د کندهار امنیتي مسوولان وايي، نن ماسپښین د کندهار ښار د اوومې امنیتي حوزې اړوند د ملي امنیت د ۰۶ قطعې څوارلسم ماموریت ته نږدې چاودنه شوې ده.
د کندهار د امنیې قومانداني ویاند جمالناصر بارکزي سلاموطندار ته ویلي چې په یاده چاودنه کې یو پولیس وژل شوی او د یوه پولیس او ۲۰ ملکیانو په ګډون، ۲۱ نور ټپیان شوي دي.
د سلاموطندار پښتو فېسبوکپاڼه وڅارئ
خو د کندهار په میروس روغتون کې یوه ډاکټر سلاموطندار ته ویلي چې د چاودنې له ځایه د ۱۰ نظامیانو او ۱۵ ملکیانو په ګډون، ۲۵ کسان روغتون ته ور وړل شوي او په وینا یې، یو یې وژل شوی او ۲۴ نور ټپیان دي.
په همدې حال کې د پېښې شاهدان وايي چې د چاودنې له کبله خلکو ته مالي زیانونه هم اوښتي دي.
تر اوسه د دغه برید مسوولیت کوم چا یا ډلې پر غاړه نه دی اخیستی.
