خوست کې ډله‌ییز قبر؛ د «۱۰۰» کسانو جسدونه موندل شوي

خوست محلي مسوولان وايي چې دغه ولایت کې یو ډله‌ییز قبر چې شاوخوا «۱۰۰» جسدونه په‌کې وو، موندل شوی دی.

د مسوولان په وینا، دغه ډله‌ييز قبر د مرکز اړوند د «څړبني سيمه» کې د شيخ زايد پوهنتون ته څېرمه هغه مهال موندل شوی چې د اوبو د يو جوړېدونکي چک‌ډېم لپاره سيمه کې کندنې روانې وې.

روزګان کې د یوه کس جسد موندل شوی

د روزګان محلي مسوولان وايي چې د دغه ولایت په مرکز ترینکوټ ښار اړوند سیمه کې د یوه کس جسد موندل شوی دی.

د روزګان د امنیې قومنداني ویاند مولوي سعدالله ذاهد سلام‌وطندار ته ویلي چې د یاد کس جسد یې د مرکز ترینکوټ ښار اړوند «سېناڼو» کلي کې د یوه کور په مېلمستون «مهمان‌خانه» کې پیدا کړی دی.

د روزګان مرکز ترینکوټ کې د یوې ښځې جسد موندل شوی

د روزګان امنیتي مسوولان وايي چې د دغه ولایت مرکز ترینکوټ ښار اړوند سیمه کې پرون دوشنبه د وري ۲۸مه د یوې ښځې جسد موندل شوی دی. د یاد ولایت د امنیتي مسوولانو په وینا، دغه ښځې په ډزو وژل شوې او جسد یې د ترینکوټ ښار اړوند د «پیروشي» نومې سیمه کې پیدا شوی دی.

فاریاب کې د یوه ماشوم جسد موندل شوی

د فاریاب د خواجه‌سبز‌پوش ولسوالي په «غذاري» کلي کې د هغه ماشوم جسد موندل شوی چې یوه اوونۍ مخکې لا درکه شوی و.

د فاریاب د امنیې قومنداني ویاند حمیدا‌لله بت‌شکن سلام‌وطندار ته ویلي چې دغه ماشوم بسم‌الله نومېده او شپږ کلن و چې یوه اوونۍ وړاندې لادرکه شوی و.

 لوګر کې د یوې مېرمنې جسد موندل شوی

 د لوګر د امنیې قومنداني مسوولان وایي چې پرون چهارشنبه د محمداغې ولسوالي په «دهنو» سیمه کې د یوې مېرمنې جسد موندل شوی چې په مرموز ډول وژل شوې ده.

د لوګر د امنیې قومنداني ویاند احمدالله انس سلام وطندار ته ویلي، دغه مېرمن د ناپېژنده کسانو له لوري په مرموز ډول وژل شوې او تراوسه یې د قتل په تور څوک نه دي نیول شوي.