هرات کې ۲۰۰ کارګر ماشومان چې له زدهکړو بېبرخې وو، نن د یوه خیریه بنسټ په همکاري ښوونځي کې شامل شوي دي.
د «عاطفي» په نوم د دغه بنسټ مرستیال عبدالظاهر ارشاد وايي، نن یې ۸۷ نجونو او ۱۱۳ هلکانو ته د زدهکړو اسانتیاوې برابرې کړې دي.
د اسیا کپ د روانو سیالیو دویمه لوبه نن د هند او پاکستان ترمنځ په متحده عربي اماراتو کې وشوه. هند او پاکستان په کرېکټ کې تل یو د بل سرسخت سیالان بلل کېږي.
هند د دې لوبې پچه وګټله او پاکستان ته یې د منډو کولو بلنه ورکړه چې پاکستان د خپلو ټولو لوبغاړیو په سوځېدو سره په شلم اوور کې هند ته د ۱۴۹ منډو هدف وټاکه. دا د اسیا کپ دویمه سیالي وه.
تېره ورځ یو کس چې ادعا یې کوله د اسلامي امارت د کورنیو چارو وزارت د ښاري استخباراتو د څانګې کارکوونکی دی، د سلاموطندار راډیو دفتر ته ننوځي. نوموړي کس غوښتل په زور او د سلاموطندار راډیو د امنیتي برخې له همغږۍ پرته دفتر ته دننه شي. هغه خپل ځان عبدالمالک صافی معرفي کړ او یوه بل ځوان یې هم ملتیا کوله.
اسیا کې له خبریالانو د خوندیتوب کمېټې په یوې خبرپاڼه کې د سلاموطندار راډیو پر خبریال او اډېټور محمدعلي احمدي وسلهوال برید افغانستان کې د اطلاع رسونې پر وړاندې ستر ګواښ بللی دی. اسیا کې د خبریالانو خوندیتوب کمېټې همغږی کوونکی سټیوان بټلر له طالبانو غوښتي چې د یاد برید د څرنګوالي په اړه خپلې څېړنې پیل کړي.
د سلاموطندار راډیو خبریال او د متن اډېټور محمدعلي احمدي د روانې اوونۍ د شنبې په ورځ له دفتر څخه کور ته پر لار و چې د یوه وسلهوال برید لاندې راغی او په دې برید کې یې یوه پښه ژوره تپي شوې ده. تراوسه روښانه نه ده چې دغه برید د کومې ډلې له لوري شوی دی.
له هرات وروسته د کابل، خوست، تخار، ننګرهار او بدخشان ولایتونو ډېری اوسېدونکو د افغان ځواکونو په ننګه او له طالب ډلې د کرکې په موخه د «الله اکبر» نارې وکړې. خلک داسې مهال واټونو ته راووتل چې په یوشمېر ولایتونو کې جګړې زور اخیستی او طالبانو د څو ولایتونو په ښارونو کې د جګړې سنګر تود ساتلی دی.
بېګاه شپه د هرات ښار اوسېدونکي د خپلو کورونو بامونو ته پورته شول او د «الله اکبر» نعارو په وهلو سره یې له امنیتي ځواکونو څخه خپل ملاتړ اعلان کړ. د هرات ښار اوسېدونکو د الله اکبر نعارو په پورته کولو سره، طالبانو ته دا پیغام ورساوه چې هرات کې د دوی لپاره ځای نشته او دغه ښار دوی نه شي زغملی.
د پکتيا ولایت اړوند هغه ولسوالۍ چې د طالبانو تر ولکې لاندې دي، اوسېدونکي یې وایي، وسلهوالو طالبانو د دغو سیمو په ښوونځيو کې د تدریس پر یوشمېر مضمونونو بندیز لګولی دی. خو د دغه ولایت د پوهنې رياست مسوولان وايي چې د مضمونونو د تدريس چارې په عادي توګه روانې دي.
د افغانستان د ازدو رسنیو د ملاتړ ټولنه یا نی وايي چې طالبانو د روزګان ولایت د دهراوود ولسوالي له نیولو وروسته د «دهراوود غږ» راډیو وسایل لوټ کړي او ودانۍ یې هم نړولې ده.
سره له دې چې تر دې مخکې هم په هغو سیمو کې چې د طالبانو تر ولکې لاندې دي، د دې ډلې له لوري د ماشومانو د جلب و جذب په اړه راپورونه خپاره شوي، خو اوس د یادو سیمو یوشمېر اوسېدونکي له سلاموطندار سره په خبرو کې دا موضوع تاییدوي او وايي، هغه ډېری وسلهوال چې له افغان ځواکونو سره په جګړه کې وژل کېږي، په زوره د طالبانو لیکو ته جذب شوي دي.
په کندهار ولایت کې یوشمېر سرچینې وایي چې وسلهوال طالبان په دغه ولایت کې تر خپلې ولکې لاندې سیمو کې خلک له خپلو کورونو راباسي او له دولت سره د همکارۍ په تور یې وژني. یادې سرچینې وایي، طالبان په ټولو هغو سیمو کې چې د دوی تر ولکې لاندې دي، استخباراتي شبکې لري او د هغوی په مرسته دغه کسان په نښه کوي.
د جوزجان ولایت د اقچې ولسوالي اوسېدونکي وایي، وروسته له هغې چې طالبانو دغه ولسوالي تر خپلې ولکې لاندې راوسته، اوس یې د دغې سیمې پر خلکو نوي بندیزونه لګولي او عملي کول یې اجباري کړي دي.
مېرمن سکینه «مستعار نوم» په بدخشان ولایت کې د وسلهوالو طالبانو تر ولکې لاندې سیمه کې ژوند کوي. د نوموړې خاوند په یوه ګاونډي هېواد کې کارکوي او د خپلې کورنۍ لګښت برابروي. سکینه وایي، اوس چې طالبان د دوی پر سیمه واکمن شوي، نه شي کولای چې پرته له محرم څخه بازار ته لاړه شي او خپل د اړتیا وړ توکي وپلوري.
طالبانو په بادغیس کې تر خپلې ولکې لاندې سیمو کې د ښوونځي پر«هېوادپالنې او د ژوند مهارتونه» مضمونونو پر تدریس بندیز لګولی دی. د بادغیس والي حسامالدین شمس وایي، طالبانو په دغه ولایت کې تر خپلې ولکې لاندې سیمو کې له زدهکړییز نصاب څخه د «وطنپالنې او د ژوند مهارتونه» مضمونونه لرې کړي دي.
د جوزجان په مرکز شبرغان ښار کې لسګونو ښځو د طالبانو پر وړاندې مبارزې ته چمتووالی ښودلی دی. دوی وايي، د هېواد، په تېره د جوزجان د دفاع لپاره به له هېڅ راز هڅو مخ ونه ګرځوي. د دغو ښځو په وینا، د هېواد، خلکو او ملي ګټو دفاع یوازې د نارینهوو نه، بلکې د ښځو مسوولیت هم دی او ټول باید د طالبانو پر وړاندې ودرېږو.
د هرات امنیتي مسوولان وايي چې د دغه ولایت په غوریان ولسوالي کې ۱۲ ولسي پاڅونوال وژل شوي دي.
د هرات د امنیې قومانداني ویاند عبدالاحد وليزاده سلاموطندار ته وايي، د طالبانو نفوذي کسان بېګاه شاوخوا ۹ بجې د ولسي پاڅونوالو یوه مرکز ته ورغلي او ۱۲ پاڅونوال یې وژلي دي.
