د ملکي هوايي چلند ادارې یوه خبرپاڼه کې ویلي، د کامایر هوايي شرکت الوتکې منځ کې د اورښودنې الې هوا کې د ټکان خوړلو له کبله د اور لګېدو غلته نښه ورکړې او دا چاره د خلکو د وارخطایي لامل شوې ده.
دغه اداره وایي، الوتکه او سپرلۍ دواړه خوندي دي.
د یادونې وړ ده چې تر دې وړاندې یو شمېر مسافرو ویلي و چې د کام ایر هوایي شرکت یوه الوتکه چې له بدخشانه کابل ته په لاره وه، د کابل هوایي ډګر کې د کېناستو پرمهال یې په ماشین کې اور لګېدلی دی.
ویل شوي چې دغه الوتکه کې یو شمېر چارواکي او مسافرین بدخشان نه کابل ته راتلل.