د پاکستان کرېکټ سوپر لیګ کې نن پنجشنبه د مارچ اوومه یوه لوبه کېږي چې اسلاماباد یونایټېډ به له کراچي کنګز لوبډلې سره ولوبېږي.
ټاکل شوې چې یاده لوبه نن ماښام ۶:۳۰ د پاکستان په راولپنډۍ کرېکټ لوبغالي کې ترسره شي.
د سلاموطندار پښتو فېسبوکپاڼه وڅارئ
اسلاماباد یونایټېډ لوبډلې بېګاه خپله لوبه لاهور قلندرز لوبډلې ته وبایلله.
اسلاماباد د جدول څلور او کراچي کنګز بیا پنځم ځای کې شتون لري چې دواړو لوبډلو درې-درې لوبې ګټلې دي. اسلاماباد یونایټېډ ۸ او کراچي کنګز بیا روان لیګ کې تراوسه اووه لوبې کړي دي.
د پاکستان سوپر لیګ د تېر پړاو اتله لوبډله لاهور قلندرز بیا بېګاه روان لیګ کې خپله لومړۍ لوبه وګټله. قلندرز اته لوبې کړي چې یوازې یوه یې ګټلې ده.
د جدول په سر کې ملتان سلطانز، بیا کوېټه کلاډیاټورز او درېیم ځای هم پېښور زلمي لوبډلې خپل کړی. د جدول وروستی ځای لاهورز قلندرز سره دی.
په دغه لیګ کې ټولټال شپږ لوبډلې «پېښور زلمي، کوټه ګلېډیېټرز، لاهور قلندرز، ملتان سلطانز، اسلاماباد یونایټېډ او کراچي کېنګز ګډون لري چې د یوه بل پر وړاندې به لوبې وکړي.
د پاکستان کرېکټ «سوپر لیګ» نهم پړاو سیالي د روانې فبرورۍ میاشتې پر ۱۷مې پیل شوی او د مارچ تر ۱۸مې به دوام وکړي.
یوشمېر افغان لوبغاړي هم په یاد لیګ کې د لوبډلو لهخوا اخیستل شوي چې له هغې ډلې نوینالحق د پېښور زلمي لوبډلې لپاره لوبې هم کړې دي.
