سلاموطندار ته یوې سرچینې ویلي چې طالبانو بېګاه د پلخمري ښار دروازې ته نږدې پر یوه پوسته برید کړی چې له کبله یې دوه سرتېري وژل شوي دي.
سرچینه زیاتوي چې طالبانو یاده پوسته سوځولې او نظامي تجهیزات یې له ځان سره وړي دي.
د بغلان امنیه قوماندان ویس صمیمي د دغې پېښې د تایید ترڅنګ وايي چې پنځه طالبان هم په یاد برید کې وژل شوي دي.
هغه د طالبانو له لوري د پوستې د نظامي تجهیزاتو لوټل نه مني او وايي، یاده پوسته اوس د امنیتي ځواکونو په لاس کې ده.
بغلان د هېواد په شمالختیځ کې یو ناامنه ولایت دی چې طالب وسلهوال یې په ځینو ولسوالیو کې پراخ حضور او فعالیت لري.
