Asset 1SWN

د حقاني شبکې له تکتيکه کار اخيستل؛ صالح: د داعش اعلامیه جعلي ده

123241551_2709036249311916_5017964062299826570_n-oxuxv71ci88h8k3pv0v2nwvq2i1daj8dt9eiwgszns

 

د ولسمشر لومړی مرستيال امرالله صالح وايي، پر کابل پوهنتون پرونی بريد د حقاني شبکې کار دی او د اعش اعلاميه جعلي ده.

نوموړي پر خپله فېسبوک‌پاڼه ليکلي، د کابل پر پوهنتون د برید نښې ښيي چې دا برید طالبانو کړی دی او زياته کړې يې ده چې برید کې له هغو تکتیکونو کار اخیستل شوی چې د حقاني شبکه یې کاروي.

نوموړي ویلي چې د تېرې ورځې د بریدګرو کړنې د طالبانو د نوي فاتح ځواک په نوم ډلې سره سل سلنه شباهت لري او طالبانو د تل په څېر پر دېوال ليکلي چې « امارت زنده باد!».

امرالله صالح وايي، د دې لپاره چې ثابته کړي دا برید طالبانو کړی لسګونه سخت او نرم ثبوتونه په واک کې لري.

په ټولګي کې د ترهګرو لیکل شوی ليک

د ولسمشر د لومړي مرستیال په خبره، د تېرې ورځې جنایت داعش ته منصوبول یوازې یوه اعلامیه ده چې هېڅ ډول نه‌شي کولای په دې تیاره او بدې ګناه کې د طالب لاس او وجدان پاک کړي.

صالح وايي چې د ترور سخت او نرم بنسټ د طالب په لاس کې دی او داعش له طالب پرته د عملیاتو توان نه لري.

خو طالبانو په دې بريد کې خپل لاس لرل رد کړي دي.

پر کابل پوهنتون د برید مسوولیت د داعش خراسان څانګې پر غاړه اخیستی دی.

تېره ورځ سهار شاوخوا ۱۱ بجې پر کابل پوهنتون وسله‌وال بريد وشو او ترهګرو پر محصلانو ډزې پيل کړې. د کورنیو چارو وزارت د شمېرو له مخې، په دې بريد کې ۱۹ کسان ووژل شول او ۲۲ نور ټپيان شول؛ خو عيني شاهدان وايي، د مرګ‌ژوبلې شمېرې لوړې دي.

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام