د پاکستان پر وړاندې د افغانستان د کرېکټ ملي لوبډلې له تاریخي بریا وروسته نن شپه دواړه لوبډلې د دویمې شل اووره سیالۍ لپاره د لوبې ډګر ته ځي.
افغان ملي لوبډلې د پاکستان پر وړاندې په لومړۍ شل اووره لوبه کې په شپږو وېکټو تاریخي بریا خپله کړه او د درېوو شل اووره سیالیو روانه لوبلړۍ کې ۱.۰ مخکې دی.
د بغلان امنیتي مسوولان مني چې یوه کس د دغه ولایت په تالهوبرفک ولسوالي کې خپل ورور وژلی دی.
د اسلامي امارت ویاند ذبېحالله مجاهد جمعه د وري څلورمه پر خپله ټوېټرپاڼه د امریکايي چارواکو هغو ادعا ته تند غبرګون ښودلی چې ګواکې د داعش ډلې غړي افغانستان کې زیات شوي دي.
ذبېحالله مجاهد دغو ادعاوو ته په غبرګون کې لیکلي چې افغانستان کې د داعش ډلې غړي د پخوا په پرتله ځپل شوي او شمېر یې خورا کم شوی دی.
پېښو ته د رسېدو په چارو کې د دولت وزارت مسوولان وايي چې د دوو پرلهپسې ورځو پر مهال د شویو ورښتونو له کبله د هېواد په بېلابېلو سیمو کې لس کسان مړه او ټپیان شوي او څه باندې ۷۵۶ کورونه نړیدلې دي.
په بغلان کې یوې ښځینه سوداګرې د خیاطۍ کارخونې په جوړولو سره ۶۰ نورو ښځو ته د کار زمینه برابره کړې ده.
په دې کارخونه کې ښځې په دوو جلا جلا وختونو کې د څرمنې، ګلدوزۍ، مریو او خامک ګنډلو په څېر د خیاطۍ بېلابېلو برخو کې پر کار بوختې دي.
د افغانستان بانک وايي چې سبا یکشنبه د وري میاشتې په شپږمه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن (شنبه د ۱۴۰۲ د وري پنځمه) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا چهارشنبه «۱۵» میلیونه امریکايي ډالر لیلام کړي. د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.
کندوز کې یوشمېر ګلپلورونکي وايي چې د پخوا په پرتله یې له تېر یوه کال راهیسې د ګلانو د پلور بازار سوړ شوی او کاروبار نهلري.
د کندوز د ګلفروشي سرای ګلپلورونکي سلاموطندار ته وايي، هېواد کې د بېوزلۍ لوړه کچه لامل شوې چې خلک د پخوا په څېر د تازه ګلانو اخیستو ته زړه ښه نهکړي. د کندوز د ګلفروشي سرای ګلپلورونکي اغامحمد احمدي وویل: «ژمي کې چې هوا سړه وه، ګلان یخ وهلي او له خرڅلاو پاتې دي.
د نیوزیلنډ کرېکټ ملي لوبډلې په خپل کوربهتوب د سریلانکا د کرېکټ ملي لوبډلې ته په لومړۍ یو ورځنۍ لوبه کې د ۱۹۸ منډو په توپیر ماته ورکړه.
د پروان امنیه قوماندان عزیزالله عمر چې څو ورځې وړاندې د ا.ا د مشر هبتالله اخوندزاده په غوښتنه د یوشمېر نورو ولایتونو له امنیه قوماندانانو سره کندهار ته ورغلی و، سلاموطندار ته ویلي چې مشر یې د افغان نجونو پر مخ د ښوونځیو او پوهنتونونو پر پرانېستل کېدو، اساسي قانون او د شپې لهخوا د کورونو پر نه پلټلو ټینګار کړی دی.
د جوزجان امنیتي مسوولان وايي چې له دغه ولایت څخه د تښتول شوي کس جسد یې سرپل کې پیدا کړی دی. ناپېژنده کسانو دغه ځوان له جوزجان تښتولی و او سرپل کې یې وژلی دی.
د جوزجان د امنیې قومنداني د جنايي مدیریت د کشف امر شمسالله وثیق ویلي چې پېښه پرون پنجشنبه رامنځته شوې ده.
د بامیان د امنیې قومنداني د رسنیو دفتر په یوې خبرپاڼه کې ویلي چې دغه ولایت کې د یوې ټرافیکي پېښې پر مهال دوه کسان مړه او پنځه نور ټپیان شوي دي.
په خبرپاڼه کې ویل شوي چې پېښه د بامیانو د ورس ولسوالي اړوند پر لویه لاره د یوه پلانکوچ ډوله موټر د چپهکېدو له امله رامنځته شوې چې مړو شویو کې یو ماشوم او ټپیانو کې ښځې هم شاملې دي.
د زمبابوې په کوربهتوب د نیدرلنډ او د یاد هېواد د کرېکټ ملي لوبډلو ترمنځ د درېوو یو ورځنیو سیالیو د لوبلړۍ په دویمه لوبه کې زمبابوې د یوې په منډې په توپیر نیدرلنډ ته ماته ورکړه.
د افغانستان او د پاکستان د کرېکټ ملي لوبډلې نن شپه د عربي متحده اماراتو په شارجه لوبغالي کې د درېوو شل اووره سیالیو لوبلړۍ پیلوي.
ټاکل شوې چې دغه سیالي نن شپه د افغانستان پر وخت ۸:۳۰ دقیقې پیل شي.
دا د افغانستان او پاکستان ترمنځ د شل اووره سیالیو لومړۍ لوبلړۍ ده چې د دواړو هېوادونو د کرېکټ ملي لوبډلو ترمنځ ترسره کېږي.
د اسلامي امارت ویاند ذبېحالله مجاهد نن سهار وختي پر ټویټر لیکلي چې د افغانستان بانک مخکینی سرپرست عبدالقاهر ادریس او د طبیعي پېښو پر وړاندې د مبارزې ادارې مخکینی مرستیال شرفالدین مسلم د اوبو او برښنا وزارت او د کلیو بیارغونې او پراختیا وزارت د مرستیالانو په توګه ټاکل شوي دي.
د غزني محلي مسوولان وايي چې د دغه ولایت په واغظ ولسوالي کې د هاوان مرمۍ چاودنه کې یو ماشوم وژل شوی او پنځه نور ټپیان شوي دي. د درېوو ټپیانو روغتیايي وضعیت نازک ښودل شوی دی. د هغه په وینا، یاده پېښه د غزني ولایت د واغظ ولسوالي په «چهارده» کلي کې شوې ده.
د مارچ دوهویشتمه د اوبو نړیواله ورځ ده. د ملګرو ملتونو او د دغه سازمان ښوونیزې، علمي او کلتوري څانګې یا یونسکو د یوه ګډ راپور په خپرولو سره په نړۍ کې د اوبو لا کمېدو په اړه خبرداری ورکړی دی.
د ملګرو ملتونو سرمنشي انټونیو ګوټرېش ویلي چې په تلپاتې توګه د اوبو نه کارېدو، د هوا ککړتیا او ناکنټرول شوې تودوخې له کبله د انسانانو ژوند په ورکېدو دی.
