د پروان مرکز چاریکار ښار یوشمېر اوسېدونکي روژه کې د خوراکي او نورو لومړنیو توکو د بیې له لوړوالي څخه شکایت کوي.
دوی سلاموطندار ته وايي چې له یوه پلوه یې د بېوزلۍ له امله دسترخوانونه تش شوي او له بلخوا هټۍوال په خپله خوښه توکو ته نرخونه ټاکي او پر خلکو یې پلوري.
د میدانوردګ امنیتي مسوولان وايي چې دغه ولایت کې د یوه راکټ د سرګلولې د چاودنې له کبله دوه ماشومان وژل شوي دي.
د میدانوردګ د امنیې قومنداني ویاند محمدیوسف اسرار سلاموطندار ته ویلي چې دغه پېښه تېره ورځ د یاد ولایت د سیداباد ولسوالي اړوند «تنګي دره» کې رامنځته شوې ده.
د هند کرېکټ غوره لیګ سیالیو په لړ کې نن ورځ او شپه هم دوه په زړه پورې لوبې کېږي چې لومړۍ سیالي کې به سنرایزر حیدراباد له راجستان رویلز ولوبېږي او دویمه لوبه کې به رویلز چلنجر بنګلور له ممبۍ انډینز سره لوبه وکړي.
د نیمروز مسوولان وايي، یو درې کلن ماشوم نن (د وري دولسمه، شنبه) د دغه ولایت د خاشرود ولسوالي په «کندهاري» سیمه کې ژورې څاه ته لوېدلی او مړ شوی دی.
سره له دې چې افغان نجونو د ا.ا له لوري د دوی پر زدهکړو د بندیز په لګولو سره هیلې له لاسه ورکړي، خو اوس یې پر لیکه/انلاین زدهکړو ته مخه کړې ده. د دغو نجونو شمېر چې په تېرو ۱۹ میاشتو کې یې د ښوونځي دروازې پر مخ تړل شوي، د پر لیکه زدهکړو ته ډېر شوی دی.
کابل کې د ا.ا له لوري د ښځینه سوالګرو له ټولولو وروسته اوس دغه سوالګرې په ځانګړې بڼه او نویو تګلارو پلازمېنه کې له خلکو سوال کوي.
دغه سوالګرې مېرمنې او نجونې د قلم، پلاسټیک او نورو توکو د پلور په پلمه د کابل ښار په بېلابېلو ګڼمېشتو سیمو کې د مرستې او سوال غوښتنه کوي.
هېواد کې د بېوزلۍ او اقتصادي ستونزو له کبله ګڼشمېر داسې کسان شته چې کلونه کلونه د ناروغۍ پر بستر پراته دي او د درملنې توان نهلري.
خالالدین چې د خپلې کورنۍ یوازینی نارینه سرپرست دی او د کابل ښار یوه څنډه کې اوسېږي، له تېر نیمکال راهیسې له ورته برخلیک سره مخ دی.
د افغانستان بانک وايي چې سبا یکشنبه د وري میاشتې په ۱۳مه نېټه به «۱۴» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن (شنبه د ۱۴۰۲ د وري دولسمه) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا یکشنبه «۱۴» میلیونه امریکايي ډالر لیلام کړي.
پاکستان کې د زکات او وړیا اوړو وېشلو پر مهال د ګڼې ګوڼې له امله د مېرمنو او ماشومانو په ګډون ۱۵ کسان مړه شوي او ۱۹ نور ټپیان دي.
پاکستاني رسنیو نن شنبه د اپرېل لومړۍ راپور ورکړی چې پېښې د دغه هېواد د سېند او خېبرپښتونخوا ایالتونو کې د زکات او وړیا اوړو د وېش پر مهال رامنځته شوي دي.
د هند د کرېکټ غوره لیګ یا «ایپياېل» په زړه پورې سیالۍ پرون جمعه د مارچ ۳۱مه د چینای سوپر کنګز او ګوجرات ټایټنز لوبډلو ترمنځ په لوبې سره په رسمي توګه پیل شوې. په دغه لوبه کې چینای لوبډلې د «اماېس ډوني» په لوبډلمشر کې لومړی توپوهنه وکړه او په ټاکل شویو شلو اورونو کې یې د اوو لوبغاړو په سوځېدو ۱۷۷ منډې جوړې کړې.
د کاپیسا د امنیې قومانداني ویاند عبدالفتاح فایز وايي، ناپېژنده کسانو د دغه ولایت د مرکز اړوند له «قصابان» کلي څخه یو پنځه کلن ماشوم تښتولی او بیا یې وژلی دی.
د نوموړي په وینا، دغه هلک بلال نومېده او د وري په نهمه، چهارشنبه، د مازدیګر شاوخوا څلور بجې د هغه کور ته له نږدې سیمې تښتول شوی و.
د خوړو نړیوال پروګرام یا «WFP» تېره ورځ پر خپلې ټویټرپاڼه خبرداری ورکړی چې که تر راتلونکو څو ورځو پورې ورته په بیړنۍ توګه بودیجه ونه رسېږي، افغانستان کې به یې پر نهه میلیونه اړمنو افغانانو د مرستو وېش ودرېږي.
د ارګ پر ټویټرپاڼې لیکل شوي چې چې د ریاستالوزرا سیاسي مرستیال عبدالکبیر د افغانستان لپاره د ملګرو ملتونو د ځانګړۍ استازولۍ یا یوناما له مشرې روزا اوتونبایوا او ورسره مل پلاوي سره کتلي دي. ارګ لیکلي چې روزا اوتونبایوا په دې لیدنه کې «د روژې مبارکې میاشتې» د مبارکي ترڅنګ، ویلي چې د ملګرو ملتونو بشري مرستې به دوام کوي.
د جوزجان د امنیې قومانداني ویاند عبدالستار حلیمي وايي چې د دغه ولایت په قوشتپې ولسوالي کې د یوه لاسي بم په چاودنه کې دوه ماشومان وژل شوي او څلور نور ټپیان دي.
د نوموړي په وینا، یادو ماشومانو دغه بم موندلی و او لوبې یې پرې کولې چې چاودلی دی.
په بدخشان کې د صدای بانوان راډیو مدیرمسوولې نجلا شېرزاد سلاموطندار ته ویلي چې د دغه ولایت د اطلاعاتو او کلتور ریاست یې د راډیو دروازه ور تړلې ده. هغه وايي چې د دې راډېو له لارې یې هېڅ ډول موسیقي نهده خپره کړې او د مسوولانو د دغه کار د اصلي لامل په اړه هم نه پوهېږي.
هېواد کې د سیاسي تحولاتو او د پراختیايي پروژو له ځنډېدو وروسته دایکندي کې فرهنګي او بنسټییزو کارونو ته د خلکو لېوالتیا زیاته شوې ده.
