د بادغیس امنیتي مسوولان وايي چې یوې ځوانې نجلۍ پرون د دغه ولایت په ابکمري ولسوالي کې ځان را ځړولی او وژلی دی.
د سلاموطندار پښتو فېسبوکپاڼه وڅارئ
د مسوولانو په وینا، یاده نجلۍ اووهلس کلنه وه او د ناڅرګندو دلایلو له امله یې ځان را ځړولی او خپل ژوند ته یې د پای ټکی ايښی دی.
د بادغیس د امنیې قومانداني ویاند صدیقالله صدیقي سلاموطندار ته ویلي چې یاده نجلۍ د ابکمري ولسوالي د «قبچاق» سیمې اوسېدونکې وه.
د هغه په خبره، د دې نجلۍ د ځانوژنې لامل تر اوسه روښانه نهدی، خو په اړه یې د اړوندو کشفي او امنیتي ادارو څېړنې پیل شوې دي.
د یادونې ده چې په دې وروستیو کې د هېواد په بېلابېلو ولایتونو کې د ځانوژنې پېښې زیاتې شوې دي. بېوزلي او کورنی تاوتریخوالی د دغو پېښو اصلي لاملونه ګڼل کېږي.
