د افغانستان ملي مالي صندوق د مشرتابه پلاوي غړيو نن کابل کې یوې اعتراضيه غونډه کې وویل، دغه صندوق شپږ میاشتې وړاندې د ۳۲ میلیونو افغانیو په بودیجې سره د کورنیو او بهرنیو مرستو د جلبولو په موخه د افغانستان د ملي راډیو ټلویزیون د خیریه بنسټ په توګه رامنځته شو. خو اوس د ولسمشرۍ ماڼۍ د چارو ادارې د راپور ترخپرېدو وروسته د دغه صندوق فعالیتونه درېدلي.
د بدخشان سيمهييز مسوولان وایي چې د ياد ولايت خواهان ولسوالۍ کې ۲۰ ولسي پاڅونکوونکي طالبانو سره يو ځای شوي دي.
د ياد ولايت امنيې قومندانۍ وايي، ياد شمېر ځواکونه د طالبانو له لوري له کلابندۍ وروسته دوی سره يوځای شوي دي.
د ملکي هوايي چلند ادارې یوه خبرپاڼه کې ویلي، د کامایر هوايي شرکت الوتکې منځ کې د اورښودنې الې هوا کې د ټکان خوړلو له کبله د اور لګېدو غلته نښه ورکړې او دا چاره د خلکو د وارخطایي لامل شوې ده. دغه اداره وایي، الوتکه او سپرلۍ دواړه خوندي دي.
د هلمند د والي ویاند عمر ځواک وايي، د ګرشک ولسوالۍ اړوند «مهاجر بازار» سيمه کې پر ۴۰۴ ډوله مسافروړونکي موټر د سړک غاړې ماين چاودنه شوې چې د ښځو او ماشومانو په ګډون ۵کسان په کې وژل شوي او ۱۰ نور ټپيان دي.
د کندهار د امنيې قومندانۍ وياند جمالناصر بارکزی سلاموطندار ته وايي، ناپېژاندو وسلهوالو تېره شپه يو نوی جوړ شوی ښوونځي په بمومو الوځولی دی. باکرزي وويل، ياد ښوونځی د ژړۍ ولسوالۍ «مهاجرینو کمپ» سیمه کې و.
شاوخوا پنځه کاله وړاندې د ننګرهار هډې فارم سیمه کې د کانال پر څلوېښت جریبه ځمکه د خرما بڼ جوړ شوی دی.
په دغه بڼ کې د خرما د شپږو بېلابېلو ډولونو ۲۷۰۰ بوټي کېنول شوي چې سږ کال یې درېیم کال دی چې حاصل ترې تر لاسه کېږي.
د نوبل د سولې جایزه سږکال «۲۰۲۰» د خوړو نړیوال سازمان یا (WFP) ته ورکړل شوه. ياد سازمان وايي، دوی هیله لري د يادې جايزې د ترلاسه کولو سره د نړيوالو پام هغو ميليونونو کسانو ته واړوي چې د لوږې له ګواښ سره مخ دي.
یوه معتبره ولسي سرچینه سلاموطندار ته وايي، د دښتقلعه ولسوالۍ ایخانم تپه کې د سرحدي پولیسو مرکز ته نږدې د هاوان لګېدو پېښه کې ۷ سرحدي سرتېري وژل شوي او ۲ نور ټپيان دي. سرچینې وویل، تراوسه معلومه نه ده چې هاوان د کومې ډلې له خوا توغول شوی دی.
د ناټو سرمنشي ینس سټولټنبرګ د امریکا د ولسمشر ډونالډ ټرمپ خبرو په غبرګون کې وايي، امریکا باید له افغانستانه د خپلو ځواکونو د وتو په تړاو دې تړون سره مشوره وکړي. نوموړي دا څرګندونې تېره ورځ په يوه خبري ناسته کې د ناټو په مرکز بروکسل کې کړې دي.
افغان سولې لپاره د امریکا د بهرنيو چارو وزارت ځانګړي استازي زلمي خلیلزاد او افغانستان کې د ناټو غوڅ ملاتړ ماموریت قومندان سکاټ مېلر تېره ورځ د پاکستان د پوځ لوی درستیز قمر جاوېد باجوه سره لیدلي. خلیلزاد تېره ورځ « پنجشنبه د تلې ۱۷مه» پاکستان ته تللی.
د ملي مصالحې عالي شورا رييس عبدالله عبدالله هند ته په خپل سفر کې وويل چې دوحه کې د سولې روانې خبرې هيله بښونکې دي. عبدالله په ټينګار سره وايي چې سولې ته رسېدل هېڅ نظامي حل لار نه لري او په داسې حال کې چې دواړه لوري سياسي حل لار لټوي، سولې ته د رسېدو چانس ډېرېږي.
۲۱کلن رامین تازه د کانکور ازموینه کې تر ګډون وروسته د کابل انجنیرۍ پوهنځي ته بریالی شو؛ خو غلو تېر ماښام د کابل ښار لومړۍ ناحیه کې وواژه. د رامین مور او د کورنۍ نور غړي یې وايي، په پولیسو یې باور له لاسه ورکړی او له امنیتي بنسټونو او حکومت نه هېڅ تمه نه لري.
د شپږیزې کرکټ لیګ پای لوبه چې نن د مسعینک اتلانو او کابل بازانو لوبډلو ترمنځ وشوه، کابل بازانو لوبډلې مقابل ټیم ته د ۹ منډو په توپیر ماته ورکړه. د نننۍ لوبې پچه مسعینک اتلانو ګټلې وه، خو د توپ اچونې پرېکړه یې وکړه.
څلور میاشتې وړاندې د اوونۍ په پای کې له کارونو تر فراغت وروسته ګڼو کسانو د هنر او تفرېح لمنه نیوله او له خپلو کورنیو سره یوځای د فلم کتلو ته کېناستل، په چکرونو تل او یا یې هم کتابونه لوستل؛ خو د کرونا ویروس خپرېدل او پرې د ګڼو خلکو اخته کېدل لامل شو چې حکومتونه د قرنطین شدت زیات کړي او له خلکو جدي وغواړي چې په کورنو کې پاتې شي.
د افغانستان د لومړني ملي پارک بندامیر شاوخوا سیمو اوسېدونکي د دغو ساحو د ساتلو څرنګوالي په اړه پوهاوی نه لري او تل یې ګیاهي پوښښ او نور بوټي له منځه وړي. د سیمې دوه اوسېدونکي عليحسین او سید امین ابراهیمي وايي، دغه بوټي ژمي کې د خپلو کورونو تودولو لپاره راټولوي.
د پاکې هوا له نړیوالې ورځې سره هم مهاله د ولسمشر دویم مرستیال سرور دانش د ککړې هوا له کبله د خطرونو په اړه خبرې کوي. د دانش په خبره، ککړه هوا له کورونا ویروس نه ډېره خطرناکه ده او راروان ژمی د هوا د ککړتیا د کمولو مدیریت لپاره باید جدي تدابیر په پام کې ونیول شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
