د فاریاب خانچهار باغ ولسوالي کې سرچینې وايي چې دغه ولسوالي کې د یوه پلانکوچ ډوله او ټراکټور د ټکر له امله شپږ کسان مړه او لس نور ټپیان شوي دي.
پېښه نن سهار ۳:۳۰ بجې د خانچهارباغ ولسوالي په «حدبخشي» سیمه کې رامنځته شوې ده.
په همدې حال کې سرچینې زیاته کړې چې پېښه کې څلور ښځو، یوه ماشوم او یوه نارینه ژوند له لاسه ورکړی او د ښځو او ماشومانو په ګډون لس نور کسان ټپیان شوي دي.
د پېښې ټپیان د اندخوی ولسوالي روغتون ته لېږدول شوي او دا مهال تر درملنې لاندې دي. په ورته مهال په یاده ټرافیکي پېښه کې مړه شوي او ټپیان د فاریاب د بلچراغ ولسوالي اوسېدونکي دي.
