د کندهار د امنیې قومندانۍ مطبوعاتي مسوول جمالناصر بارکزی سلاموطندا ته وايي، تېره شپه افغان هوايي ځواکونو د ارغنداب ولسوالۍ یو شمېر سیمو کې پر وسلهوالو طالبانو هوايي بریدونه کړي چې په پايله کې يې ۳۵ طالبان وژل شوي او يو شمېر يې ټپيان شوي دي.
په کابل کې د ملګرو ملتونو سیاسي استازولۍ يا يوناما د ملګرو ملتونو د امنیت شورا د ۱۳۲۵ نمبر پرېکړه ليک د شلمې کالیزې په مناسبت په يوه اعلاميه کې
د افغانستان د ناامنيو ډېرېدو ته په اشارې ويلي، افغانستان کې چې هر ۱۰ملکيان وژل کېږي، ۴ يې ماشومان او ښځې دي.
ملي دفاع وزارت د شنبې په ورځ په يوه اعلاميه کې ویلي، هلمند کې د طالبانو د نظامي کمیسیون مرستیال ملا امانالله چې د «شفیق» په نوم د شبکې رهبري یې کوله ناوې ولسوالۍ کې یوه هوايي برید کې وژل شوی.
د دفاع وزارت خبرپاڼه کې راغلي، دغه هوايي برید کې ۸ نور وسلهوال طالبان هم وژل شوي او ګڼ شمېر وسلې، مهمات یې له منځه وړل شوي دي.
د کندهار د والي وياند بهیراحمد احمدي سلاموطندار ته وايي، ناپېژاندو موټرسايکل سپرو وسلهوالو د ياد ولايت د استيناف څانوالۍ پخوانی رييس شبیراحمد قیومي وواژه.
نوموړي وويل، دغه پېښه نن وروسته له غرمې د کندهار ښار د نهمې ناحیې اوړند قادري واټ سيمه کې شوې ده.
افغانستان لپاره د ناټو ملکي استازي د لغمان، غور او هلمند ولايت له واليانو سره د امنیتي وضعيت او د سولې په اړه خبرې کړې دي او ډاډ يې ورکړی چې له افغان امنيتي ځواکونو ملاتړ ته دوام ورکوي.
د کانونو او پټروليم وزارت وايي، د استخراجي صنایعو د شفافیت د نوښت په نړیوال سازمان «EITI» کې افغانستان بياځلې غړیتوب ترلاسه کړ.
له ياد وزارته په خپره شوې اعلاميه کې راغلي چې افغانستان له ۲۰۱۰ کال راهیسې د استخراجي صنایعو د شفافیت د نوښت سازمان غړیتوب لري چی د ۲۰۱۴ او ۲۰۱۷ کال د اجرااتو پر بنسټ یې غړیتوب په یاد سازمان کې له ځنډ سره مخ شو.
د هېواد د څلورو سترو هوايي ډګرونو امنیتي چارې یوه بهرني شرکت ته وسپارل شوې. دغه پرېکړه وروسته له هغې شوې چې حکومت له اوسنیو شرکتونو سره د ټیټ کیفیت کار له کبله تړونونه لغوه کړل.
د هوايي چلند اداره وايي، د افغانستان په څلورو نړیوالو هوايي ډګرونو حامد کرزي، مولانا جلال الدین بلخي، احمدشاه ابدالي او هرات هوايي ډګرونو کې امنیتي او عملیاتي خدمتونه د عربي متحده اماراتو یوه شرکت ته سپارل شوي او ټاکل شوې راروانه میلادي میاشت خپل کاورنه پيل کړي.
یوه باوري امنیتي سرچینه چې نه غواړي نوم يې خپور شي سلاموطندار ته وايي، وسلهوالو طالبان د «دهراوود» ولسوالۍ بازار ته ننوتلي او د امنیې قومندانۍ پر مرکز يې بریدونه دوام لري.
ولسمشر محمد اشرف غني وايي، د سولې بينالافغاني خبرې دې د قران او اسلامي شريعت پر بنسټ وي. نوموړی وايي، طالبان ادعا کوي چې کلونه يې دين لپاره مبارزه کړې؛ خو د سولې خبرې له امريکا سره د شوې هوکړې پر بنسټ کوي.
د کندهار امنيتي مسوولان وايي، ياد ولايت د سړکغاړې ماين چاودنه کې د يوې کورنۍ ۵ غړي وژل شوي دي.
د ياد ولايت د امنیې قومندانۍ ویاند جمالناصر بارکزی سلاموطندار ته وايي، دغه چاودنه نن مخکې له غرمې د میوند ولسوالۍ «کارېز» سیمه کې پر زرنج موټرسایکل شوې .
د چارو د ادارې رييس فضلمحمود فضلي د ولسي جرګې له لوري د الکټرونيکي پېژندپاڼو د تعدیل د طرحې د تاييد غبرګون کې ويلي چې د الکټرونيکي پېژندپاڼو په اړه هېڅ تغیر، تعدیل او تعلیق نشته.
د هرات په مرکزي زندان کې د پولیسو او زندانیانو د اخ او ډب پرمهال ۸ بندیان وژل شوي ۸ بنديان او ۴ پولیس ټپيان شوي دي.
د هرات د عامې ورغتیا ریاست ویاند محمد رفیق شېرزی وايي، د هرات په زندان کې د اخ و ډب له کبله د هرات حوزوي روغتون ته د لېږدول شویو بندیانو د جسدونو څېړنه ښيي چې يو بندي د مرمۍ په ډز او ۷ نور د نامعلومو زهري توکيو په خوړولو سره مړه شوي دي.
د طالبانو د قطر دفتر ویاند محمد نعیم وایي افغان سولې لپاره د امريکا د بهرنيو چارو وزارت ځانګړي استازي زلمي خلیلزاد د طالبانو له سیاسي مرستیال ملا برادر سره کتلي دي.
ولسي جرګې د نن ورځې په عمومي غونډه کې د الکټرونيکي پېژندپاڼو د قانون د تعدیل طرحه تاييد کړه.
په دې طرحه کې چې شاوخوا ۶۰ وکيلانو لاسليکونه کړي وو، وړانديز شوې ده چې د دولتي کار کوونکيو، متقاعدینو، معلولانو او د شهیدانو د کورنیو معاشونه او حقوق د پخوانۍ کاغذي تذکرې له مخې ورکړل شي.
د وروستيو ناامنیو ډېرېدو او د سړک غاړې ماينونو د چاودنو له کبله د ملکيانو د مرګژوبلې ډېرېدو سره ولسمشرۍ ماڼۍ ويلي، ښايي طالبانو د شوروي يرغل پرمهال له هغوی ډېر د سړک غاړې ماینونه کارولي وي.
د دايکندي د ښځو چارو رياست مسوولان تاييدوي چې د ياد ولايت په مرکز کې د غلو يوې ډلې پر ۲۰ کلنې ښځې ډلهييز جنسي تېری کړی دی.
د ياد ولايت د ښځو چارو رييسه بېنظیر جعفري سلاموطندار ته وايي، تېره اوونۍ شپې مهال يوې ډلې غلو د مسافرو يو موټر درولی او مالونه لوټلي او وروسته يې پر يوې ۲۰کلنې مسافرې ډلهييز جنسي تېری وکړ.
