ملي دفاع وزارت د شنبې په ورځ په يوه اعلاميه کې ویلي، هلمند کې يې د طالبانو د نظامي کمیسیون مرستیال وژلی دی.
له یاد وزارته په خپره شوې خبرپاڼه کې راغلي چې د طالبانو نظامي مرستيال ملا امانالله نومېده چې د «شفیق» په نوم د شبکې رهبري یې کوله.
دفاع وزارت وايي، نوموړی يې ناوې ولسوالۍ کې یوه هوايي برید کې وژل دی.
د دفاع وزارت خبرپاڼه کې راغلي، دغه هوايي برید کې ۸ نور وسلهوال طالبان هم وژل شوي.
خبرپاڼه زياتوي، په دې بريد کې يې د طالبانو ګڼ شمېر وسلې او مهمات هم له منځه وړي دي.
طالبانو تراوسه پورې دې برخه کې رسنیو ته څه نه دي ویلي.
