کندوز کې د کرنې ریاست مسوولان وايي چې دغه ولایت کې د انګورو په حاصلات کې د ۹۰سلنه زیاتوالی اټکل شوی دی.
د کرنې ریاست مسوولان زیاتوي چې د شوي اټکل له مخې به سږکال د کندوز د انګورو له تاکونو په ټولییز ډول ۲۰۰۰ ټُنه انګور ترلاسه شي چې په وینا یې، دغه شمېر تېرکال یوازې ۲۰۰ ټُنه وو.
د سلاموطندار پښتو فېسبوکپاڼه وڅارئ
د کندوز د کرنې ریاست د کرنیزو چارو امر صلاالدین واحدي سلاموطندار ته وايي چې دغه ولایت کې د لازیاتو باغونو جوړولو ته د بڼوال هڅول او بڼوالو ته د وسایلو او توکو وېش لامل شوی چې د انګورو حاصلات د پام وړ زیات شي.
د نوموړي په وینا، د کندوز انګور لوړ کیفیت او ښه خوند لري چې پېردونکو یې، زیات خوښوي.
کندوز کې داسې مهال د انګورو د حاصلاتو د زیاتوالی اټکل شوی چې دغه ولایت کې له تاکونو د انګورو شکول، پیل شوې دي.
