د خوست د والي دفتر په یوه خبرپاڼه کې لیکلي چې نن له غرمې مخکې ۱۱ بجې د دغه ولایت د مرکز خوست ښار اړوند سپین جومات ته نږدې په یوه هوټل کې چاودنه شوې ده.
د سلاموطندار پښتو برخه دلته وڅارئ
د خبرپاڼې پر بنسټ، په دې چاودنه کې څو وزیرستاني کډوالو او خوستیاتو ته مرګژوبله اوښتې ده. خبرپاڼه زیاتوي چې تر اوسه درې مړي او اووه ټپیان د خوست روغتونونو ته لېږدول شوي دي.
د خوست د ولایت مقام په خبرپاڼه کې د دې چاودنې د ډول او څرنګوالي په اړه څه نهدي ویل شوي. همدارنګه، په خبرپاڼه کې دا هم روښانه شوې نهده چې مړینه د خوست اوسېدونکو که د وزیرستان کډوالو ته اوښتې ده.
د خبرپاڼې له مخې، امنیتي مسوولان د پېښې سیمې ته ورغلي او د چاودنې د ډول او څرنګوالي تر څنګ، له کبله یې د اوښتې مرګژوبلې په اړه څېړنې روانې دي.
