د روزګان محلي مسوولان وايي چې د دغه ولایت په مرکز ترینکوټ ښار اړوند سیمه کې د یوه کس جسد موندل شوی دی.
د روزګان د امنیې قومنداني ویاند مولوي سعدالله ذاهد سلاموطندار ته ویلي چې د یاد کس جسد یې د مرکز ترینکوټ ښار اړوند «سېناڼو» کلي کې د یوه کور په مېلمستون «مهمانخانه» کې پیدا کړی دی.
د سعدالله ذاهد په وینا، وژل شوی کس بیتالله نومېږي، ۳۰ کاله عمر لري او تراوسه یې د وژنې لامل نه دی معلوم شوی.
د روزګان د امنیې قومنداني ویاند همداراز زیاتوي چې د پېښې پ تړاو یې درې کسان نیولي او دا مهال ترې څېړنې روانې دي.
سلاموطندار پر ټویټر هم وڅارئ
دغه پېښه داسې مهال رامنځته کېږي چې پرون چهارشنبه د غويي شپږمه په یاده سیمه کې د ځمکې پر سر د شخړې له کبله یو کس وژل شوی او اووه نور ټپیان شوي وو.
