د افغانستان کرېکټ ملي لوبډله نن د اسیا کپ روان څلور غوره پړاو سیالیو په لړ کې د هند کرېکټ ملي لوبډلې پر وړاندې لوبه کوي.
دواړه لوبډلې اسیا کپ څخه بهر شوي او دغه لوبه یوازې تشریفاتي بڼه لري. ټاکل شوې چې یاده سیالي نن ماښام د افغانستان په وخت ۶:۳۰ بجې پیل شي.
افغانستان او هند دواړو په روان پړاو کې له پاکستان کرېکټ ملي لوبډلې څخه ماتې خوړلې دي.
که څه هم افغانستان بېګاه د افغانستان پروړاندې زړه راښکوونکې سیالي وکړه او د لوبې تر وروستیو داسې انګېرل کېده چې افغانستان به یې ګټونکی وي، خو په وروستي اوور کې د پاکستاني توپوهونکي نسیم شاه دوو شپږیزو دغه لوبډله بریا ته ورسوله.
د اسیا کپ په روان پړاو کې سبا سریلانکا او پاکستان سره ولوبېږي او له هغه وروسته به د یاد کپ په پایلوبه کې هم سره لوبه وکړي.
د سلاموطندار پښتو برخه دلته وڅارئ
د اسیا کپ پایلوبه راتلونکې یکشنبه ترسره کېږي.
