د ماشومانو لپاره د ملګروملتونو ملاتړې اداره (یونېسف) وايي چې افغانستان کې د ماشومانو د روزنې لپاره به د روان ۲۰۲۳ میلادي کال تر پایه د محلي ټولګیو شمېر ۲۱۰۰۰ ته لوړ کړي.
د دغه بنسټ په وینا، دا د یاد سازمان د چټکو زدهکړو د پروګرام یوه برخه ده چې د افغانستان هغو سیمو کې تطبیقېږي چې دولتي ښوونځي ترې لرې، یا یې نجونې او هلکان په پراخه کچه له زدهکړو محروم دي.
په افغانستان کې د ملګروملتونو سیاسي استازولي «یوناما» پر خپله ټوېټرپاڼه لیکلي چې اقلیم بدلون دغه هېواد د اوبو پر سرچینو منفي اغېزې کړي او د څښاک پاکو اوبو ته یې د خلکو لاسرسی ستونزمن کړی دی. د دغه بنسټ په وینا، تېر ۲۰۲۲ میلادي کال کې د هغو کورنیو شمېر چې افغانستان کې د اوبو له کمښت سره مخ وې، ۶۰سلنې ته رسېږي.
د بادغیس امنیتي مسوولان وايي چې دغه ولایت کې یوه ۱۹کلن ځوان له خپل پلار سره تر لفظي شخړې وروسته ځانوژنه کړې ده.
پېښه پرون دوشنبه د غويي ۲۵مه د یاد ولایت د جوند ولسوالي اړوند «ګزستان» کلي کې رامنځته شوې ده.
د خوست امنیتي مسوولان وايي چې د دغه ولایت په اړوند سیمه کې د یوه ملا امام په کور کې دننه د چاودنې له کبله دوه نجونې وژل شوي او دوه نور ماشومان یې ټپیان شوي دي.
د هند کرېکټ غوره لیګ یا ایپياېل سیالیو په لړ کې نن ماښام لکناو سوپر جاینټز لوبډله له ممبی انډیینز سره سیالي کوي.
ټاکل شوې چې یاده لوبه نن ماښام ۶:۳۰ «سهشنبه د مې ۱۶مه» د لکناو په کورني لوبغالي «بهارت رتنا شري اتل بېهاري وجپايي ایکانا» لوبغالي کې ترسره شي.
د نیوزیلنډ په ویلېنګټون ښار کې د یوې څلورپوړیزې لیلیې ودانۍ کې د اورلګېدنې له کبله شپږ کسان مړه شوي دي.
د یوشمېر نړیوالو رسنیو د راپورونو له مخې، پېښه نن سهشنبه د مې ۱۶مه رامنځته شوې ده. د راپورونو پر بنسټ، ژغورونکو ډلو له یادې ودانۍ څخه څه باندې ۵۰ کسان ژغورلي او یوولس کسان لا درکه دي.
د کندهار محلي مسوولان وايي چې د دغه ولایت د سپینبولدک له لارې له پاکستان څخه په تېرو درېوو ورځو کې ۱۴۲ کورنۍ بېرته هېواد ته راستنې شوې دي.
د کندهار د والي ویاند حاجي عزیز سلاموطندار ته ویلي چې د روانې غويي میاشتې په ۲۳مه، ۲۴وه او ۲۵مه ۱۴۲ کورنۍ چې ټول ۸۶۰ کسان کېږي، بېرته هېواد ته راستانه شوي دي.
د دایکندي د امنیې قومنداني ویاند غلامعلي جاوید سلاموطندار ته ویلي، لومړۍ پېښه چې نن سهشنبه د غویي ۲۶مه د یاد ولایت د سنګتختوبندر ولسوالي د «دهنبورګه» ولسوالي په یوه کان کې د چاودېدونکو توکو د چاودنې له امله رامنځته شوې، پر مهال یې یو کارګر وژل شوی دی.
کله چې د کابل په نوي ښار کې د انتیکفروشي کوڅې ته ورشئ، سترګې به مو د ګوتمیو او لاسبندونو په څېر پر هغو توکو ولګېږي چې زمرودو، فېروزې او یاقوتو له قیمتي ډبرو جوړ شوي او د پلورنځیو پر الماریو کې اېښودل شوي دي. برنجي سماوارونو، قالینچو او د سینګار نورو توکو بیا دې کوڅې ته نوره ښکلا هم وربښلې ده.
د لوګراوسېدونکي وايي، د ولایتي روغتون تر څنګ، په ولسوالیو او لرې پرتو سیمو کې هم د ښځینه ډاکترانو او قابلو شمېر لږ دی او همدا لامل دی چې خلکو ته په سم ډول روغتیايي خدمتونه نه رسېږي.
اسلامي امارت په یوه خبرپاڼه کې لیکلي چې د مالیې ورکولو او دولتي ادارو کې د اداري چارو سر ته رسولو برخه کې د خصوصي سکټور لپاره یې تازه اسانتیاوې په پام کې نیولې دي.
د عامې روغتیا وزارت مسوولان وايي، نن دوشنبه د کابل، ننګرهار، کونړ، لغمان او نورستان په ګډون، د هېواد په ۲۳ ولایتونو او ۲۱۷ ولسوالیو کې د ګوزڼ ضد واکسین کمپیان پیل شوی چې او په درېوو ورځو کې به څه باندې شپږ میلیونه ماشومان واکسین شي.
د ترکیې وګړي نن یکشنبه سهار اته بجې د رایې ورکولو صندوقونو ته ولاړل او د خپل هېواد د راتلونکي برخلیک ټاکلو لپاره یې د ولسمشري ټاکنو کې چې د ترکیې په معاصر تاریخ کې تر ټولو مهمې ټاکنې بلل کېږي، برخه واخیسته.
د ملګرو ملتونو د ماشومانو د ملاتړ صندوق یا یونیسف د افغانستان څانګه وايي چې د اسلامي پراختیايي بانک یوې ډلې د دوو قراردادونو په لاسلیکولو سره له افغانانو سره نږدې دوه میلیونه ډالره بشري مرسته کړې ده.
ګرمسېر، د هلمند د سوېلي ولسوالیو له ډلې یوه ده. د دې ولسوالي اوسېدونکي وايي، په دې ولسوالي کې ټوله راکړه ورکړه د تېرو شاوخوا دېرشو کلونو راهیسې په پاکستانۍ کلدارو کېږي. د دوی په وینا، ټولې وړې او لويي سوداګریزې راکړې ورکړې یوازې په کلدارې کیږي او په ځینو سیمو کې که هټۍوالو ته افغانۍ هم ورکړې، په افغانیو بدلوي.
په کندهار کې د غنمو د ترېشل ماشينونو جوړولو دوه کارخونې فعاليت کوي چې په دې سره هېواد ته د ترېشل ماشینونو د واردېدو مخه نیول شوې ده.
د کندهار د صنعتي پارک امر مفتي عليمحمد وايي، په دغه ولایت کې د ترېشل ماشينونو د دوو کارخونو په فعالیت سره د دغو ماشینونو پېرلو لپاره بهر ته د لسګونه ميليونه افغانیو د تلو مخه نیول شوې ده.
