د هرات امنیتي چارواکي وایي چې دا پېښه پرون شپه د هرات د انجیل ولسوالي په خواجه سرمه کلي کې رامنځته شوې ده.
د هرات د امنیه قومنداني ویاند محمود رسولي سلام وطندار ته وویل چې د یوې کورنۍ پنځه غړي چې په کې یو سپین ږیری، یوه ښځه او درې ماشومان شامل دي، په مرموز ډول د وسلهوالو له خوا وژل شوي دي.
د سلاموطندار پښتو فېسبوکپاڼه وڅارئ
د رسولي په وینا، د پېښې له ځای څخه د دوی د ټیمونو څېړنې ښيي چې پېښه د شخصي دښمنیو له امله رامنځته شوې ده.
په همدې حال کې د هرات سیمهییزې سرچینې وایي چې نامعلومو کسانو له دغو پنځو کسانو سرونه غوڅ کړي دي. خو د پېښې په تړاو څوک نه دي نیول شوي.
د هرات امنیتي چارواکي وایي چې دغه موضوع د اسلامي امارت د امنیتي ځواکونو تر څېړنو لاندې ده.
