو هېوادونو په پرتله تر ډېره اغېزمن شوی او له نړۍ یې د مرستې غوښتنه وکړه.
د امریکا ولسمشریزو ټاکنو ته نومانده نیکي هیلي وايي چې پاکستان لږ تر لږه د ۱۲ ترهګرو ډلو کور دی او پر دغه هېواد باید د امریکا مالي مرستې بندې کړل شي.
د افغانستان بانک وايي چې راتلونکې شنبه د کب ۱۳مه «۱۶» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن پنجشنبه د کب ۱۱مه پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره راتلونکې شنبه «۱۶» میلیونه امریکايي ډالر لیلام ته وړاندې کوي.
د غزني د ناور ولسوالي یوشمېر اوسېدونکي سلاموطندار ته وايي چې د واورې د ورښت له امله د یادې ولسوالي د ټولو کلیو مواصلاتي لارې د تګراتګ پر مخ تړل شوي دي.
د بهرنيو چارو سرپرست اميرخان متقي کندهار کې د افغانستان لپاره د اروپايي ټولنې ځانګړي استازي توماس نېکلاسن او د یادې ټولنې د پلاوي رییسې رافایلا ایوډېس سره ليدلي دي. د افغانستان لپاره د اروپايي ټولنې ځانکړي استازي او د یادې تولنې د پلاوي رییسې رافایلا ایوډیس د اسلامي امارت له یوشمېر نورو چارواکو سره هم لیدلي دي.
د ا.ا لوړپوړو چارواکو نن د کب لسمه، د چهارشنبې ورځ د ارګ په سلامخانې ماڼۍ کې د دوحې هوکړهلیک د لاسلیک درېیمه کلیزه ونمانځله. دغه هوکړهلیک افغانستان کې واک ته د ا.ا بیا راتګ ته لاره هواره کړه.
یوشمېر هېوادوال چې د پاسپورټ عمومي ریاست مخې ته را ټول شوي، وايي چې له میاشتو راهیسې د پاسپورټ اخیستو ته په تمه وو. په همدې حال کې د پاسپورټ ریاست یو کارکوونکی یما رحماني وايي چې دغه ریاست نن د ۱۳۰ کارکوونکو په لرلو د کابل اوسېدونکو ته د پاسپورټونو د وېش بهیر پیل کړی دی.
افغانستان کې د بېوزلي کچې پراخېدو په اړه د مرسته رسوونکو بنسټونو د رپوټونو خپرېدو په دوام، افغانستان کې د ملګروملتونو د سیاسي استازولي یا یوناما مرستیال رامز الاکبروف یوې غونډې ته ویلي، د تېرو ۱۸ میاشتو پر مهال دغه هېواد کې ۷۰۰ زره کسانو دندې له لاسه ورکړي او د یاد هېواد ناخالص کورني تولیدات هم ۳۵ سلنه کم شوي دي.
خوست کې د «زرغون خوست» په نوم د نیالګیو کېنولو مېله پیل شوه چې درې ورځې به دوام وکړي او شاوخوا څلور زره مثمر او غیرمثمرنیالګي به کېنول شي.
کندهار کې وچکالي د نورو زیانونو ترڅنګ د کبانو روزنې صنعت هم زیانمن کړی او فارمونه یې د پخوا په پرتله څو برابره کم شوي دي.
د کبانو د روزنې فارمونو مسوولان وايي، له تېرو درېوو کلونو راهیسې دغه ولایت کې د ۵۴۸ فارمونو په تړلکېدو سره د کبانو د روزنې فارمونو شمېر له ۱۷۰۰ څخه ۱۱۵۲ ته راټيټ شوي دي.
د هند او اسټرالیا د کرېکټ ملي لوبډلو ترمنځ درېمه ټسټ سیالي کې په لومړي ورځ د هند کرېکت ملي لوبډله د اسټرالیا د توپاچوونکو پر وړاندې پاتې راغله او ټوله لوبډله په ۱۰۹ منډو وسوځېده.
د افغانستان د بهرنیو چارو وزارت ویلي چې ایټالیا کې د یوې کښتۍ ډوبېدو له امله ۸۰ افغان کډوالو خپل ژوند له لاسه ورکړی دی.
وزارت پرون سهشنبه د کب نهمه په یوې خبرپاڼه کې همداراز ویلي چې په قربانیانو کې ښځې او ماشومان هم شامل دي. له پېښې ژوندي پاتې کسانو ویلي، دغې کښتۍ کې ۲۰۰ مسافر سپاره وو.
