د ولسمشر دویم مرستیال سرور دانش «د افغانستان د خوړو د خوندیتوب او تغذیې ملي اجنډا درېیمې کلیزې» په مناسبت جوړې شوې نمانځغونډه کې وويل، هېواد د خوړو د خوندیتوب له ناورین سره مخ دی.
د سرور دانش په خبره ۱۳ میلیونه کسان چې د هېواد د نفوس ۴۴سلنه جوړوي، د خوړو مصوونیت نه لري.
د ولسمشر لومړی مرستیال امرالله صالح وايي، د هغو ۱۳ امنیتي منسوبانو د خوشې کېدو امر يې صادر کړی چې په کابل پوهنتون د تېرې دوشنبې د برید مخنیوي کې په ناغېړۍ تورن او نیول شوي وو.
امرالله صالح نن پنجشنبه پر خپله فېسبوک پاڼه لیکلي چې د کابل پوهنتون په تړاو د وظیفوي غفلت په نوم د ۱۳ نوم ورکو پولیسو نیول کېدل بې مانا عمل دی او زياته کړې يې ده چې د پېښې په تړاو څېړنې لاهم دوام لري.
د کابل امنيې قومندانۍ وايي، د کابل پوهنتون برید په تړاو يې د کابل ښار د درېیمې حوزې۱۳ امنیتي مسوولان چې د ياد پوهنتون امنيت ورپه غاړه و، څارنوالۍ ته معرفي کړي دي.
له کابل امنيې قومندانۍ نه په خپره شوې خبرپاڼه کې راغلي چې د درېيمې امنيتي حوزې د پوليسو مسوولان يې د کابل پوهنتون امنیت ساتلو کې د غفلت له کبله له دندو لرې کړي او څارنوالۍ ته يې معرفي کړي دي.
د ټاکنيزو کالجونو د رايو پر بنسټ تر اوسه پورې د ډيموکراټ ګوند نوماند جوبايډن ۲۳۸ رايې لاس ته راوړې دي. د جمهوري غوښتونکي ګوند نوماند ډونالډ ټرمپ بيا ۲۱۳ الکټرال رايې اخيستي دي. دغه شمېرې د تغير په حال کې دي.
د کابل پوهنتون رهبرۍ اعلان وکړ چې د درسونو د ځنډ مخنيوي لپاره یې د پوهنتون درسونه نن بېرته پيل کړل.
کابل پوهنتون پر خپله فېسبوکپاڼه کې په خپره شوې اعلاميه کې ويلي چې د پوهنتون د بيا پرانيستو پرېکړه د ولسمشر محمد اشرف غني په لارښوونه د لوړو زدهکړو وزارت، د کابل پوهنتون د رهبرۍ د غړيو او امنيتي چارواکيو سره په ګډه ناسته کې شوې ده.
د ولسمشر لومړی مرستيال امرالله صالح وايي، پر کابل پوهنتون د برید په اړه لومړنۍ پلټنې او ارزونې ښيي چې ياد بريد طالبانو کړی دی.
امرالله صالح نن پر خپله فېسبوکپاڼه ليکلي چې دا برید بې له چون او چرا د کابل پر امریکايي پوهنتون د طالبانو له بريد سره ورته والی لري چې طالبانو کړی و.
پر کابل پوهنتون له ډلهييز بريد يوه ورځ وروسته د اسلامي همکاريو سازمان او ناټو دغه بريد غندلی دی.
د اسلامي همکاريو سازمان د يوې اعلاميې په خپرولو سره ويلي چې ياد سازمان هر ډول تاوتريخوالی، افراطيت او تروريزم غندي او ردوي.
د افغانستان سولې لپاره د امریکا د بهرنيو چارو وزارت ځانګړي استازي زلمي خلیلزاد پر کابل پوهنتون پرونی بريد چې مسووليت يې داعش ډلې پر غاړه اخيستی یو «وحشيانه عمل» بللی او غندلی دی.
د کندوز ولایت محلي او د ولايتي شورا مسوولان وايي، د کندوز امام صاحب ولسوالۍ کې د سرحدي ځواکونو پر کنډک موټربم چاودنه شوې ده.
د ياد ولايت د ولايتي شورا رييس محمدیوسف ایوبي وايي، طالبانو نن سهار امام صاحب ولسوالۍ کې د سرحدي ځواکونو پر کنډک له چاودېدونکيو توکيو ډک موټر ته چاودنه ورکړې. د نوموړي په وينا، اوس مهال د امنيتي ځواکونو او طالبانو ترمنځ نښته روانه ده.
د ولسمشر لومړی مرستيال امرالله صالح وايي، پر کابل پوهنتون پرونی بريد د حقاني شبکې کار دی او د اعش اعلاميه جعلي ده.
نوموړي پر خپله فېسبوکپاڼه ليکلي، د کابل پر پوهنتون د برید نښې ښيي چې دا برید طالبانو کړی دی او زياته کړې يې ده چې برید کې له هغو تکتیکونو کار اخیستل شوی چې د حقاني شبکه یې کاروي.
د کورنیو چارو وزارت وایي، پر کابل پوهنتون وسلهوال برید تر ۶ ساعته نښتې وروسته د ۳ بريدګرو پر وژل کېدو پای ته ورسېد. د ياد وزارت وياند طارق ارين وايي، دغه بريد کې ۱۹ کسان ووژل شول او ۲۲ نور ټپيان شول.
نن سهار شاوخوا ۱۱ بجې پر کابل پوهنتون وسلهوال بريد وشو او ترهګرو پر محصلانو ډزې پيل کړې.
نن سهار پر کابل پوهنتون وسلهوال بريد وشو. تر اوسه پورې د یاد بريد د مرګژوبلې په اړه کره معلومات نشته.
د ولسمشر لومړی مرستيال امرالله صالح وايي، پر کابل پوهنتون نننی بريد دولت لپاره «استخباراتي ناکامي» او انساني ناورين دی.
امرالله صالح وايي، دا بريد د طالبانو او د هغوی د همفکرو د وجدان ګندهګي ښيي.
د کورنیو چارو وزارت وايي، هلمند ولايت کې يې د طالبانو پر خلاف پوځي عملياتو کې ۶۰۰ طالبان وژلي دي. دغه څرګندونې د ياد وزارت امنیتي مرستیال سترجنرال عبدالصبور قانع د یوه خبرې کنفرانس پرمهال وکړې.
د هلمند د والي وياند عمر ځواک وايي، د لښکرګاه ښار درېيمې حوزې «بولان» سيمه کې د ملکي وګړيو پر فيلډر ډوله موټر د سړک غاړې خښ شوي ماين چاودنه کړې چې ۷ ملکيان په کې وژل شوي.
د سلاموطندار خبريال رومان کریمي وايي، بريدګر کابل پوهنتون ته دننه شوي او ډزې يې پيل کړې دي.
کريمي وايي، څو بريدګر حقوقو پوهنځي ته ننوتي او پر محصلانو يې ډزې کړي.د کورنيو چارو وزارت وياند طارق ارین وايي، کابل پوهنتون سره نږدې د ډزو غږونه اورېدل شوي دي او پوليس سيمه کې حضور لري.
د کندوز د والي ویاند عصمت الله مرادي وايي، طالب وسلهوالو تېر مازیګر د ولایت مقام پر ودانۍ د هاوان مرمۍ توغولې چې د والي ۴ ساتونکي پهکې وژل شوي دي.
مرادي وويل، پېښه کې د ملکي کارکونکيو په ګډون ۶ نور ټپیان شوي هم دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
